Најважното нешто по завршувањето на двата четвртфинални дуели во Лигата на шампионите против Борусија Дортмунд е конечниот збирен резултат и пласманот во топ 4 на најсилниот турнир во светот, смета првиот човек на Барселона, Ханзи Флик, откако ги елиминираше Германците. Барселона го загуби реваншот со 1-3, но тоа не беше важно поради нивната убедлива победа од 4-0 во првиот натпревар, со што вкупниот резултат беше 5-3.

„Ние сме во полуфинале. Пласманот го обезбедивме по подобриот резултат од двата натпревари, така што тоа го заслуживме. Борусија е прекрасен тим, не натераа да поминеме низ многу тешки моменти. Но, ние сме во следната фаза и тоа е фактот што е важен”, изјави поранешниот тренер на Баерн (Минхен).

Потоа се фокусираше на нивото на фудбал што го демонстрираше неговиот тим:

„Денес Барселона не го одигра својот најдобар натпревар, не го покажа својот најдобар фудбал. Но, ова е заслуга и на Борусија, која беше многу силна. Достигнувањата на нашиот тим во последната недела се навистина феноменални. Навистина сме на чекор до шампионската титула во Примера, но се уште сме далеку од конечната победа во Лигата на шампионите“ рече Флик.

Артем Довбик и Лоренцо Пелегрини најверојатно ќе си заминат од Рома на крајот на сезоната. Високите плати на двајцата се една од причините поради која управата на Рома се подготвува за нивна продажба.

Украинскиот голгетер забележа пристојни бројки, но никогаш не беше влијателен во клучните натпревари на тимот. Раководството очекуваше малку повеќе со оглед на инвестицијата од 35 милиони евра.

Довбик и може да остане во Рома поради економски причини и немање алтернативи, но тоа ќе зависи од нивниот следен тренер, додека заминувањето на Пелегрини е далеку поизвесно. Пелегрини последен пат постигна гол на почетокот на јануари и тоа го направи само трипати во тековната сезона, а имаше и само две асистенции.

Серу Гираси синоќа го собори рекордот на Халанд и Левандовски по бројот на постигнати голови за Борусија во Лигата на шампионите.

Репрезентативецот на Гвинеја вчера направи хет-трик на мечот со Барселона и дојде до бројката од 13 постигнати гола во ЛШ оваа сезона. Со тоа, голгетерот го собори клупскиот рекордот на Борусија Дортмунд.

Претходно, Роберт Левандовски во сезона 2012/13 и Ерлинг Халанд во сезоната 2020/21 постигнаа по 10 гола за клубот во една сезона од Лигата на шампионите.

Дисциплинската комисија на Шпанскиот фудбалски сојуз донесе одлука за казната за Килијан Мбапе, кој доби директен црвен картон за груб фаул на натпреварот против Алавес.

Се шпекулираше дека ќе биде суспендиран на најмалку два натпревари, а некои медиуми во Шпанија дури прогнозираа дека може да добие три или четири меча. Но… Мбапе ќе пропушти само еден натпревар.

Мбапе беше исклучен поради стартот врз Антонио Бланко. Според извештајот од натпреварот, употребил „прекумерна сила“.

Судијата во првиот момент му покажа жолт картон на Мбапе, но кога ја прегледа снимката, го исклучи.

Тренерот на Пари Сен Жермен, Луис Енрике признава дека неговите играчи имале среќа, но смета дека заслужиле да се најдат меѓу четирите најдобри екипи во Лигата на шампионите.

Фудбалерите на Пари Сен Жермен се пласираа во полуфиналето и покрај поразот од Астон Вила. Реваншот на „Вила Парк“ заврши со победа на англискиот тим од 3:2, првиот меч во Франција заврши 3:1 за ПСЖ.

Тренерот на „свеците“ по реваншот призна дека неговите избраници по раното водство од 2:0, лесно влегле во продолжението на натпреварот и преживеале вистинската драма.

„Бевме премногу самоуверени, направивме работи што не требаше да ги направиме. Во одреден момент се тресевме од страв и примивме два гола за три минути, но мислам дека заслуживме да се пласираме во полуфиналето“, изјави Луис Енрике на прес-конференција.

Пари Сен Жермен во полуфиналето ќе игра против подобриот од дуелот помеѓу Реал Мадрид и Арсенал.

Раководството на Интер е задоволнo oд работата на Симоне Инзаги и ќе ја продолжи работата со тренерот.

Информацијата за договорот помеѓу двете страни пристигнува на еден ден пред реваншот со Баерн и исходот на истиот нема да влијаеа на одлуката на „нероаѕурите“.

