Јувентус ќе се вмеша во трката за потписот на играчот од средниот ред на Валенсија, Карлос Солер, кој има трансферна вредност од околу 50 милиони евра.

25-годишниот фудбалер го привлече вниманието на Барселона, Атлетико Мадрид, Наполи и Милан. Тој  целата кариера ја помина на – „Месталја.

За првиот тим дебитираше во 2016 година и досега има 222 меча, 35 гола и 31 асистенција. За Шпанија одигра 7 натпревари и постигна 2 гола.

Динамо Загреб важи за расадник на големи таленти, а минатото лето за 12 милиони евра го продаде Ловро Мајер во Рен.

Хрватскиот плејмејкер одигра одлична сезона за Рен каде на 49 меча постигна 11 гола и запиша 13 асистенции. Сега е веќе стандарден хрватски репрезентативец, а во татковината го доби епитетот „новиот Модриќ“.

Скаутите на Реал Мадрид веќе подолго време го следат Ловро Мајер, па „кралевите“ сакаат да го донесат во Мадрид како долгорочна замена за Модриќ.

Италијанските медиуми пренесуваат дека Немања Матиќ наскоро треба да биде назначен за нов фудбалер на Рома.

Информациите велат дека некогашниот играч на Манчестер Јунајтед ги договорил сите услови со Рома и тој ќе потпише едногодишен договор со можност за продолжување на уште една година.

Најбитна улога во доведувањето на српскиот интернационалец  во Рома има тренерот Жозе Мурињо. Португалецот инсистирал на ангажман на Матиќ, кој беше негов клучен играч во средината на теренот за време на престојот во Челзи, но и подоцна во Манчестер Јунајтед.

Газета дело Спорт известува дека шведскиот фудбалер Златан Ибрахимовиќ најверојатно ќе го продолжи престојот во тимот на Милан за уште една година.

Иако Ибрахимовиќ е во поодминати години, неговата улога во шампионскиот тим и понатаму е голема. 40-годишниот голгетер оваа сезона беше важен дел од екипата предводена од Стефано Пиоли која ја освои титулата во Серија А. Напаѓачот оваа сезона во Серија А постигна 8 гола на 23 натпревари.

Познатиот спортски новинар Дејвид Орнштајн тврди дека Реал Мадрид постигнал договор со Монако за трансферот на Орелиен Чуамени.

Според информациите на Орнштајн, „кралскиот клуб“ се согласи да плати 100 милиони евра за ангажман на Французинот, иако претходно се тврдеше дека Реал нема намера да ја премине границата од 70 милиони евра. Останува да се потпише документацијата и да се решат финансиските формалности. Плаќањето ќе биде 80 милиони евра фиксно плус 20 милиони евра во бонуси.

Баерн Минхен е силно заинтересиран за холандскиот дефанзивец на Интер, Дензел Думфрис, пренесуваат италијанските медиуми.

Спортскиот диркетор на Баварците, Салихамиџиќ веќе го контактирал менаџерот на Думфрис и сака да го донесе на „Алијанц Арена“.

26-годишниот десен бек минатото лето пристигна во Интер за 12 милиони евра и одигра одлична сезона.

Интер не сака да го продаде, но има финансиски проблеми, па доколку пристигне понуда од 35 милиони евра е спремен да ја разгледа.

Баварците стапиле во контакт со неговиот агент и се очекува наскоро да испратат понуда.

Поранешниот италијански фудбалски напаѓач, Филипо Инзаги, веројатно ќе се врати на тренерската работа бидејќи добил понуди од клубовите од Серија Б – Асколи, Калјари и Пиза.

Тој претходно работеше во Милан, Венеција, Болоња, Беневенто и до неодамна во Бреша откако по сите превирања со управата мораше да си замине од тимот.

Ќе потсетиме дека Инзаги беше дел од селекцијата на „aѕурите“ што го освои второто место на Европското првенство во 2000-та а шест години подоцна стана светски шампион.

Еден од најдобрите дефанзивни фудбалери на светот, Матијас де Лихт може повторно да стане ѕвезда на трансфер пазарот. Преговорите на Де Лихт околу продолжување на неговиот договор со Јувентус се во застој, и ако не се постигне решение можен е негов трансфер во Премиер лигата.

Холандскиот фудбалер има договор со Јувентус уште две години, и трансфер клаузула од 120 милиони евра. Ситуацијата околу Де Лихт ја следат премиерлигашите Манчестер Јунајтед и Челзи, кои се спремни за отворање на преговори со Јувентус за играчот и плаќање на откупната клаузула.

Според информациите на шпанска „Марка“, фудбалерот на Манчестер Сити и бразилски репрезентативец Габриел Жезус, својата кариера би можел да ја продолжи во Реал Мадрид.

Реал Мадрид не успеа да го ангажира Килијан Мбапе, но клубот и понатаму планира засилување за напаѓачкиот ред од тимот. 

Извори блиски до Реал тврдат дека од Манчестер Сити им го понудиле Жезус бидејќи за Бразилецот нема место во тимот после доаѓањето на Ерлинг Халанд и Хулијан Алварез. Договорот на фудбалерот со Сити важи до јуни 2023 година, а обештетувањето за негов ангажман е 50 милиони евра.

Герет Бејл, кој има богата ризница на клупски план, конечно успеа да замине и на Мундијалот во Катар откако репрезентацијата на Велс по цели 64 години повторно ќе биде дел од големиот собир.

„Си го остваривме сонот со пласманот на Светското првенство. Ќе бидеме горди на успехот. Веројатно ќе мора да ја одложам пензијата“, беа зборовите на Бејл кој последниот ангажман го имаше во редовите на европскиот шампион, Реал Мадрид.