Поранешниот селектор на Македонија, Игор Ангеловски една година по заминувањето од кормилото на репрезентацијата се враќа во фудбалот како тренер на хрватскиот тим Горица.

Ангеловски по претставувањето во Горица ја даде и првата изјава за медиумите.

„Ја следам хрватската лига од кога бев селектор на Македонија затоа што многу играчи играа тука. Задоволство е да се биде тренер во ова првенство, лигата е се повеќе квалитетна и мотивација за секој тренер“.

„Нема да се расфрлам со изјави, мојот начин на работа е да одиме полека. Во овој момент најважен ни е следниот натпревар. Наважно е да бидеме добри како тим, тоа треба да ни биде на прво место. Горица поседува квалитет и мислам дека тој може да донесе подобри резултати. Токму и поради тоа се одлучив да дојдам тука“, изјави Ангеловски.

Тренерот на Пари Сен Жермен, Кристоф Галтие, ги објави влезните и појдовните трансфери во преостанатите денови од затворањето на пазарот (1 септември).

Досега клубот платил околу 70 милиони евра за Витиња, Ренато Санчез, Норди Мукиеле и Хуго Екитике, а има сериозен интерес за Фабијан Руиз и Милан Шкриниар.

Во исто време си заминаа многу натпреварувачи како Анхел Ди Марија, Тило Керер, Жоржињо Вајналдум и други.

„Многу работи ќе се променат во следните, последни денови од преодниот рок, бидејќи има многу играчи кои чекаат да си заминат, а исто така и оние кои чекаат да дојдат кај нас“, изјави Галтие.

Тренерот не сакаше да даде детали што се случува со Шкриниар, кој веројатно ќе остане во Интер. Галтие потврди дека Леандро Паредес е во преговори со Јувентус.

Андер Херера конечно го реши прашањето за тоа каде ќе настапува сезонава, а тоа значи враќање во клубот каде и првично го најави и потврди својот потенцијал.

Шпанскиот интернационалец ќе настапува како позајмен играч во Атлетик Билбао, решение кое е донесено откако ПСЖ јасно му порача на Херера дека не е во плановите на новиот тренер, Кристоф Галтие.

Баскијците ќе имаат можност да го откупат договорот на Ерера по крајот на сезоната, а реално речиси не постојат шанси играчот за врска повторно да настапува за францускиот шампион.

Херера пристигна во Париз во 2019 година од Манчестер Јунајтед, каде пак настапуваше претходните пет години.

Шпанецот има договор со Французите до 2024 година.

Поранешниот селекторот на македонската фудбалска репрезентација, Игор Ангеловски е нов тренер на хрватскиот прволигаш Горица. Тој денеска го потпиша договорот со хрватскиот прволигаш со важност до 2024 година.

„Морам да му се заблагодарам на претседателот Чрнек за одлуката да ја преземам Горица, се договоривме многу брзо и среќен сум поради моето доаѓање. Ги следам сите натпревари во хрватската лига уште од времето кога бев селектор на Македонија, бидејќи многу играчи играа во хрватските клубови и затоа можам да кажам дека многу добро ги познавам состојбите во ХНЛ. Нема да давам изјави, мојот начин на работа е да одам полека. Во моментов најважно ни е гостувањето во сабота, мора добро да се подготвиме и да одиме на тој натпревар за да оствариме позитивен резултат“, изјавил Ангеловски по промоцијата.

Лестер ја прифатил понудата на Челзи за дефанзивецот Весли Фофана.

21-годишниот фудбалер ќе ги чини лондончани 82,5 милиони евра фиксни, а сумата може да се зголеми за неколку различни видови бонуси.

Трансферот ќе ја направи Фофана најскапиот дефанзивец во светот, пред Хари Мегваер и Вирџил ван Дијк.

Во моментов се подготвуваат документите, а зделката „сините“ ќе ја објават во наредните часови. Фофана ќе потпише договор со лондончани на шест сезони.

Агентот на Виктор Осимен, Роберто Календа ги демантираше информациите дека Манчестер Јунајтед и Наполи преговараат Нигериецот да им се приклучи на „црвените ѓаволи“.

Се тврдеше дека агентот на Кристијано Роналдо, Жорж Мендеш, се обидувал да договори размена меѓу двата клуба, при што Осимен би тргнал во една насока, а Роналдо во друга.

