Челзи е силно заинтересиран за ѕвездата на Брајтон, Жоао Педро и е спремен да плати неверојатни 120 милиони евра за неговиот потпис.

„Сините“ веќе направија еден скап трансфер од Брајтон кога го доведоа Каиседо, а сега нема да жалаат пари и за Жоао Педро.

Жоао Педро, кој импресионира со своите настапи оваа сезона, стана еден од најбараните играчи, а покрај Челзи, интерес за него покажува и Ливерпул.

Челзи наводно бил подготвен да испрати понуда уште на почетокот на 2025 година, а Брајтон не планира да попушти и бара најмалку 120 милиони евра.

Фиорентина објави дека Едоардо Бове излезе од болница каде беше од 1 декември кога колабираше на мечот против Интер.

На Бове во вторникот му беше вграден дефибрилатор, а тоа значи дека тој не може веќе да игра во Серија А.

За да ја продолжи кариерата Бове ќе мора да направи трансфер надвор од Серија А, исто како што тоа го направи Ериксен кој од Интер замина во Премиерлигата.

Њујорк ќе биде домаќин на Светското првенство во фудбал кое ќе се одржи од 11 јуни до 19 јули 2026 година во САД, Канада и Мексико.

Тоа ќе биде прво Светско првенство со 48 репрезентации, 16 повеќе од досегашните 32.

Мундијалот ќе се игра во вкупно 16 градови – 11 американски (Сиетл, Сан Франциско, Лос Анџелес, Канзас Сити, Далас, Хјустон, Атланта, Бостон, Њујорк Сити, Филаделфија, Мајами), три мексикански (Гвадалахара, Монтереј, Мексико Сити) и два канадски (Ванкувер, Торонто).

Отворањето на СП е на 11 јуни 2026 година на Естадио Ацтека во Мексико Сити, додека финалето е на 19 јули на Метлајф стадионот во Њујорк.

Европа ќе има 16 претставници на СП, Африка 9, Азија 8, Јужна Америка 6, Конкакаф 3 + 3 (домаќин), Океанија еден, а уште две репрезентации ќе се пласираат преку плејоф.

Интернационалната федерација на фудбалска историја и статистика (ИФФХС) го прогласи освојувачот на „Златната топка“, Шпанецот Родри за најдобар фудбалер во 2024 година.

Одлуката на ИФФХС е според резултатите кои играчите ги постигнале во една календарска година.

Родри во изборот освои 191 бод, а зад себе го остави и најголемиот конкурент за „Златната топка“, Винисиус Жуниор, кој освои 166 бода.

Далеку зад нив остана Џуд Белингем, додека во ТОП 5 се најдоа и Ламин Јамал и на делба на 5. и 6. Место, Халанд и Карвахал.

Јусуфа Мукоко е 20-годишен напаѓач на Борусија Дортмунд кој моментално е на позајмица во Ница. Таму постигна два гола и забележа две асистенции на 13 настапи во сите натпреварувања оваа сезона. На 12 години беше прогласен за најголем талент во светот, а денеска германски „Билд“ објави дека тој всушност е четири години постар од неговата возраст.

Мукоко е роден во Камерун, а во Германија дошол како дете. На 12-годишна возраст првпат играл за репрезентацијата до 16 години. Уште од самиот почеток се поставуваа прашања за неговата возраст бидејќи соборуваше рекорд по рекорд.

На 50 настапи во Бундеслигата до 17 години, тој постигна 83 гола и имаше 14 асистенции, додека на 23 натпревари во Бундеслигата до 19 постигна 44 гола и имаше 10 асистенции.

Сепак, најновите информации, откриени во документарецот на телевизискиот канал „ПроЗибен“, сугерираат дека тој нема 20, туку 24 години.

Неговиот наводен татко Џозеф (73) во изјава дадена под заклетва, во која „Билд“ имал увид рекол: „Знаејќи ја кривичната одговорност за лажните изјави, под заклетва изјавувам: Јусуфа Мукоко не е мој биолошки син, не е биолошки син и на мојата сопруга Мари Мукоко. Исто така, тој не е роден на 20 ноември 2004 година во Јаунде. Му извадив лажен извод од матичната книга на родените во Јаунде. Потоа отидов во амбасадата, му извадив пасош и го однесов во Германија како да е мој син. Тој всушност е роден на 19.јули 2000 година. година. Го направивме четири години помлад, па во изводот пишува дека дека е роден на 20 ноември 2004 година.

„Мојата сопруга беше вработена во агенција која работи за „Евоник“, спонзорот на Борусија Дортмунд, а јас бев вработен директно во клубот. Така добивавме пари секој месец. Не работевме”, заклучи Џозеф Мукоко.

„Билд“, прецизира дека Џозеф Мукоко, кој бил под договор како видео аналитичар и скаут, добивал 20.000 евра месечно. Покрај тоа, германските медиуми, кои отидоа во Камерун за да се обидат да ги најдат вистинските изводи од матичната книга на родените на играчот, не најдоа ништо за раѓањето во 2004 година.

Од друга страна, германските медиуми го добија изводот од матичната книга на родените на Јусуфа Мохамаду, роден на 19 јули 2000 година, кој не е мртов, што значи дека денес има 24 години. Неговиот татко е Оусман Мохамаду.

