Осман Дембеле би можел да го продолжи договорот со Барселона со намалување на платата за 40%.

Според „АС“, Французинот може да се согласи со понудата на неговиот сегашен клуб кој му дава договор на Дембеле до 2024 година со намалување на платата за 40 % и доаѓа на нивото на Ансу Фати.

Барселона се сомнева дека Дембеле пред неколку месеци договорил трансфер со ПСЖ и бил подготвен да се пресели во францускиот клуб со слободен трансфер. Сепак, поради одлуката на Килијан Мбапе да остане во Париз, како и поради големите промени во раководството на ПСЖ, ситуацијата се промени. Крилниот напаѓач нема други понуди.

Поради ова, Осман Дембеле може да се предомисли и да се согласи на условите на Барселона. 25-годишниот фудбалер минатата сезона имаше 32 настапи за Барселона, постигнувајќи 2 гола и 13 асистенции.

Македонскиот фудбалски интернационалец, Илија Несторовски, ја продолжи соработката со неговиот сегашен клуб Удинезе. Од таму пренесуваат дека Несторовски се согласи на нов договор до јуни 2023 година со можност за продолжување на уште една сезона.

Несторовски го носи црно-белиот дрес на Удинезе од 2019 година кога пристигна од тимот на Палермо.

Пјуник од Ерменија промовираше десетмина нови играчи, а меѓу нив беше и поранешниот мкааедонски репрезентативец Маријан Радески.

Радески во изминатата сезона настапуваше за Шкупи, а за него ова ќе биде прв интернационален предизвик. Радески досега настапуваше само во домашни клубови во дресот на: 11. октомври, Металург, Шкендија и Академија Пандев.

За репрезентацијата на Македонија има 18 натпревари, беше дел од составот за Европското првенство, но не доби шанса на ниту еден од трите натпревари.

Ќе споменеме и дека во Пјуник од Македонија пристигнува Андре Менсалао, досегашниот играч на Шкендија.

Манчестер Јунајтед долго се обидува да го договори трансферот на Френки де Јонг, но веројатно тој ќе остане во Барселона. Кога клубовите имаа шанса да се договорат, ставот на Де Јонг секогаш беше дека тој сака да остане во Барселона. Сега и претседателот на Барселона вели дека ќе направи се за да го задржи, па шансите на Манчестер јунајтед да дојде до неговиот потпис стануваат минимални.

„Има многу клубови кои го сакаат него, не е само Манчестер јунајтед. Ние немаме намера да го продадеме, тој сака да остане“, вели Лапорта.

„Ќе направам се за да го задржам Френки, но има и проблем со платата и тоа треба да се прилагоди“.

Досегашниот играч на Лидс, Калвин Филипс, потпиша договор на шест години со Манчестер Сити.

Шампионот на Англија за услугите на англискиот репрезентативец плати 45 милиони фунти. 26-годишниот играч од средината на теренот изјави дека го ибрал Манчестер Сити најповеќе поради тренерот Гвардиола.

Филипс во дресот на Лидс одигра 234 натпревари и постигна 14 гола. За репрезентацијата на Англија има забележано 23 настапи.

Данскиот фудбалски репрезентативец Кристијан Ериксен постигна договор со Манчестер Јунајтед, пренесуваат британските медиуми.

Како што известува Скај Спорт, Ериксен после лекарските прегледи ќе потпише тригодишен договор со тимот од Олд Трафорд.

Данецот пристигнува во Јунајтед како слободен играч, откако му истече договорот со Брентфорд. Ериксен на почетокот од годината потпиша шестмесечен договор со Брентфорд откако ја прекина соработката со Интер.

Тајлер Адамс кој премина од Њујорк Ред Булс во Лајпциг во јануари 2019 година, ќе биде новоз асилување за Лидс Ј., се шпекулира во Англија. Адамс кој има 101 настап за германскиот тим, е на пат за Англија.

Германскиот „Скај Спортс“ пишува дека Лидс Ј. и Лајпциг би требало да бидат многу блиску до договор за цената на играчот од средниот ред.

Според медиумите, Лидс и Адамс веќе се договориле за личните услови, а со тоа ги оставиле само последните детали пред да го заклучат договорот за трансфер на Американецот на „Еланд Роуд“.

Кристоф Галтие, кој се очекува да биде промовиран како нов тренер на Пари Сен Жермен, веќе работи на изгледот на тимот за новата сезона. Нема сомневање за неговото назначување. Ница официјално објави дека се разделува со него, а претседателот на клубот дури му посака успех во ПСЖ.

Според „Л‘Екип“, Галтие веќе ја посетил тренинг базата на парижаните „Камп де Лож“ и утре ќе биде таму на стартот на подготовките за новата сезона. Се очекува официјално да биде претставен во вторник.

Тренерот работи заедно со новиот спортски директор Луис Кампос на изборот на играчи, а во меѓувреме размислува и за тактиката. Галтие размислува за централна одбрана од три играчи, со цел да им даде на Лионел Меси и Килијан Мбапе најголема шанса за настап. Нејмар не е во плановите, но неговата иднина е нејасна.

„Л‘Екип“ тврди дека во оваа фаза само шест играчи имаат загарантирано стартно место. Галтие сака да ја заврши голманската дилема и да го направи Џанлуиџи Донарума постојан стартер на сметка на Кејлор Навас. Ашраф Хакими, Маркињос, Марко Верати, Меси и Мбапе ќе бидат столбот на тимот.

Манчестер јунајтед во досегашниот преоден рок не покажа амбиција за чекор напред во следната сезона. Додека ривалите сериозно се засилуваат, тие се уште се мирни на трансфер пазарот, а и засилувањата со кои се поврзуваат не се многу убедливи.

Поради тоа Кристијано Роналдо посакал да замине од Олд Трафорд и му го соопштил тоа на клубот.

Но, Манчестер јунајтед нема намера да го продаде, сакаат тој да биде дел од тимот на Тен Хаг во следната сезона.

Во меѓувреме агентот на Роналдо, Жорж Мендеш разговара со потенцијални купувачи на Роналдо. Како опции се посочуваат Рома, Челзи, Баерн Минхен и Спортинг Лисабон.

Англискиот фудбалски клуб Нотингм Форест потпиша со дефанзивецот, Џулијан Бјанконе. 22-годишниот Французин пристигна од екипата на Троа и потпиша тригодишен договор.

„Многу сум среќен што пристигнав во клуб како Нотингем. Знам дека тоа е голем клуб и многу познат низ Европа. Со нетрпение очекувам да започнам да играм во Премиер лигата“, изјави Бјанконе за клупската веб-страница.

Нотингем Форест претходно ги обезбеди голманот, Дин Хендерсон и нигерискиот напаѓач, Таиво Авони.