Селекторот на шпанската репрезентација Луис де ла Фуенте изјави дека неговата селекција е една од најдобрите селекции во светот.

Не знам кој е најдобар, но Шпанија сигурно е една од најдобрите селекции. Секако, на неодамнешното Европско првенство покажавме дека сме конкурентна репрезентација, играме модерен фудбал и поседуваме победнички дух. Но, има и други големи тимови во Европа и пошироко. Шпанија има квалитет да се бори со секој противник, изјави Де ла Фуенте за „АС“.

Тој ги сподели и своите очекувања за Светското првенство во 2026 година.

Останува многу малку време бидејќи 18 месеци ќе летнат многу брзо. Но, ние сме подготвени, и јас сум многу оптимист, да бидам искрен. И тоа е затоа што ги познавам моите играчи и тие се ненаситни и сакаат да продолжат да победуваат. Не знам до каде ќе одиме, но за овие 18 месеци ќе бидеме уште подобри отколку што сме сега. Ќе се појават нови добри играчи, а тие што ги имаме сега ќе станат позрели и посилни. За Светското првенство во САД, Мексико и Канада ќе бидеме уште посилни отколку што сме сега, додаде Де ла Фуенте.

На Светското првенство во 2026 година во САД, Мексико и Канада ќе играат 16 селекции од Европа. Европските квалификации за турнирот ќе започнат во март 2025 година и ќе завршат со плејофот во март 2026 година.

Фенербахче побара од турската фудбалска федерација да ангажира странски судии за првенствените натпревари.

Клубот од Истанбул смета дека домашните судии не можат да го издржат притисокот и да ги водат натпреварите според правилата.

„По 16 натпревари не може да се негира дека судиите влијаат на резултатите. Сезоната која започна со разговори за „правдата во фудбалот“ се претвори во мрачен театар на скандалозни судиски одлуки, секако на штета на нашиот тим. Турскиот фудбал систематски се уништува, особено со ВАР-от“, се вели во соопштението на Фенербахче.

Во жестокото писмо се нагласува дека судиите фаворизираат „еден тим“. Не се истакнува, но јасно е дека прстот е вперен во Галатасарај.

Капката што ја прли чашата беше натпреварот против Ејуп во петокот (1-1).

„На нашиот противник му беше дозволено да остане со единаесет играчи бидејќи судијата не покажуваше црвени картони. Бевме сведоци на судиски масакр кога на нашиот тим не му беа досудени два чисти пенали. Не можеме повеќе да го жртвуваме турскиот фудбал поради оваа бесрамна корупција. Тоа веќе не се грешки. Не го прифаќаме овој срам. Сакаме правда и бараме веднаш да се назначат странски судии“, се вели во соопштението на Фенербахче.

Фенербахче е втор на табелата со 36 бодови, осум помалку од лидерот Галатасарај.

Лидерот во Серија А, Аталанта, има план дополнително да го подобри нападот за вториот дел од сезоната. Џанпјеро Гасперини има намера да го ангажира фудбалерот на Ливерпул, Федерико Киеза.

Поранешниот првотимец на Јувентус не се претстави најдобро на „Енфилд“, каде летово пристигна од Торино за 13 милиони евра. Повредите го ограничија на само четири настапи во дресот на црвените. Она што не е добро за Киеза кој сега е целосно здрав што последен пат за Ливерпул настапи во септември.

Во Бергамо веруваат дека мпожат да го вратат Киеза во препознатливата форма. Гасперини го гледа како играч од клупата со загарантирани минути во второто полувреме.

Според италијанските медиуми, оваа опција била прифатлива за Киеза, кој сака да се врати во форма, а дополнителен мотив му е борбата за шампшионската титула во Серија А.

Идејата е италијанскиот интернационалец прво да дојде во Аталанта на позајмица до крајот на актуелната сезона, а потоа доколку двете страни бидат задоволни, би се активирала откупна клаузула.

Манчестер сити продолжува да тоне. Сити на Боксинг Деј не успеа да го победи Евертон, натпреварот заврши без победник 1-1 (1-1). Трагичар е Ерлнг Халанд, чии пенал го одбрани Џордан Пикфорд.

Факт за рубриката „верувале или не“ е дека Манчестер сити има само една победа, три нерешени и девет порази во последните 13 натпревари во сите натпреварувања.

За Сити натпреварот започна добро, бидејќи Бернардо Силва погоди во 14. минута за водство.

Но, еден гол не беше доволен да ја зголеми самодовербата, Евертон успеа да изедначи со голот на Ндиај во 36минута. е доволен за да се подобри самодовербата, а гостите од Ливерпул само придонесоа за нервоза кај домашните со израмнување во 36. минута.