„Во сиромашниот кварт Ла Брикетери во главниот град, каде што порасна Јусуфа Мукоко, вујкото на фудбалерот вели дека неговиот вистински татко живее во вила на десет километри. И неколку соседи потврдуваат дека тука живее таткото на ѕвездата на Борусија Дортмунд, која сите ја познаваат. Сепак, во вилата не живее Џозеф Мукоко, туку Оусман Мохамаду“, пишува Билд, упатувајќи сериозни обвинувања.

Германскиот весник го контактирал и Саша Флиге, директорот за комуникации на Борусија Дортмунд.

Тој изјавил: „Во случајот на Јусуфа Мукоко, биолошките родители може да се најдат врз основа на официјални лични документи и изводи од матичната книга на родените издадени од германските власти.

Овие документи остануваат во сила до ден-денес и претставуваат основа за потпишување договори со клубови, домашни и странски, и секако, за избор на асоцијативни тимови како што е германската репрезентација до 21 година“.

Oткако денес македонската фудбалска репрезентација ги доби противниците во квалификациите за Светското првенство вечерва беше одреден и распоредот.

Првиот натпревар во квалификациите Македонија ќе го игра на 22 март кога гостуваме на Лихтенштајн во терминот од 15:00 часот, додека три дена подоцна дома ќе се сретнеме со Велс.

Новите возбудувања ќе следат на 6 јуни во 20:45 часот кога дома ќе ја пречекаме Белгија, а три дена подоцна гостуваме на Казахстан од 16:00 часот.

Следниот натпревар го играме на 7 септември кога го пречекуваме Лихтенштајн, па потоа во октомври ќе одиграме два натпревари дома со Казахстан (13 октомври), а на 10-ти ќе бидеме гости на Белгија.

Квалификациите ги завршуаме на 18 оември со гостувањето во Велс.

Селекторот на репрезентацијата на Казахстан, Станислав Черчесов ги оцени резултатите од ждрепката за европскиот квалификациски турнир за СП 2026 година.

„На ова ниво ждрепката игра значајна улога. Репрезентацијата на Белгија ми е добро позната – со оваа селекција веќе се сретнав на квалификацискиот турнир и на самото Европско првенство. Сега тие се подложени на реструктуирање. Што се однесува до екипите на Велс и Македонија, одамна ги немам видено на дело, така што сè уште не можам да дадам конкретна оценка.

Од петтиот шешир ја добивме екипата на Лихтенштајн. Сепак, секој противник мора да се почитува, внимателно да се проучува и да се вложи максимални напори за да се постигне победа. Ајде да видиме каков ќе биде нашиот календар. Нема да правам никакви прогнози, заинтересиран сум само за мојот тим. Најважно е колку можеме да го подготвиме тимот и да играме на резултат“, изјави Черчесов, за прес-службата на фудбалската федерација на Казахстан.

Според резултатите од ждрепката, селекцијата на Казахстан се најде во групата Ј, во која се: Белгија, Велс, Македонија, Лихтенштајн.

Манчестер Сити забележа рекордни приходи при последните пресметки, за периодот кој заврши на 30 јуни 2024 година. Дури 715 милиони фунти, што е рекорд во Премиер лигата.

„Граѓаните“ на тој начин го соборија ланскиот „рекорд“ за цели 2,2 милиони фунти.

Не е неочекувано што Сити има рекордни приходи кои доаѓаат по една година во која не успеаја да го повторат својот неверојатен подвиг, кога освоија 4 титули, но успеаја да ја освојат четвртата титула по ред во Англија.

Трошоците за плати се намалени за 10,3 милиони фунти, со пријавена добивка од 73,8 милиони фунти (пред оданочување). Приходите од комерцијалните права благо се зголемија – од 341,4 милиони на 344,7 милиони фунти.

Вклучувајќи ја финансиската 2023/24 година, Манчестер Сити работи со приходи секоја година од сезоната 2014/2015. Се разбира, тоа не важи за сезоната 2019/2020, која беше под влијание на пандемијата на коронавирус.

Интересно е што добивката во име на трансфери е 92,8 милиони евра и тоа од крајот на јуни, а тоа може да укаже дека претстојните преодни рокови може да донесат нови засилувања.

Клаудио Раниери кога седна на тренерското столче на Рома, доби задача и да бара негов наследник, треба да му помогне на клубот да најдат долгорочно решение.

Раниери кога ќе го најде тренерот ќе добие друга функција во клубот.

Според италијанските медиуми, фаворит на Раниери е поранешниот тренер на Јувентус, Масимо Алегри.

Алегри е еден од најуспешните италијански тренери, но е познат по дефанзивниот стил на игра.

Аријан Адеми ќе биде надвор од терените до крајот на 2024 година.

Адеми повредата ја заработи во натпреварот против Славен Белупо во кој беше заменет во 19. минута, а тренерот Ненад Бјелица ги потврди лошите вести.

„Нема да можеме да сметаме на Адеми до крајот на годината“, изјави Бјелица.

Прегледите по натпреварот покажале дека Адеми ќе отсуствува околу три недели.