Вулверхемптон е подготвен да го продаде крилниот напаѓач Адама Траоре за скромна сума од 10 милиони фунти. 26-годишниот фудбалер минатата сезона ја мина на позајмица во Барселона, но не успеа да ги убеди Каталонците да ги откупат неговите права. Тој сега се врати во „Молину“, но во оваа фаза се чини дека тој не е дел од плановите на менаџерот Бруно Лагер, бидејќи клубот веќе бара купувач за него, според Football Insider.

Интересно, „волците“ платија 18 милиони на Мидлсброу за правата на Траоре во 2018 година, па доколку сега биде продаден за 10 милиони, клубот ќе биде во сериозна загуба.

И самиот Траоре е склон кон трансфер. Проблемот е што тој се надева дека ќе добие понуда од топ клуб, но во оваа фаза шансите тоа да се случи воопшто не изгледаат големи. Во моментов најсериозен интерес за него има од Евертон.

Не е исклучена и опцијата Траоре да остане на „Молину“ и во новата сезона и да го исполни својот договор кој е до летото 2023 година.

Фудбалерот на Интер, Ромелу Лукаку изјави дека згрешил што минатото лето го напушти миланскиот тим и прејде во Челзи.

Клубот од Стенфорд Бриџ пред година дена плати 113 милиони евра за голгетерот од Белгија кој сега се врати во Интер на позајмица.

„Оваа сезона ќе биде мој најголем предизвик во кариерата. Минатата година си заминав од Интер и мислам дека направив грешка. Сега сум повторно среќен што го носам овај дрес и верувам дека оваа сезона ќе прикажам одличен фудбал. Интер расте како клуб на светско ниво“, изјави Лукаку.

Белгискиот напаѓач во сезоната 2020/21 за Интер постигна 64 гола на 95 натпревари и даде голем придонес во освојувањето на шампионската титула.

Шпанските медиуми тврдат дека фудбалерот на Баерн Минхен Роберт Левандовски и играчот на Манчестер Сити Бернардо Силва до крајот на идната недела ќе потпишат договор со Барселона.

Според написите во медиумите, преговорите помеѓу Барселона и Баерн тргнале во вистинска насока, и каталонците се убедени дека желбата на Левандовски да заигра за екипата од Камп Ноу ќе му биде исполнета. Неговиот трансфер би изнесувал околу 50 милиони евра.

Медиумите во Шпанија пренесуваат дека Барселона постигнала договор и со Манчестер Сити за трансфер на Португалецот Бернардо Силва кој изразил желба да соработува со тренерот Чави Ернандез. Од Сити за продажба на Силва се очекува да бараат околу 80 милиони евра.

Италијанските медиуми пренесуваат дека легендарниот италијански голман Џанлуиџи Буфон изјави дека уште не размислува за заминување во пензија, бидејќи планира да брани за Парма најмалку до 2024 година.

44-годишниот Буфон својата кариера ја започна во Парма, а потоа бранеше за Јувентус и ПСЖ, за минатата година да се врати во својот матичен клуб. Тој има договор со Парма до јуни 2024 година.

„Би можел да се пензионирам со 55 години. Поминав десет години во Парма и 20 во Јувентус. Веќе десет години размислувам за пензионирање но сеуште продолжувам со бранење“, вели Буфон кој додава дека по завршувањето на играчката кариера најверојатно ќе остане во фудбалот.

Искусниот шпански интернационалец Сеск Фабрегас од наредната сезона ќе игра во италијанската Серија Б, за тимот на Комо.

Фабрегас кој е поранешен играч на Арсенал, Челзи, Барселона и Монако, се реши на овај изненадувачки чекор после убедувањето од поранешниот играч на Челзи, Денис Вајс кој во моментот е претседател на Комо.

Шпанскиот фудбалер во Комо пристигнува како слободен агент откако му истече договорот со Монако.

Фудбалерот на Лион, Хусем Ауар веќе неколку сезони се шпекулира дека ќе го напушти својот сегашен клуб, за конечно, ова лето да се реализира неговото заминување.

Реал Бетис е тимот кој е на чекор до постигнување на согласност за неговиот трансфер, откако начелно, Лион ја прифатил понудата на Шпанците за потписот на Ауар.

Засега нема детали од понудената соработка, но според најавата на француските медиуми Ауар ќе му се приклучи на својот некогашен соиграч Набил Фекир во наредните неколку денови, откако ќе го мине задолжителните лекарски прегледи.

Фудбалскиот клуб Челзи се откажа од можноста за доведување на португалскиот репрезентативец Кристијано Роналдо, известуваат медиумите од Англија.

Претходно голем број на медиуми излегоа со тврдење дека Португалецот планира да го напушти Манчестер Јунајтед бидејќи сака во наредната сезона да игра во Лигата на шампионите. После информацијата веднаш се наведоа имиња на неколку големи клубови кои наводно се заинтересирани за Роналдо. Меѓу нив беа Баерн, ПСЖ, Челзи, Рома, Наполи.

Медиумите од Англија тврдеа дека новиот сопственик на Челзи Тод Боели посакува звучно зсилување во летниот преоден рок, но после разговорот со тренерот на екипата Томас Тухел, се одлучи да се откаже од ангажман на Роналдо.

Месут Озил беше претставен како фудбалер на Истанбул Башакшехир. 33-годишниот играч од средниот ред го засили тимот како слободен играч откако му беше раскинат договорот со гигантот Фенербахче.

„Мојата цел е тие да играат фудбал. Затоа мислам дека сум на вистинското место“, изјави поранешниот германски репрезентативец.

Тој имаше проблеми во „фенерите“ бидејќи се скара со тренерот и управата и немаше играно од март.

Претседателот на Истанбул Башакшехир, Ѓоксел Ѓумушдаг објави дека договорот е на 1+1 година на барање на самиот фудбалер.

„Месут нема да добива повеќе од своите соиграчи. Му благодариме што направи отстапки“, додаде газдата.

Андреа Пинамонти е нов напаѓач на Монца. Адријано Галијани не застанува на пазарот и неодамна постигна договор да го добие талентираниот напаѓач, кој минатата сезона постигна 13 гола со дресот на Емполи.

23-годишниот напаѓач беше баран од неколку клубови, но на крајот се чини дека Монца ја доби трката, која ќе го донесе на позајмица со обврска да го купи за 20 милиони евра.

Пинамонти е третиот фудбалер од Интер кој премина во Монца, по Сенси кој дојде на позајмица и Ранокија кој го заврши договорот со Интер и го избра тимот на Берлускони и Галијани.

Познатиот фудбалски новинар Фабрицио Романо ја пренесува информацијата дека Калиду Кулибали потпишал договор со екипата на Челзи.

Репрезентативецот на Сенегал и сега веќе поранешен играч на Наполи, ги минал медицинските прегледи во Лондон и се очекува наскоро да биде промовиран како нов играч на Челзи.

Кулибали ќе биде второто засилување кое пристигнува на Стенфорд Бриџ ова лето, после ангажманот на Рахим Стерлинг.

Сенегалецот се очекува да биде одлично појачување за одбраната на Челзи, бидејќи клубот неодамна остана без двајцата дефанзивци Рудигер и Кристенсен кои заминаа од клубот како слободни играчи.