Во 53. минута Сити доби пенал, но Пикфорд го прочита Халанд. До крајот Сити не успеа да создаде серизна шанса за гол, најдобрата можност ја имаше Рико Луис во финишот, но неговиот удар заврши над голот.

Вулверхемптон вечерва го совлада Манчестер jунајтед на домашен терен за прв пат од 2019 година. Во 18. коло од Премиер лигата, Волвс победиja со 2-0, со головите на Матеус Куња и Хи-Чан Хванг, на кого Куња несебично асистираше во последните секунди од натпреварот.

Со оваа победа, Волвс го прескокна Лестер на 17. место на табелата во Премиер лигата и ја напушти зоната за испаѓање со втората последователна победа. Манчестер јунајтед, пак, го претрпе третиот последователен пораз во последната недела и моментално е на 14. место во англискиот шампионат.

Брахим Дијаз минатото лето се врати во Реал Мадрид и одигра солидна сезона, но во последно време добива мала минутажа.

Дијаз блескаше во дресот на „росонерите“, па Реал одлучи да го врати како замена за Асенсио минатото лето.

Меѓутоа, Дијаз добива мала минутажа, а на лето конкуренцијата на неговата позиција додатно ќе се зголеми, па е спремен да ја промени средината.

Шпанските медиуми пренесуваат дека Реал е спремен да го пушти на лето, а најсилен интерес покажува Милан, кој сака да ја исправи грешката и да го врати на „Сан Сиро“.

Милан е силно заинтересиран за ѕвездата на Торино и италијански репрезентативец, Самуеле Ричи, пренесуваат италијанските медиуми.

23-годишниот Ричи игра одлично и се етаблираше во еден од најдобрите играчи за врска во Серија А, па го привлече вниманието на многу европски гиганти.

Веќе го доби питетот „новиот Пирло“, а неговата цена во моментов е помеѓу 40 и 50 милиони евра.

Милан е во потрага по квалитетен играч за врска и го означил Ричи како примарна трансфер цел, но ќе мора да ја победи конкуренцијата.

Торино не сака да ја пушти својата ѕвезда на среде сезона, па овој трансфер е многу поверојатен следното лето.

Сопственикот на Милан, Џери Кардинале, изјави дека не бара да го американизира клубот. Неговата компанија – „RedBird Capital Partners“ го купи италијанскиот клуб во 2022 година.

„Не сакам да го американизирам Милан иако се обидувам да имплементирам некои американски практики кои можат да го однесат Милан на ново ниво. Се фокусирам и на бизнисот.

Во САД, односот меѓу сопствениците на клубовите и лигите е различен. Тука има повеќе различни нивоа – Серија А, Италијанска фудбалска Федерација, ФИФА, УЕФА, За мене е тоа процес на учење“ – изјави Кардинале.

Дефанзивниот играч за врска на Баерн Минхен и германската репрезентација Џошуа Кимих може да се приклучи на тимот на Реал Мадрид.

Ова го објави новинарот Флоријан Плетенберг на својата страница на социјалната мрежа Х.

Според изворот, раководството на Реал Мадрид будно ја следи ситуацијата во Баерн и е подготвено да му понуди договор на Германецот. Реал Мадрид верува дека играчот може да стане замена за играчот од средниот ред на Реал Мадрид, Тони Крос, кој ја заврши кариерата во јули оваа година.

Претходно се дозна дека Баерн го чека Кимих да донесе одлука за продолжување на договорот во јануари. Актуелниот договор на играчот од средниот ред со клубот трае до крајот на тековната сезона.

Мохамед Салах е блиску до потпишување на нов договор со клубот од „Енфилд“. Новиот договор ќе важи до 2027 година со опција за продолжување на уште 12 месеци. Ова го објави познатиот новинар и инсајдер Николо Шира на социјалната мрежа Икс.

Салах игра за Ливерпул од летото 2017 година. Како дел од клубот од „Енфилд“, Египќанецот ја освои англиската Премиер лига, домашните купови, Лигата на шампионите и Светското клупско првенство на ФИФА.

Претходно, Салах стана првиот играч во историјата на англиската Премиер лига кој постигнал 10 или повеќе голови и дал 10 или повеќе асистенции во четири последователни сезони од англискиот шампионат. Напаѓачот стана и првиот играч кој успеа да постигне 15+10 во системот „гол+асистенција“ пред Божиќ во првенството.

Севкупно, оваа сезона напаѓачот одигра 24 натпревари за клубот во сите натпреварувања, во кои постигна 18 гола и даде 15 асистенции.