Баерн Минхен ќе ја започне одбраната на титулата во Бундеслигата со гостувањето кај шампионот во Лига Европа, Ајнтрахт Франкфурт на 5 август.

Во Германија, шампионот го отвора првенството во првиот меч од новата сезона.

Вицешампионот Борусија Дортмунд ќе ја започне кампањата со Баер Леверкузен, кој минатата сезона заврши на третото место, на 6 или 7 август.

РБ Лајпциг ќе започне со гостување кај Штутгарт.

Првиот натпревар помеѓу Баерн (Минхен) и Борусија (Дортмунд) во текот на сезоната ќе се игра во Дортмунд на 7, 8 или 9 октомври, а вториот натпревар во Минхен ќе биде на 31 март 2023 година, 1 или 2 април.

Точните датуми ќе бидат објавени по преговорите со носителите на телевизиските права.

Ливерпул и Баерн се договорија за трансферната сума на напаѓачот Садио Мане.

Баварците за фудбалерот ќе платат 41 милион евра. 32 милиони се фиксна сума, 6 милиони ќе предвидени за бонуси за одиграни натпревари а 3 милиони за индивидуалните и тимските достигнувања.

Сенегалецот ги договор личните услови со германскиот тим и ќе потпише договор на три години.

Фабио Виеира е нов фудбалер на премиерлигашот Арсенал. Фудбалскиот клуб Порто објави дека изврши продажба на 22-годишниот фудбалер, и дека вкупната вредност на трансферот изнесува 34 милиони фунти. Договорот на Виеира со Арсенал е потпишан на пет години.

Виеира е играч која настапува во средината од теренот, и целата своја кариера досега ја помина во шампионот на Португалија, Порто.

Арсенал до крајот на преодниот рок, сака да го доведе бразилскиот напаѓач Габриел Жезус, како и фудбалерот на Лестер, Тилеманс.

Тотенхем ја исполни желбата на тренерот Антонио Конте, и го реализира трансферот на фудбалерот Ив Бисума.

Бисума кој е играч од средината на теренот, во Тотенхем пристигна од екипата на Брајтон каде настапуваше од 2018 година.

 Тој со клубот од Лондон потпиша договор со важност до 2026 година кој е вреден 25 милиони фунти, плус 10 милиони во вид на бонуси.

Фудбалскиот состав на Брајтон го привлече Парагваецот, Хулио Енсисо, од Клуб Либертад. Англискиот состав за неговиот потпси  ќе плати 9,5 милиони фунти.

18-годишниот талент потпиша четиригодишен договор. Енцисо имаше силна сезона со Либертад, постигнувајќи 11 гола и 3 асистенции на 14 првенствени натпревари.

Тој дебитираше за репрезентацијата на Парагвај во јуни 2021 година и  има одиграно пет натпревари.

ФИФА ги одреди градовите каде ќе се играат натпреварите на СП во 2026 година. Светското првенство во фудбал во 2026 година ќе се игра во САД, Канада и Мексико, а дури шеснаесет градови ќе ги пречекаат најдобриот светски селекции на Мундијалот, кој за првпат ќе има дури 48 селекции учеснички.

Во Канада тоа ќе бидат Торонто и Ванкувер, во Мексико Гвадалахара, Мексико Сити и Монтереј, а дури единаесет градови од Соединетите Американски Држави: Атланта, Сан Франциско, Бостон, Далас, Хјустон, Канзас Сити, Лос Анџелес, Мајами, Њујорк/Њу Џерси, Филаделфија и Сиетл.

Во наредниот период ќе бидат објавени и останатите детали околу одигрувањето на натпреварите од СП во 2026 година.

Италијанскиот весник „Кориере дело Спорт“, пренесува дека напаѓачот на Реал Мадрид, Лука Јовиќ ќе замине на едногодишна позајмица во калчолигашот Фиорентина.

Според договорот меѓу двата клуба, Јовиќ ќе го напушти Реал бесплатно, а Фиорентина ќе има обврска да ја покрие половина од годишната плата на напаѓачот која изнесува 6 милиони евра.

24-годишниот Јовиќ во Реал Мадрид пристигна во 2019 година од Ајнтрахт Франкфурт, и минатата сезона најчесто беше резерва во тимот. Неговиот договор со кралскиот клуб истекува во 2025 година.

Поранешниот тренер на германска Борусија Дортмунд Марко Розе е фаворит за тренерското место во турски Галатасарај.

45-годишниот Розе го напушти клубот од Дортмунд по завршувањето на сезоната во Бундеслигата кон крајот на мај. Галатасарај заврши на 13. место во турскиот шампионат, со 29 бода помалку од Трабзонспор. По лошиот настап, гигантот од Истанбул бара нов тренер со кој ќе се врати на старите позиции.

Меѓу имињата за кои се разговара за тренер кој ќе го преземе Галатасарај следната сезона се Италијанецот Роберто де Черби, Хрватот Игор Тудор, Аргентинецот Марсело Гајардо и Турците Кенан Кочак и Окан Бурук. Со Марко Розе на кормилото, екипата на Борусија Дортмунд заврши на второто место во Бундеслигата оваа сезона, зад Баерн Минхен.

Бројни спортски медиуми ја пренесуваат веста дека Ливерпул и Баерн Минхен постигнаа договор за трансферот на Садио Мане во баварскиот гигант.

Мане веќе ги договори личните услови и ќе потпише договор на три години. Како што се наведува во информациите, целата трансфер зделка ќе изнесува 41 милиони евра. Баерн веднаш ќе плати 32 милиони евра а остатокот ќе се исплаќа во вид на бонуси кои ќе зависат од бројот на настапи, како и од личните и тимските успеси.

Садио Мане на Енфилд помина шест години и вкупно постигна 120 гола на 269 натпревари.

Екипата на Барселона преговара со дефанзивецот Жил Кунде од Севиља, за негов трансфер на Камп Ноу.

За неговите услуги од Барса се подготвени да издвојат 60 милиони евра. На 23-годишниот француски фудбалер се гледа како замена за Жерар Пике кој за екипата настапува од 2008 година.

Според информациите, 35-годишниот Пике не е воодушевен од идејата да биде резерва во екипата, но смената на генерациите во тимот е логичен потег на управата на клубот.