Франческо Тоти го смета својот поранешен соиграч Мохамед Салах за еден од најдобрите десет фудбалери во светот.

Тоти имаше само пофални зборови за Египќанецот и истакна за него би платил и 200 милиони евра.

„За мене Салах е еден од најдобрите 10 играчи во светот. Односот кој го имам со него го надмина фудбалот. Тој е исклучително скромна и љубезна личост. Додека бевме во Рома знаев дека ако направи трансфер во клуб како Ливерпул ќе стане уште подобар. Кога јас би бил претседател на некој клуб за него би платил и 200 милиони евра“, изјави Тоти.

ПРЕД ТОЧНО 18 ГОДИНИ….
Ибрахимовиќ на 22 август 2004 година го одигра својот последен натпревар во дресот на Ајакс кој славеше победа со 6:2, а шведскиот напаѓач постигна хет-трик.
Неговиот најубав гол беше во 76 минута кога буквално ја издрибла целата одбрана на противникот.

Наби Кеита и на почетокот на оваа сезона имаше проблеми со здравјето, па поради тоа се уште не успева да фати стандардно место во тимот на Ливерпул.

27-годишниот играч од средниот ред според некои шпекулации можеше да биде продаден ова лето, но менаџерот на Ливерпул, Клоп, вели дека во оваа ситуација тоа е веќе невозможно.

„Да го продадеме Наби сега и да бараме замена? Не, тоа не е можно. Тоа не е планот со кој влеговме сезонава. Играчите нема да си одат без нивна адекватна замена. Затоа Наби нема да не напушти. Но, ако сакаше, тогаш ќе моравме да најдеме негова замена, сега е веќе доцна“, вели Клоп.

Њукасл е блиску до договор за напаѓачот на Ватфорд, Жоао Педро. „Страчките“ имаа првична понуда за Педро која беше одбиена минатата недела, но се очекуваат дополнителни разговори во следните 24 часа.

Њукасл се надева дека ќе постигне договор за Бразилецот вреден околу 30 милиони фунти, од кои некои ќе бидат бонуси на првичната исплата, а Ватфорд и понатаму сака да го продаде напаѓачот.

Менаџерот Хау летово обезбеди три засилувања, Ник Поуп, Мет Таргет и Свен Ботман, но ќе се обиде со уште еден напаѓач кој треба да му биде конкуренција на Калум Вилсон.

Напаѓачот на Манчестер Јунајтед, Кристијано Роналдо ќе остане во англискиот клуб, објави новинарот Педро Алмеида на својата страница на социјалните мрежи.

Според изворот, португалскиот фудбалер оваа одлука ја донел поради трансферот на играчот од средниот ред на Реал Мадрид, Касемиро во екипата на „црвените ѓаволи“. Да потсетиме дека претходно Роналдо и Каземиро играа заедно за шпанскиот тим. Претходно беше објавено дека Роналдо би можел да ја продолжи кариерата во Борусија Дортмунд, Спортинг или Олимпик Марсеј.

Во првото коло од Премиер лигата, Роналдо го започна натпреварот на Манчестер Јунајтед со Брајтон (1-2) како резерва, влегувајќи како замена. Вториот меч – со Брентфорд (0-4) – го одигра во целост, но на двете средби не успеа да постигне гол или асистенција.

Напаѓачот на Арсенал Николас Пепе може да ја продолжи кариерата во Лига 1.

Во моментов тече преговарачкиот процес меѓу Арсенал и тимот од францускиот шампионат – Ница. Ова го пренесува авторитетниот инсајдер Фабрицио Романо.

Станува збор за позајмица на 27-годишен фудбалер. Деталите за договорот за позајмица на играчот се разговараат бидејќи Арсенал наводно побарал од Николас Пепе што побрзо да одлучи каде ќе ја продолжи кариерата.

Исто така, се додава дека Севиља во моментов нема понуди до Арсенал за играчот и покрај гласините за ова во медиумите.

Да потсетиме дека во 2019 година лондонскиот клуб го доби напаѓачот од францускиот Лил. Тогаш трансферот на напаѓачот од Брегот на Слоновата Коска ги чинеше „топчиите“ 86 милиони евра. Договорот меѓу Пепе и лондонскиот клуб истекува во 2024 година. Пазарната вредност на играчот Трансфермаркт ја проценува на 25 милиони евра.

Италијанскиот фудбалски прволигаш Наполи се засили за оваа сезона ангажирајќи го 25-годишниот Французин Танги Ндомбеле како позајмен фудбалер од Тотенхем.     

Францускиот играч за врска во Тотенхем не успеа да избори стандардно место во првиот тим и вториот дел од ланската сезона го мина како позајмен фудбалер во Лион од каде се пресели во лондонскиот премиерлигаш во 2019 година. 

Наполи ќе има право да го откупи неговиот договор со Тотенхем на крајот на сезоната. Новото засилување на Наполи има седум настапи за француската репрезентација.

Челзи упатиле барање за можноста да го ангажира дефанзивецот на Манчестер Јунајтед, Хари Мегваер, според „Дејли Мејл“. Лондончани ја разгледуваат опцијата да го вклучат англискиот интернационалец како дел од зделката за трансферот на Кристијан Пулишиќ во редовите на „црвените ѓаволи“.

Не е тајна дека Челзи е во потрага по нов играч кој ќе ја засили одбраната. И покрај ангажманот на Калиду Кулибали од Наполи, на „сините“ им треба барем уште едно засилување во таа област бидејќи клубот беше напуштен од Антонио Рудигер и Андреас Кристенсен летото и моментално имаат малку опции во центарот на одбраната.

Главна трансфер цел на Челзи е Весли Фофана од Лестер. Сепак, преговорите за 21-годишниот талент одат напорно, па затоа на „Стемфорд Бриџ“ размислуваат за други опции, а една од нив е и Мегваер.

Дефанзивецот на Арсенал, Хектор Белерин има се повеќе додворувачи. Се очекува 27-годишниот десен бек во секој момент да го раскине договорот со „топчиите“ и да стане слободен играч, што го прави толку посакуван на пазарот. Сега италијански Удинезе е подготвен да се вклучи во битката за неговиот потпис.

Белерин минатата сезона ја мина на позајмица во Бетис, каде што настапи многу силно. Желбата на фудбалерот е повторно да го облече тимот на Севиља, која исто така сака да го врати во својот тим.

Во меѓувреме, сепак, интерес за Белерин има и од Барселона, а тоа може да ги промени плановите на дефанзивецот и тој да реши да си ја проба среќата на „Камп Ноу“. Не е за потценување фактот дека Шпанецот е дете на Каталонците.

Италијанскиот шампион Милан, сега повторно ги отвори преговорите со Тотенхем за трансфер на Џафет Танганга.

Танганга претходно беше на мета на Милан, но имаше врски и со Рома. Разговорите меѓу „росонерите“ и Спарс се повторно отворени, а Милан сака да го ангажира Танганга на позајмица со опција за купување следното лето. Таков договор, пак, не им одговара на лондончани.

Но, и покрај тоа што разговорите се враќаат, ситуацијата е иста како што беше претходно и Спарс сакаат само трајно да го продадат дефанзивецот.