Олимпик Марсеј постигна договор со лондонски Арсенал за целосен трансфер на францускиот играч за врска Матео Гуендузи во нивните редови, објави познатиот инсајдер Фабрицио Романо.

Според Романо, договорот меѓу клубовите бил целосно официјализиран уште во март и веќе се е договорено, а сумата за откуп на играчот ќе биде околу 10 милиони евра. Минатата сезона 23-годишниот француски фудбалер му се приклучи на Марсеј на позајмица за една сезона. Договорот вклучуваше и опција за последователен откуп, што тие ја искористија. Матео им се приклучи на Топџиите во 2018 година, откако претходно играше за Лориент.

Потоа играчот помина една сезона на позајмица во Херта. Како дел од берлинскиот тим, Гуендузи учествуваше на 24 натпревари од германската Бундес лига, на кои постигна два гола, даде една асистенција и доби пет жолти картони.

Тотенхем објави дека бразилскиот напаѓач Ричарлисон и официјално е нов играч на лондонскиот клуб.

Ричарлисон потпиша петгодишен договор, и се пресели во екипата на Тотенхем после четири години поминати во Евертон.

Англиските медиуми пренесуваат дека целиот трансфер е вреден 60 милиони фунти. Бразилскиот напаѓач во Премиер лигата на вкупно 173 настапи за Евертон и Ватфорд постигна 48 гола.

Ричарлисон е четврт нов играч во Тотенхем во овај преоден рок после голманот Форстер, Иван Перишиќ и Ив Бисума.

Талентираниот играч за врска на Барселона, Педри избра нов број за следната сезона.

Талентираниот играч за врска на Барселона, Педри избра нов број за следната сезона.

19-годишниот плејмејкер го избра „осумката“ која има легендарен статус на „Камп Ноу“.

Во првите две сезони на „Камп Ноу“ тој го носеше дресот со број 16, но после заминувањето на Дани Алвеш одлучи да ја земе „осумката“.

Дресот со овој број беше носен од многу легенди на Барселона како Христо Стоичков и Андрес Иниеста, а сега таа чест ќе ја има Педри.

19-годишниот плејмејкер го избра „осумката“ која има легендарен статус на „Камп Ноу“.
Во првите две сезони на „Камп Ноу“ тој го носеше дресот со број 16, но после заминувањето на Дани Алвеш одлучи да ја земе „осумката“.
Дресот со овој број беше носен од многу легенди на Барселона како Христо Стоичков и Андрес Иниеста, а сега таа чест ќе ја има Педри.

Јувентус би можел да го ангажира дефанзивецот на Пари Сен Жермен, Преснел Кимпембе. Според новинарот Џанлука Ди Марцио, 26-годишниот централен дефанзивец ќе го напушти ПСЖ. 

Јувентус би можел да го ангажира доколку Матијс де Лихт го напушти клубот. Претходно беше објавено дека Челзи покажува сериозен интерес за 22-годишниот дефанзивец на Јувентус. 

Лондонскиот клуб понуди 40 милиони евра за него, како и еден од двајцата играчи од кои може да си изберат: напаѓачот Тимо Вернер или играчот од средниот ред Кристијан Пулишиќ. Минатата сезона францускиот интернационалец забележа 41 настап за ПСЖ во сите натпреварувања и постигна два гола.

Фудбалскиот клуб Барселона продаде 10 % од клупските телевизиски права за натпреварите во Примера за наредните 25 години. 

Барселона ТВ правата ги продаде на американскиот фонд „Сикст Стрит“ за износ од 207,5 милиони евра.

Во соопштение од клубот се наведува дека со оваа трансакција Барса оствари капитална добивка од 267 милиони евра за наредната сезона.

Продажбата на телевизиските права е дел од финансиска одлука преку која ќе се зголемат приходите на клубот и ќе се овозможи купување на нови играчи.

Играчот од средниот ред на Лил и Португалија, Ренато Санчес е блиску до договор за личните услови со Пари Сен Жермен.

Според изворот, францускиот клуб му понудил на 24-годишниот играч тригодишен договор со плата од 6 милиони евра по сезона. Претходно беше објавено дека Милан е главен кандидат за Санчес, но подоцна се дозна за намерата на ПСЖ да го купи португалскиот играч за врска.

Да потсетиме, Санчес се пресели во Лил од Баерн Минхен во 2019 година. Португалскиот фудбалер минатата сезона имаше 25 настапи во Лига 1, постигнувајќи два гола и пет асистенции. Санчес е дел од португалската репрезентација од 2016 година.

Инвестициска компанија – „Sixth Street“ ќе купи 10% од телевизиските права на Барселона. Договорот ќе донесе 205 милиони евра во касата на каталонскиот гигант.

Неодамна раководството на Барселона одлучи да понуди на продажба 49,9 отсто од делот од клубот, кој работи со лиценцирање и продажба, како и 25 отсто од телевизиските права за наредните 25 години.

Се проценува дека на тој начин „Камп Ноу“ ќе се обезбедат меѓу 500 и 700 милиони евра за стабилизирање на финансиската состојба.

Италијанскиот дефанзивец Џорџо Кјелини после 17 години поминати во Јувентус, реши да се пресели во Соединетите Американски Држави и да заигра за тимот на Лос Анџелес.

Кјелини пред новинарите откри дека за таков чекор го советувале легендарните Пирло и Неста.

„Потполно сум убеден дека во овој момент го избрав совршениот клуб за мене. Пред одлуката за преселба во редовите на Лос Анџелес, разговарав со Андреа Пирло и Алесандро Неста, кои уште во минатото ми велеа дека треба да заиграм во МЛС лигата“, изјави Кјелини.

Италијанскиот калчолигаш Јувентус потврди дека клубот го напуштија Пауло Дибала, Федерико Бернардески и Алваро Мората.

Јувентус преку клупскиот сајт соопшти дека на тројцата играчи им истекоа договорите. Мората кој играше како позајмен играч, се враќа во Атлетико Мадрид. Тој за Јувентус одигра 92 натпревари и постигна 32 гола.

 Дибала е слободен играч и се шпекулира дека може да замине во Интер. Аргентинецот беше во Јуве седум години и освои 12 трофеи.Бернардески го напушти клубот после пет години и би можел да прејде во Наполи.

Шпанскиот весник Марка пренесува дека реновираниот стадион на Реал Мадрид „Сантијаго Бернабеу“ ќе биде прилагоден и на други спортови, па така на него во иднина ќе може да се играат кошаркарски натпревари, тенис, па дури и американски фудбал.

Весникот наведува дека целосната реализација на прилагодувањето на стадионот се очекува за најмалку една година.

Најголемо внимание на подновениот „Сантијаго Бернабеу“ привлекува концептоп на подвижна тревна подлога која ќе може да се отстранува од стадионот и на тоа место да се поставува паркет за кошарка или терен за тенис.