Еден од најдобрите тренери во светот Жозе Мурињо има договор со турски Фенербахче до 2026 година, по што сака да биде селектор на репрезентација.

„Сакам да водам тим на Европско или Светско првенство. Тоа ќе биде неверојатно искуство“, вели Мурињо.

Мурињо и во минатото го поврзуваа со тренерските столчиња на Португалија, Бразил и Саудиска Арабија, но не се остварија шпекулациите.

Фудбалерот на Ал Наср, Секо Фофана ја напушти Саудиска Арабија и се врати во Франција. Во иднина ќе го носи дреост на Рен.

Рен не ја прецизираше вредноста на трансферот, но познатиот инсајдер Фабрицио Романо објави дека се работи за сума од 20 милиони евра.

Фофана со францускиот клуб потпиша договор на четири и пол сезона.

„Тој е одличен играч, ќе ни помогне многу, со оглед на тоа што ги покажа сите свои квалитети на почетокот на кариерата. Има одличен карактер и менталитет. Тој е играч кој добро ја познава француската лига. Неговото доаѓање денес ни причинува големо задоволство. Имаме целосна доверба во него“, изјави спортскиот директор на Рен, Фредерик Масара.

Претходниот дел од сезоната Фофана го помина на позајмица во Ал Итифак, а во кариерата играше и за Фулам, Бастија, Удинезе и Ленс од кој во 2023 година се пресели во Ал Наср за 25 милиони евра.

Репрезентативецот на Брегот на Слоновата Коска, како играч на Ленс беше избран во идеалниот тим на француската лига за сезоните 2021/22 и 2022/23, а во 2022 година ја освои и наградата „Марк-Вивиен Фое“ која му се доделува на фудбалер од Африка, кој бил најдобра во Лига 1.

Фофана годинава го освои Африканскиот куп на нации со репрезентацијата на Брегот на Слоновата Коска, за која одигра 26 натпревари.

Рен е на 12. место на табелата во француското првенство со 17 бодови.

Реал Мадрид е подготвен да направи рекорден договор за централен дефанзивец со ангажирањето на фудбалерот на Арсенал, Вилијам Салиба, објави шпанскиот „Спорт“.

Кралевите ги разгледуваат сите опции и разговараат со блиски луѓе околу играчот и добиле позитивен одговор. Преговорите во моментов се водат без голема врева, при што двете страни сакаат сето тоа да помине без голем публицитет.

Салиба има договор со Арсенал до 2027 година, а идејата на Реал Мадрид е да го убедат играчот да побара трансфер во Шпанија, ако биде понудена неодолива сума од 100 милиони евра или повеќе. Оваа цена би го соборила рекордот за трансфер на одбранбен фудбалер.

Вилијам Салиба е дел од Арсенал од 2019 година, а неговата моментна вредност е проценета на 80 милиони евра.

Манчестер Јунајтед и Ливерпул се силно заинтересирани и ќе водат голема битка за ѕвездата на Борнмут, Милош Керкез.

Керкез се промовираше во еден од најдобрите бекови во Премиер лигата и неговата цена драстично порасна оваа сезона.

Аморим сака да состави тим по своја мерка, а како приоритет ќе биде засилување на левата бековска позиција.

Меѓутоа, Ливерпул сака да го „украде“ Керкез пред носот на големиот ривал и веќе стапил во контакт со агентот и е спремен да плати 50 милиони евра за неговиот потпис.

Поранешниот португалски репрезентативец Рубен Семедо се најде во проблеми со законот.

Според португалските медиуми поранешниот стопер на Виљареал изминатиот викенд физички ја нападнал својата партнерка, па дури и ја затворил во куќата недозволувајќи ѝ да замине. Поради тоа празниците ќе ги мине во затвор.

Семедо е фудбалер на катарски Ал-Кхор каде што е позајмен од Ал-Мархије. Поради семејно насилство му се заканува одземање на пасошот што ќе доведе до веројатно раскинување на соработката.

Инаку, ова не му е првпат да биде во слични проблеми. Во 2018 година тој беше уапсен во својот дом во Валенсија поради обид за убиство, насилен грабеж и илегален посед на оружје. Тогаш мина 142 дена во затвор, а беше пуштен откако плати кауција од 30.000 евра.

Исто така Семедо во два наврати беше обвинет за силување и семејно насилство.

Фудбалерите на Арсенал го совладаа Брентфорд со 1-3 на гостински терен во натпревар од 19.коло во Премиер лигата. Арсенал со вој триумф се искачи на второто место на табелата.

Брентфорд поведе во 13. минута преку Брајан Ембуеумо, потоа домашните имаа одлична шанса за 0-2, кога голманот на Арсенал, Раја, некако успеа да го одбрани својот гол. Веднаш потоа Габриел Жесус израмни пред полувремето.

Гостите го зголемија темпото во вториот дел, Микел Мерино го комплетираше пресврто во 50. минута, а Мартинели стави тошка на натпреварот три минути подцна.

Арсенал со натпревар повеќе заостанува шест бода зад Ливерпул.

