Дали е ова најбедната и најкомична местенка на пенали откако постои фудбалот погледнете подолу на видеото

По една сезона мината во Гранада, Карлос Бака се враќа во својата татковина, Колумбија.

Напаѓачот го официјализираше својот трансфер во клубот каде ги направи првите фудбалски чекори, Клуб Жуниор.

Некогашната ѕвезда на Виљареал, кој играше и за Милан, Севиља и Бриж по 11 години го напушта „стариот континент“.

Според пишувањата во британските медиуми, Арсенал е заинтересиран за одбранбениот фудбалер на Манчестер Сити, Олександр Зинченко.

Во информациите кои се пренесуваат се вели дека тимот од Лондон се очекува наскоро да испрати и официјална понуда за купување на 25-годишниот Украинец.

Арсенал е во потрага по дефанзивец кој ќе игра по левата страна во тимот, и сега се фокусира на ангажман на Зинченко, после неуспешниот обид за доведување на Мартинез од Ајакс кој најверојатно ќе замине во Манчестер Јунајтед.

Атлетико Мадрид на прес-конференција официјално го претстави своето ново засилување Аксел Витсел. Белгискиот играч за врска потпиша со тимот откако му истече договорот со Борусија.

„Ви благодарам на сите за топлото добредојде. Тренинзите се многу силни, но мораме да бидеме такви за да бидеме физички подготвени кога ќе започне првенството. Бев слободен и го избрав Атлетико бидејќи сакав да продолжам на високо ниво. Знам дека немам уште десет години во фудбалот, но преостанатото време сакам да го поминам на највисоко ниво што ми го нуди Атлетико“, беа првите зборови на белгискиот интернационалец.

„Играчите ме прифатија многу добро. Зборувам малку шпански, што ги олеснува работите. Се разликува од Дортмунд, но јас сум многу среќен. Диего Симеоне е еден од најдобрите тренери во светот. Тој исто така е една од причините што јас сум тука. Во последните денови трениравме екстремно цврсто и немав прилика многу да разговарам со него, но горд сум што соработуваме. Не е важно дали сум 23 или 33, секогаш има што да се научи од него“, истакна играчот од средниот ред.

Шпанскиот весник Марка пренесува дека челниците на Париз Сен Жермен во наредните неколку дена ќе му понудат нов договор на фудбалската суперѕвезда Лионел Меси.

Меси во клубот од Париз пристигна минатата година од Барселона и има договор со клубот до 30.јуни 2023 година.

Извори од шампионот на Франција известуваат дека на аргентинскиот фудбалски репрезентативец ќе му биде понудено да остане во клубот до 2024 година. За очекување е дека Меси својата одлука за новата понуда ќе ја донесе после завршувањето на Светското фудбалско првенство во Катар.

Меси минатата сезона во дресот на ПСЖ одигра 34 натпревари и постигна 11 гола.

Фудбалскиот клуб Манчестер Јунајтед е во поодминати преговори со Ајакс околу ангажман на дефанзивецот Лисандро Мартинез.

Преговорите за трансферот на 24-годишниот Аргентинец траат неколку дена, и според англиските медиуми фудбалерот може да стане нов играч на Јунајтед до крајот на викендот.

Мартинез сака повторно да соработува со тренерот Ерик тен Хаг со кого работеше во Ајакс. За клубот од Амстердам Мартинез има одиграно 120 натпревари и постигна шест голови.

Реал Мадрид повеќе нема трпение за белгискиот репрезентативец Еден Азар, па реши да го стави на трансфер-листата и подготвени се „кралевите“ ова лето да го продадат ако пристигне пристојна понуда.

Карло Анчелоти сака да го задржи во тимот, но нема ништо против да си замине Белгиецот затоа што нема големо влијание во клубот.

Азар не се прилагоди во Мадрид, иако беше платен 100 милиони евра во 2019 година, а голем проблем му создадоа и повредите поради кои беше често надвор од фудбалските терени.

Барселона е на добар пат да добие нова финансиска инјекција од 330 милиони евра, пренесуваат шпанските медиуми.

Откако неодамна клубот добива 207 милиони евра со продажбата на 10% од телевизиските права за следните 10 години, сега е на пат да комплетира уште една зделка. Сега каталонскиот клуб ќе продаде 49% од сестринската компанија „БЛМ“, која се занимава со марчендајзинг на клубот и ќе добие 330 милиони евра. Со овие средства клубот ќе може финансиски да се рехабилитира и да биде активен на трансфер пазарот.

Медиумите очекуваат дека после трансферот на Рафиња, Барселона сега да тргне во финализирање на трансферот на Левандовски, а не е исклучено пристигнување на уште една ѕвезда како Кунде или Бернардо Силва.

Aртуро Видал сега и официјално има нов клуб откако Фламенго го објави потписот со халфот на слободен трансфер. Пред два дена тој се раздели со Интер каде ги мина последните две години и на 35 години се враќа во Јужна Америка.

„За некои тоа е сон, за други – ноќна мора. Дали се се превртува наопаку? Само реалност: Артуро Видал е во Фламенго!“, напиша прес-службата на „црвено-црните“ од Рио де Жанеиро.

Во својот нов тим Чилеанецот ќе игра со број 32 и дури беше претставен пред навивачите пред натпреварот против Атлетико Минеиро на турнирот во Купот на Бразил.

Португалски и шпански медиуми пренесуваат дека до 37-годишниот Кристијано Роналдо стигнала понуда од неименуван клуб од Саудиска Арабија вредна 125 милиони евра по сезона.

Договорот со Роналдо би бил на две години, со што тој би заработил фантастични 250 милиони евра и би станал најплатениот фудбалер во историјата. Истиот клуб ќе издвои и 30 милиони евра за Манчестер Јунајтед како и 20 милиони на име провизија за менаџерите.

Португалскиот репрезентативец не се појави на почетокот од подготовките за следната сезона со екипата на Манчестер Јунајтед поради семејни причини, а доби и дозвола од клубот да ја пропушти турнејата на Тајланд.