Фудбалерот, Јулијан Дракслер, нема намера и понатаму да ја грее клупата на ПСЖ и затоа ќе си побара нов клуб, објавија медиумите во Франција.

Според наведенотo, за неговиот потпис конкурира англискиот Њукасл кој ќе треба да плати околу 30 милиони евра.  28-годишниот Германец не е дел од експедицијата на ПСЖ која ги реализира летните подготовки на турнеја во Јапонија.

Дрекслер во претходната сезона одигра само 18 натпревари во Лига 1.

Само што се врати во Јувентус и ја одигра својата прва средба, Пол Погба се здоби со повреда на коленото поради која ќе отсуствува од терените неколку недели.

Погба повредата ја заработи на еден од тренинзите на бјанконерите. На почетокот прогнозите беа дека не се работи за нешто посериозно, но подоцнежните лекарски тестови покажаа дека се работи за повреда на менискусот од десното колено и дека се потребни дополнителни прегледи.

Францускиот фудбалер ова лето повторно се врати во Јувентус како слободен играч после истекувањето на договорот со Манчестер Јунајтед.

Фудбалската репрезентација на Боливија во моментот е без селектор, а од фубалскиот сојуз на оваа земја решија новиот предводник на репрезентацијата да го побараат преку оглас.

Сојузот преку социјалните мрежи објави оглас на кој се наведени условите за аплицирање и истиот е отворен до 29.јули.

– Отворен е јавен повик за доставување на CV за избор на нов селектор на репрзентацијата. Домашните и странските тренери своите апликации можат да ги испраќаат до 29.јули.

Интересно е да се види дали на огласот ќе се пријави некое познато тренерско име.

Тренерот на Барселона, Чави Ернандез, побара од пртседателот на каталонскиот клуб Жоан Лапорта да го врати во екипата аргентинскот фудбалер Лионел Меси, пренесуваат шпанските медиуми.

Чави играше заедно со Меси во Барса од 2004 до 2015 година, а заедно имаат освоено 24 трофеи, меѓу кои и четири Лиги на шампиони.

Меси минатата година поради тешката финансиска ситуација во која се најде Барселона, одлучи после 21 година да го напушти Камп Ноу и да прејде во ПСЖ.

Во меѓувреме Париз Сен Жермен му нуди нов договор на Меси, но аргентинскиот фудбалер нема одговорено на понудата и одлуката ја остава за после СП во Катар.

Според информациите Барса и Чави сакаат да ја искористат оваа ситуација и на крајот од наредната сезона да го вратат Меси во клубот. Можноста за враќање на Аргентинецот назад во Барса неодамна ја најави и претседателот Лапорта.

Челниците на Арсенал се заинтересирани за доведување на фудбалерот од ПСВ Ајндховен и холандски репрезентативец Коди Гакпо.

Арсенал во летниот преоден рок веќе потроши 132 милиони евра на засилувања, но лондонскиот клуб сака да ангажира уште еден напаѓач.

На мета на топџиите се најде Гакпо кој е прогласен за најдобар играч на холандското првенство во минатата сезона.

Од ПСВ за својот заменик капитен ќе бараат најмалку 40 милиони евра.

23-годишниот Гакпо за првиот тим на ПСВ има одиграно 135 натпревари и постигнато 42 гола.

24-годишниот француски дефанзивец Норди Мукиеле објави проштална порака за навивачите на германскиот РБ Лајпциг пред комплетирањето на неговата преселба во Пари Сен Жермен.

„Почитувано семејство на РБ Лајпциг!

Сакав да ти се заблагодарам за се што направи за мене. Ме натеравте да се чувствувам како дома уште од првиот ден од моето доаѓање и денес си заминувам со тешко срце. Сакам да им се заблагодарам на сите вработени во клубот кои секојдневно ни помагаа да ги оствариме нашите цели. Историјата што ја изградивме е и ваша. Браќа мои во клубот, да го одржиме ова наследство живо! Тренери и персонал што ги имав во овие четири сезони – Ви благодарам! Со тебе ја покажав мојата најдобра страна. Не само што се подобрив како играч, туку и како личност, успеав да исполнам некои од моите лични желби и благодарение на тебе. Благодарам на сите! Твојот Џокер, Норди“, гласи објавата на Мукиеле на една од социјалните мрежи.

Екипите на Лацио и на Интер ќе направат обид да дојдат до потписот на белгискиот фудбалер Дрис Мертенс кој дефинитивно ќе си замине од тимот на Наполи, објавија медиумите на „Чизмата“.

Најдобриот стрелец во историјата на Наполи ќе го напушти стадионот – „Диего Марадона“ по цели девет години откако не пронајде заеднички јазик со управата за продолжување на договорот.  

Мертенс за Наполи има одиграно 309 мечеви и постигнато 121 гол.

Богатите сопственици на Њукасл, остануваат максимално активни на трансфер пазарот во обид да направат конкурентен состав за висок пласман во новата сезона во Премиер- лигата.

Англиските медиуми денеска објавија дека нова трансферна цел на Њукасл е Харви Барнс од екипата на Лестер. 24-годишниот фудбалер беше вистински лидер на популарните „лисици“ и еден од најдбрите на теренот.

Се претпоставува дека Лестер ќе се раздели со Барн под услов да добие најмалку 50 милиони фунти.

Италијанскиот Калчомеркато пренесува дека фудбалерот на Лацио, Сергеј Милинковиќ-Савиќ, би можел својата кариера да ја продолжи во Манчестер Јунајтед, ако Френки де Јонг нема намера да пристигне на Олд Трафорд.

Италијанските медиуми потсетуваат дека Барселона веќе го договори износот на обештетување за холандскиот фудбалер, но Де Јонг го стопира трансферот бидејќи не сака да игра за Јунајтед кој наредната сезона нема да настапува во ЛШ.

Калчомеркато тврди дека Милинковиќ-Савиќ е прва алтернатива за Де Јонг, бидејќи челниците на клубот од Олд Трафорд го губат трпението и сакаат да доведат засилување во екипата пред стартот на сезоната во Премиер лигата.

Обештетувањето за српскиот фудбалер сега изнесува околу 70 милиони евра.

Во центарот на вниманието на Јувентус е доаѓањето на Алваро Мората трајно во Торино. Шпанецот претходните две сезони ги мина во „старата дама“ како позајмен играч од Атлетико Мадрид.

Сега Јуве се обидува да го откупи договорот на Мората, „јорганџиите“ не се подготвени да го продадат напаѓачот со кој имаат договор до 2024 година. Јуве се надева дека ќе му угоди на Симеоне и ќе успее да го откупи договорот на Мората за 18.000.000 евра, но тоа е тешко.

Италијанските медиуми пишуваат дека алтернативни решенија се резервните играчи на Ливерпул и Манчестер Јунајтед – Роберто Фирмино и Антони Марсијал.

Фирмино минатата сезона го загуби местото во тимот на Јирген Клоп, ситуацијата за Бразилецот може само да се влоши со доаѓањето на Дарвин Нуњез од Бенфика. Се чини дека на „црвените“ не би им пречело да се разделат со Фирмино, а доволна причина за нив би биле 20.000.000 евра.
Што се однесува до Марсијал, Французинот се надева на нов почеток под водство на Ерик тен Хаг, максимално искористувајќи го отсуството на Кристијано Роналдо од тренинзите и постигнувајќи три гола на неговите први четири пријателски натпревари.