Белградски Партизан во новата година влезе со нов тренер, Срѓан Благојевиќ е новиот стратег на црно-белите. „Црно-белите“ објавија дека 51-годишниот стратег потпишал договор до крајот на сезоната со опција за продолжување на уште една.

„Голема чест и предизвик за мене е да се биде тренер на Партизан. Без оглед на околностите кога добив повик немав ниту најмала дилема дали да прифатам. Мојата амбиција е преку напорна работа и посветеност да ја унапредиме нашата игра. Свесен сум за тежината на задачата и очекувањата од јавноста, но верувам дека со заеднички сили можеме да го вратиме Партизан каде што припаѓа“, изјави Благојевиќ.

Во Милано не цветаат рози, тоа добро го знае и Златан Ибрахимовиќ, кој е во управата на клубот. Тој се појави пред новинарите за јавно да им се извини на навивачите за тоа што се случи по мечот со Рома.

„Волчицата“ му зедоа бод на Милан на „Сан Сиро“ (1-1), по што беше сменет тренерот Пауло Фонсека.

Популарниот Ибра смета дека клубот не требало да дозволи Фонсека да присуствува на прес-конференција по натпреварот.

Имено, Фонсека веднаш по завршувањето на натпреварот доби отказ, па под емоции излезе пред камерите и тоа им го соопшти на сите.

-Одлуката за отказот дојде веднаш по натпреварот со Рома. Направивме грешка што го пуштивме на прес-конференција и сега им се извинуваме на навивачите. Би сакал да му се заблагодарам на Пауло за тоа колку професионален беше за време на престојот овде. Тој ја има мојата целосна почит за тоа. Причина за отказот беше неконзистентноста во резултатите. Кога си во Милан, резултатите се многу важни. Несреќни сме што не ги постигнавме нашите цели. Првиот чекор е да го освоиме италијанскиот Суперкуп, изјави Ибрахимовиќ.

За наследник на Португалецот беше назначен неговиот сонародник Серџо Консеисао.

-Одговорноста за неуспехот не оди само на душата на тренерот, туку на сите нас во клубот. Добро или лошо, Милан секогаш мора да биде подготвен за следниот чекор. Сега ви го претставуваме Консеисао. Секој знае кој е тој. Има карактер на победник, многу е директен. Во Порто беше добар, забележа одлични резултати, изјави Ибрахимовиќ.

Карло Анчелоти во долгиот разговор за „Раи Радио 1“ опфати неколку актуелни теми кои ги пополнија насловните страни во изминатите два-три дена, но се огласи и на одредени шпекулациите кои кружат во јавноста кога е во прашање потрагата на нов тренер од страна на Рома.

Анчелоти важи за човек кој е тесно поврзан со Рома и „волчицата“ има посебно место во неговото срце, па многумина почнаа да прогнозираат дека тој би можел да ја заврши својата тренерска кариера токму на „Олимпико“, стадион на кој мина најмногу години како професионален играч.

Запрашан за можноста да ја води Рома на залезот од кариерата, Карлето не затвори врата на такво сценарио, иако потенцира дека главна цел му е да остане што е можно подолго во Реал.

„Работам напорно за да останам во Реал што е можно подолго. Истовремено, Раниери е мој добар пријател и мислам дека му тргна добро во Рома.

Имам цврста врска со Рома како клуб, имам посебни спомени и лесно е да се каже тоа. Засега сум среќен во Реал и не размислувам за мојата иднина. Имаме двегодишен договор, но договорите може да бидат прекинати, или продолжени. Се е можно во фудбалот“; гласи изјавата Анчелоти

Играчите на Манчестер Сити за момент му го поправија празничното расположение на Пеп Гвардиола и му донесоа победа за крај на 2024-та година, но шпанскиот стручњак е свесен дека проблемите нема да завршат со триумфот над Лестер.

Сити игра далеку од шампионски оваа сезона и повеќе од јасно е дека овој тим на Гвардиола го достигна зенитот по освоените четири последователни титули во низа во Премиер лигата, па се поочигледно е дека Шпанецот ќе добие неколку засилувања во зимскиот преоден рок.

Гвардиола веќе најави дека Сити ќе биде активен во јануари, но сега ги посочи и двете позиции на кои неговиот тим мора да биде засилен за вториот дел од сезоната.

„Де Брујне полека се враќа во тимот, но потребна ни е поголема поддршка во средниот ред. Потребно ни е освежување во средината и во последната четворка, тоа се позиции на кои најмногу страдавме од стартот на сезоната. Цело време имаме проблеми со играчи за врска и со дефанзивци и централни стопери.

Потребна ни е помош на одредени позиции. Тимот и натаму е добар, но проблемот е тоа што не можеме да располагаме со цел тим многу недели во низа. Работите станаа тешки поради таквите околности, загубивме клучни играчи со недели и со месеци. Ќе има опции на трансфер пазарот, но никогаш не е лесно во јануари. Ќе биде скапо да се пазари, но ќе видиме што ќе може да направи клубот“, изјави Гвардиола.