Сепак, Календа е дециден дека такви преговори не се водат.

„Нема разговори за таква размена. Осимен е играч на Наполи и сака да игра во Лигата на шампионите со Наполи, откако му помогна на тимот да се квалификува на турнирот со својот настап на теренот, со гордост и со помош на соиграчите и на тренерот“, напиша Календа во Твитер.

Напаѓачот на Челзи, Рахим Стерлинг постигна гол на натпреварот од 4. коло од англиската Премиер лига со Лестер. Англискиот напаѓач стана третиот играч во светот кој постигнал гол за Челзи, Манчестер Сити и Ливерпул.

Претходно тоа го имаа направено Французинот Николас Анелка и сонародникот на Стерлинг, Даниел Стариџ.

27-годишниот Стерлинг му се приклучи на Челзи од Манчестер Сити за 56,2 милиони евра во јули 2022 година. Пред тоа, во три натпревари за сините, Рахим даде една асистенција – во натпреварот со Тотенхем (2-2) во второто коло од англискиот шампионат. Договорот меѓу двете страни е до 2027 година.

Менаџерот на Тотенхем, Антонио Конте не крие дека неговата амбиција е тимот да ја прескокне групната фаза од Лигата на шампионите и да стигне што подалеку во најпрестижното натпреварување во клупскиот фудбал.

„Мамузите“ се најдоа во групата Д, во која се и екипите на Ајнтрахт, Спортинг и Марсеј.

Според Италијанецот, силите во оваа група се изедначени.

„Зборуваме за најтешкото и најважното натпреварување во Европа, можеби и во светот, бидејќи на овој турнир се најдобрите селекции во светот. Нашата група е избалансирана. Секако нашата цел е да се обидеме да се пласираме во нокаут фазата. Ние добивме можност да играме на ова важно натпреварување и сакаме да уживаме во нашето учество, да играме добар фудбал и евентуално да стигнеме далеку“, рече Конте.

Напаѓачот на Атлетико Мадрид, Жоао Феликс, призна дека веќе се чувствува удобно во планот за игра на Диего Симеоне.

На Португалецот му требаше време да се прилагоди на методите на работа на Аргентинецот, но двајцата веќе се разбираат одлично и тоа му овозможува на напаѓачот да го покаже најдоброто од она за што е способен.

„На почетокот не ми беше удобно. Во Бенфика игравме различен фудбал, но знаев дека морам да се адаптирам што е можно побрзо. Тоа е она што се обидував да го направам во првите сезони овде. Сега се чувствувам апсолутно удобно со начинот на кој тимот игра. Јас сум тука да играм за Атлетико и морам да играм така во негов стил. Отпрвин ми беше тешко. Не бев навикнат на притисокот. Со текот на времето и со вистинските луѓе околу мене, работите станаа нормални. Сега правам се перфектно. Верувам дека ни претстои одлична сезона. Нашата амбиција секоја сезона е иста – да освојуваме трофеи. Имаме многу турнири на кои треба да се фокусираме во текот на сезоната“, изјави Феликс.

Холандскиот репрезентативец Жоржињо Вајналдум ќе го пропушти финалето на Светското првенство на ФИФА во Катар во ноември и декември поради повреда.

Играчот од средниот ред потпиша со италијанска Рома на почетокот на август, но се здоби со фрактура на тибијата на десната нога на тренингот на крајот на минатата недела.

По лекарските консултации, клубот и играчот решија да се обложат на конзервативен третман и тој нема да оди на операција, со очекување дека неговото закрепнување ќе трае меѓу 3 и 4 месеци.

За 6-8 недели, Вајналдум ќе биде подложен на нови тестови за да покаже дали треба да се преземат други мерки. Првичните прогнози се дека тој ќе биде подготвен да се врати на терените најрано во јануари 2023 година.

„Работевме напорно за да го добиеме Џини. ​​Во првите две недели тој се вклопи навистина добро, како да е со нас една година. Неговата повреда е навистина, навистина лоша среќа, но тој ја прифаќа со насмевка, што е прв чекор во вистинската насока. Мислам дека во јануари Џини ќе биде како одлично ново засилување во тимот“, објасни спортскиот директор на Римјаните, Тиаго Пинто.