Тренерот на лондонски Тотенхем, Антонио Конте, во пресрет на натпреварот од 5. коло од англиската Премиер лига со Вест Хем, ја коментираше играта на крилниот напаѓач на неговата екипа , Сон Хеунг-Мин, кој имаше само една асистенција во последните четири натпревари.

„Можеби во овој момент многу страда затоа што не постигнува гол. Но, тој мора да продолжи и да си верува, бидејќи на секој натпревар има можност, шанса за гол и во тие моменти мора да биде смирен. Знам дека Сони е навистина паметен играч. Тој е навистина интелигентна и прекрасна личност, навистина убаво момче. Ако ми треба пример, ако треба да најдам сопруг за ќерка ми, би сакал тој да биде маж како него“, изјави Конте.

Македонскиот фудбалски репрезентативец Стефан Спировски  својата фудбалска кариера ќе ја продолжи во екипата на Пјуник од Ерменија.

Спировски остана без ангажман после истекот на договорот со МТК, па сега продолжува во шампионот на Ерменија каде за соиграч ќе го има Марјан Радески.

Стефан Спировски има богата интернационална фудбалска кариера, играјќи за голем број клубови, a во репрезентативниот дрес има вкупно 52 настапи.

Англиските премиерлигашки клубови се доближуваат до сумата од две милијарди евра кои се потрошени за трансфери на играчи.

Клубовите во текот на летово за ангажмани на нови играчи потрошија 1,84 милијарди евра. Надмината е вкупната сума од рекордното лето во 2017 година кога беа потрошени 1,6 милијарди евра.

Со трансферите на Фофана и Антони и големиот промет кој се очекува до последниот ден на преодниот рок кој завршува на 1.септември, вупната сума ќе ја премини границата од две милијарди евра.

Тренерот на Манчестер Сити, Пеп Гвардиола, соопшти дека португалскиот фудбалер Бернардо Силва одлучил да остане во редовите на англискиот шампион.

Силва наводно имал понуда од Барселона, меѓутоа после разговорот со Гвардиола тој се одлучил и оваа сезона да настапува за клубот од Манчестер.

„Силва дефинитивно останува играч на Манчестер Сити. Тој е незаменлив, може да игра на три, четири или пет позиции“, изјави Гвардиола.

28-годишниот Силва е член на Манчестер Сити од 2017 година каде пристигна од Монако. тој во дресот на Сити одигра 256 натпревари во сите натпреварувања и постигна 50 гола.

Македонскиот фудбалски репрезентативец Дарко Велковски својата играчка кариера најверојатно ќе ја продолжи во Саудиска Арабија, пренесуваат спортските портали.

После завршувањето на соработката со екипата на Ријека од Хрватска, Велковски добил неколку понуди за ангажман од клубови од Унгарија и Турција, меѓутоа финансиски најдобра понуда за дефанзивецот пристигна од екипата на Ал Етифак од Саудиска Арабија која Велковски најверојатно ќе ја прифати.

Милан денес ќе го комплетира трансферот на дефанзивецот на Шалке, Малик Тао, но „росонерите“ не застануваат тука.

Италијанските медиуми пренесуваат дека Милан договорил уште едно засилување од Бундеслигата, а станува збор за играчот на Волфсбург, Астер Вранкс.

19-годишниот Белгиец важи за голем талент и одигра добра сезона во Бундеслигата, а Милан верува дека ќе биде одлична замена за Франк Кеси.

Бразилскиот фудбалер Лукас Пакета е ново засилување на Вест Хем, соопштуваат од лондонскиот клуб.

25-годишниот Пакета во Вест Хем пристигна од Лион каде настапуваше последните две години. Од клубот за услугите на крилниот напаѓач издвоија рекордни 61,6 милиони евра.

Бразилецот со клубот од Лондон потпиша петгодишен договор со можност за продолжување на соработката на уште една година.

Пакета во минатото има настапувано за Фламенго и Милан.

Дефанзивецот на Челзи, Итан Ампаду, кариерата ќе ја продолжи во Италија, каде и претходно настапуваше во екипата на Венеција.

Специја ќе го добие 21-годишниот играч на позајмица со опција за откуп на неговиот договор во јуни следната година. Преговорите меѓу клубовите се во завршна фаза.

Купувањето на играчот ќе го чини италијанскиот клуб 15 милиони евра. Се очекува денеска Ампаду да одлета за Италија, а утре да биде на лекарски преглед во новиот тим.

Дефанзивецот минатата сезона ја помина на позајмица во Венеција.

Напаѓачот на Барселона, Пјер-Емерик Обамејанг бил ограбен во својот дом во Кастелдефелс, јавуваат шпанските медиуми.

Инцидентот се случил во домот на фудбалерот, информираат медиумите, повикувајќи се на полициски извори. Наводно најмалку четири лица влегле во градината во близина на куќата на фудбалерот, па откако го претепале со огнено оружје им се заканувале и на играчот и на неговата сопруга.

Напаѓачот го отворил сефот и од него бил одземен накитот, по што напаѓачите побегнале со автомобил. Полицијата трага по сторителите.

Челзи е заинтересиран за ѕвездата на Кристал Палас, Вилфред Заха, пренесуваат медиумите на Островот.

Минатото лето за потписот на Вилферд Заха се бореа Арсенал и Евертон, но ниту еден клуб на крајот не го доведе. Причината што Заха остана во Палас е што овој клуб за него постави цена од 80 милиони евра и не сакаше да го пушти за помалку пари.

Меѓутоа, Заха сега влезе во последната година од договорот и инсистира да ја промени средината, а Челзи сака да ја искористи таквата ситуација.

„Сините“ бараат засилување во нападот, па откако не успеаа да доведат неколку фудбалери кои беа на списокот на Тухел, сега ќе се насочат кон Заха.