Луис Суарез може да ја продолжи кариерата во Ајакс, пренесува новинарот Екрем Конур.

Раководството на холандскиот шампион размислува за можен трансфер на поранешниот играч на Барселона, кој би требало да го замени продадениот на Борусија Дортмунд, Себастиен Алер.

Суарез ова лето би можел да се врати во клубот како слободен играч. Претходно играше за Ајакс од 2007 до 2011 година.

Суарез минатата сезона запиша 13 гола и 2 асистенции во 45 натпревари за Атлетико Мадрид во сите натпреварувања, но си замина откако му истече договорот.

Фудбалерот на Сасуоло, Доменико Берарди, вели дека е подготвен да ја промени ситуацијата и да се пресели во друг тим бидејќи целата кариера ја има поминато кај „зелено-црните“.

„Ми се допаѓа да живеам во Модена, тука сум цели 11 години. Мислам дека многу дадов за клубот. Дојдов до точката кога евентуалната промена може да биде голем предизвик. Причината за тоа се мојата сопруга и моето семејство кои ми даваат поддршка“, изјави Берарди.

Њукасл го претстави своето второ засилување ова лето. Станува збор за голманот Ник Поуп кој пристигнува од Барнли за 12 милиони фунти. Англискиот репрезентативец потпиша договор на 4 години.

Поуп помина шест години на „Турф Мур“, каде што се етаблира како еден од најдобрите голмани во Англија. Откако Барнли отпадна, шансите за негово заминување станаа многу големи.

Поуп е вториот нов играч на Њукасл ова лето по Мет Таргет, кој дел од минатата сезона играше како позајмен на Сент Џејмс Парк, но сега е купен од Астон Вила.

Се очекува „Страчките“ повторно да бидат активни на трансфер пазарот, како во зима кога дадоа над 90 милиони за нови играчи.

Поранешниот капитен на Леванте, Хозе Луис Моралес, сега е веќе играч на Виљареал. Искусниот фудбалер доаѓа како слободен играч, бидејќи неговиот тим отпадна од Ла Лига и тој ја одби понудата за нов договор.

За само еден месец офанзивниот фудбалер познат по прекарот Ел Команданте ќе наполни 35 години. Сепак, тој имаше многу добра сезона за Леванте, постигнувајќи 13 гола и 7 асистенции.

Според „Марка“, Шпанецот кој е роден во Мадрид ја одбил понудата на Бетис. Следната сезона Виљареал ќе игра во Конференциската лига на УЕФА, а нема ни загарантирано место во групите, но ќе мора да мине низ плеј-оф фазата.

Јувентус се откажал од намерата да го ангажира Анхел Ди Марија откако Аргентинецот не даде одговор во одредениот рок.

Јувентус уште пред еден месец испрати понуда до Аргентинецот, но откако Ди Марија побарал дополнително време за да даде конечен одговор, „бјанконерите“ се отлажале од трансферот.

Ди Марија сака договор само на една година, бидејќи сака после Мундијалот да се врати во Аргентина со семејството.

Јувентус сега ќе се насочи кон други цели, а главна мета ќе бидат Николо Заниоло од Рома и Доменико Берарди од Сасуоло.

Екипата на Леванте и натаму нема решение за неколкуте фудбалери кои се на излезни врати од клубот кој испадна во втора лига.

Еден од нив е Енис Барди. Играчот за врска го продолжи договорот, но само за да обезбеди обештетување за шпанскиот тим.

Нашиот репрезентативец одбил неколку понуди во изминатиот период. Една од нив пристигнала од МЛС лигата, изјави спортскиот директор.

Раководството на Милан може да ја купи ѕвездата на Астон Вила, Даглас Луиз, ако пропадне трансферот на Ренато Санчез од екипата на Лил.

Агентите на бразилскиот репрезентативец вчера пристигнале во Милано и наводно ги договориле личните услови со „росонерите“.

Даглас Луиз ја одработува последната година од договорот и сака да ја промени средината. Вкупната сума на трансферот може да се реализира за 20 милиони евра.

Англиските медиуми пренесуваат дека холандскиот фудбалер Свен  Ботман е нов играч на Њукасл Јунајтед.

22-годишниот Ботман пристигнува во Њукасл од францускиот Лил, во трансфер вреден околу 30 милиони фунти. Претходно младиот дефанзивец настапуваше за екипата на Ајакс.

Ботман за Лил има одиграно 63 натпревари и има постигнато три гола.

Чави Хернандез ја презеде задачата да го убеди крилниот напаѓач Усман Дембеле да потпише нов договор со клубот. Актуелниот договор на Французинот истекува за неколку дена и тој ќе стане слободен агент. Сепак, тренерот верува дека може да го убеди да остане на „Камп Ноу“, пишува „Гол“.

На Чави многу му се допаѓаат квалитетите на Дембеле и му порача дека ќе има важна улога во тимот во новата сезона доколку реши повторно да потпише. Подготвен е да му даде повеќе шанси за настап, особено по силните игри кои играчот ги прикажа во пролетната полусезона.

Не недостига интерес за 25-годишниот фудбалер, откако со најголеми апетити се Челси и Пари Сен Жермен. Во оваа фаза, сепак, се уште нема добиено подобра понуда од онаа што му ја понудија газдите на Барса, па се поизвесно е дека ќе се согласи да остане на „Камп Ноу“.

Јувентус веќе подолг период се обидува да преговара со Рома и во своите редови да го доведе нивниот најдобар играч Николо Заниоло.

 Според медиумите во Италија, на „старата дама“ нема да и биде лесно да го доведе 22-годишниот фудбалер, па поради тоа средбите меѓу Јуве и Рома стануваат поинтензивни во последните денови.

Заниоло одигра добра сезона во тимот на Жозе Мурињо, но не сакаше да го продолжи договорот со римјаните кој истекува во 2024 година.

Од Јувентус се обидуваат да ја искористат таквата ситуација, па „Бјанконерите“ му понудија на Рома 40 милиони евра за Заниоло, но клубот од Рим бара уште најмалку 10 милиони за својот играч.