Напаѓачот на Интер, Алексис Санчез е блиску до трансфер во Марсеј, пренесуваат италијанските медиуми.

„Нероаѕурите“ сакаат да го намалат буџетет за плати, а Санчез е еден од најплатените фудбалери во тимот. Поради тоа италијанските медиуми тврдат дека Интер е спремен да му плати бонус за раскинување на договорот.

Италијанските медиуми пренесуваат дека Санчез конечно нашол клуб со кој постигнал договор и сега е спремен да го раскине договорот со Интер. Санчез ќе добие 4 милиони евра за раскинување на соработката, а во Марсеј ќе добие плата од 3,5 милиони евра по сезона.

Катар ќе биде првата азиска земја во која ќе се одржи едно Светско првенство, а овој Мундијал ќе биде посебен и по тоа што ќе се одржи во ноември и декември. За Катарците ова е голема во најдобро светло да се претстават пред домашната публика, па така тие уште сега ги стартуваат подготовките што секко е неевобичаено. Селекторот на Катар, Феликс Санчез избра состав од 27 фудбалери кои ќе поминт дури шест месеци заедно во тренинг кампот пред Мундијалот.

Прват фаза од подготовките ќе биде во Шпанија, а потоа втората во Австрија каде што ќе одиграат неколку пријателски натпревари. За многумина ваквите подготовки може да имаат и негативен ефект затоа што играчите ќе бидат предолго заеднно и нема да играат други натпревари.

Но, треба да се потсети дека Јужна Кореја пред СП 2002 се подготвуваше на сличен начин, тогаш играчите на оваа селекција беа пет месеци во камп за подоцна да стигнат до полуфиналето на Мундијалот на кој беа коорганизтори.

Катар на СП ќе игра во група со Еквадор, Сенегал и Холндија.

Тренерот на Манчестер Сити, Пеп Гвардиола, порачува дека во претстојната сезона на Премиер лигата, за шампионскиот пехар ќе се борат повеќе екипи.

Во претходните три сезони два евидентни фаворити кои се тркаа за титулата беа Манчестер Сити и Ливерпул, додека останатите клубови не беа голема закана.

За време на летниот период повеќе екипи меѓу кои Арсенал, Тотенхем, Манчестер Јунајтед, Челзи, значително ги засилија своите тимови, но Гвардиола не сака да даде конкретен одговор кој ќе биде најголемиот ривал на Сити во трката за титулата. Тој само очекува дека оваа сезона повеќе клубови имаат реални шанси за подигање на трофејот.

Легендарниот тренер на Манчестер Јунајтед Сер Алекс Фергусон, се врати во клубот од Олд Трафорд, каде од следната сезона ќе има советодавна улога, пренесуваат англиските медиуми.

Фергусон се враќа на официјална функција во клубот после девет години, а поканата за негов ангажман стигна од извршниот директор на Јунајтед, Ричард Арнолд.

Сер Алекс ќе дава совети во врска со сите аспекти на работата на клубот каде како тренер освои 38 трофеи, од кои 13 трофеи во Премиер лигата и две Лиги на шампиони.

Валенсија започна преговори со италијанскиот напаѓач Андреа Белоти за трансфер како слободен играч. Првиот понуден личен договор е до 2025 година со опција за продолжување на уште една година, објави новинарот Николо Шира на Твитер.

Според изворот, главниот тренер на Валенсија, Џенаро Гатузо е љубител на напаѓачот уште од времето во Палермо. Исто така, Италијанецот беше подготвен да го купи овој играч кога беше на чело на Милан.

Андреа Белоти е без клуб откако во јуни оваа година му истече договорот со Торино. Минатата сезона во Серија А, напаѓачот одигра 22 натпревари на кои постигна 8 гола и 1 асистенција. Во 2017 година Белоти беше на радарот на многу врвни клубови во Европа, но управата на Торино побара околу 100 милиони евра за играчот, кои гигантите одбија да ги платат.

Калум Хадсон-Одои би можел да го напушти Челзи ова лето. Лондончани се подготвени да се разделат со 21-годишниот фудбалер. Хадсон-Одои е надвор од плановите на менаџерот на Челси, Томас Тухел и клубот доби профитабилна понуда за него, тогаш управата нема да го задржи играчот.

Калум Хадсон-Одои можеше минатото лето да замине на позајмица во Борусија Дортмунд, но Тухел не го пушти Англичанецот во својот поранешен клуб. Играчот од средниот ред минатата сезона одигра 23 натпревари во Премиер лигата, постигнувајќи два гола и пет асистенции. Договорот на Хадсон-Одои со Челзи е до летото 2024.

Порталот „Трансфермаркт“ ја проценува вредноста на играчот на 25 милиони евра.

Мемфис Депај им кажал на играчите на Барселона дека нема да го напушти каталонскиот клуб, пренесува „Диарио Спорт“.

28-годишниот Холанѓанец се сврте кон соиграчите во соблекувалната и рече:

„Ќе останам дури и ако потпишат уште шест напаѓачи“.

Депај е изненаден од однесувањето на управата на Каталонците откако минатото лето дојде во клубот како слободен играч и направи значително намалување на платата.

Во исто време, Мемфис Депај има намера целосно да го исполни неговиот договор кој е со важност до 30 јуни 2023 година. Минатата сезона тој постигна 13 гола и направи две асистенции на 37 натпревари за Барселона во сите натпреварувања.

Фудбалската федерација на Македонија, известува дека добило писмено известување од фудбалскиот клуб Ренова во кое се потврдува одлуката за откажување од настапот во Првата македонска лига за сезоната 2022/23.

После откажувањето на Ренова, македонскиот фудбалски шампионат ќе брои 11 екипи, па во секое коло еден тим ќе биде слободен.

Прва слободна екипа на почетокот од новото првенство ќе биде Македонија ЃП која требаше во првото коло да игра против Ренова.

21-годишниот белгиски играч од средниот ред на Бриж, Шарл де Кетелар е се поблиску до Милан.

Преговорите меѓу двата клуба се во завршна фаза, а се очекува „росонерите“ да платат 35 милиони евра плус бонуси.

За да го забрза преговарачкиот процес, самиот фудбалер направи отстапки за висината на платата и наместо 2,5 милиони евра, ќе зема 2,2 милиони.

Неговиот договор се очекува да биде до летото 2027 година.

Денеска со жрепка се одредени двојките за првото коло од фудбалскиот Куп на Македонија Meчевите ќе се одиграат на 14 септември.

БЕЛАСИЦА – ШКУПИ 1927

ГОСТИВАР – ПЕЛИСТЕР

ТЕТЕКС –  АКАДЕМИЈА ПАНДЕВ

СЛОГА 1934 – БРЕГАЛНИЦА 2008

КАМЕНИЦА САСА – ВАРДАР

КОЖУФ ГЕВГЕЛИЈА – ТИКВЕШ 1930

ВАРДАР НЕГОТИНО – СТРУГА ТРИМ Љ УМ

КАРБИНЦИ – ПОБЕДА

ЗАЈАЗИ – ВОСКА СПОРТ

ФОРТУНА – БОРЕЦ 1919

ЉУБОТЕН – РЕНОВА

БВК КОЊАРИ – РАБОТНИЧКИ

ЦРНО БУКИ ЗЛ – СКОПЈЕ

КАРАОРМАН 2017 – ШКЕНДИЈА

Бранителот на трофејот, Македонија Ѓорче Петров и минатогодишниот финалист Силекс се слободни од првата фаза.