Информациите на „Газета дело Спорт“ се дека се е договорено и Инзаги ќе потпише договор по натпреварот со Баерн.

Интер освен што стигна до завршницата од Лигата на шампионите, тимот се наоѓа и на првото место во Серија А, а на шест кола пред крајот има три бода повеќе од Наполи. Исто така тимот на Инзаги е во игра и за трофеот во Купот на Италија каде што се во полуфиналето.

Тотенхем ја има една од најлошите сезони во последните години – 15. место во Премиер лигата, елиминација од домашните купови, и само Лига Европа како последна надеж за трофеј. По ремито 1-1 во Лондон, реваншот со Ајнтрахт во Франкфурт ќе биде клучен за полуфинале.

Анге Постекоглу е пред отказ, а според италијанските медиуми, управата веќе размислува за нов тренер. Челниците немаат доверба во Австралиецот кој го води тимот.

Најсилен кандидат е Жозе Мурињо, кој моментално е во Фенербахче. Ако Португалецот се ослободи, можно е Тотнем ќе тргне во офанзива. Мурињо беше дел од клубот до 2021, кога доби отказ пред финале со Манчестер Сити во Лига купот.

Фудбалерите на ПСЖ и Барселона се пласираа во полуфиналето во Лигата на шампионите. Конечни резултати: Борусија Дортмунд – Барселона 3:1 и Астон Вила – Пари Сен Жермен 3-2.

Барселона беше апсолутен фаворит против Борусија, што го потврди и на првиот натпревар во Шпанија каде победи со 4-0.

Сепак, реваншот на Вестфален целосно им припадна на фудбалерите во жолто-црни дресови и со малку среќа можеа да остварат сензационален резултат. Победија но со недоволна разлика.

Се истакна трикратниот стрелец Серху Гираси. Првиот гол го постигна од пенал, вториот веднаш на стартот на вториот дел и ја подигна температурата на трибините.

Жолтиот ѕид не ги штедеше грлата, но автоголот на Бенсебаини за момент ја стиша еуфоријата.

Гираси успеа да постигне хет-трик, имаше уште неколку можности, но на крајот Барселона со вкупен резултат 5-3 се пласираше во полуфиналето.

Избраниците на Ханси Флик во полуфиналето ќе играат против подобриот од дуелот Баерн – Интер. Во првиот натпревар во Минхен, Италијанците победија со 2-1. Реваншот е в среда во Милано.

Вистинска драма се одвиваше на „Вила Парк“ во Бирмингем, но Џиџи Донарума не и дозволи на Асти=он Вила да го елиминира ПСЖ. Италијанскиот голман во второто полувреме имаше три сензационални интервенции.

Има и многу возбуда во Бирмингем во Вила Парк. На првиот натпревар во Париз подобар беше шампионот на Франција. Гостите по 27 минути игра имаа предност од два гола. Стрелци беа Хакими и Нуно Мендеш.

Вила се врати во мечот со голот на Тилеманс во 34.минута. Во вториот дел Мекгин и Конса во 55. и 57.минута погодија за преднст на Вила. До крајот домаќинот не успеа да избори барем продолженија.

ПСЖ во полуфиналто го чека победникот од двомечот Реал-Арсенал. Англискиот тим има предност од 3:0 пред реваншот во Мадрид.

Полуфиналните натпревари се закажани за 29 и 30 април, реваншите на 6 и 7 мај.

Селекцијата на Албанија ќе ја дочека Србија во квалификациите за Светското првенство во јуни во Тирана.

За овој натпревар ФИФА одреди казна за домашната селекција поради однесувањето на навивачите. Станува збор за однесувањето на мечот против Андора кога дел од трибините имаше скандирања против Србија и заедничката организација на ЕП за млади фудбалери во 2027 година.

Албанците ќе имаат намален капацитет на својот најголем стадион за 20% и затворање на дел од трибините за мечот со Србија.

Овој натпревар и онака е прогласен од висок ризик, па Фудбалскиот сојуз на Албанија ќе има полни раце работа.

Објавен е веројатниот датум за враќање на Барселона на стадионот „Камп Ноу“.

Според „Onze Mondial“, клубот очекува да ја заврши реконструкцијата во септември оваа година. Капацитетот на стадионот по завршувањето на сите процеси се очекува да биде 105 илјади гледачи.

Реконструкцијата на „Камп Ноу“ започна во 2023 година. Оттогаш, Каталонците своите домашни натпревари ги играат на „Олимпискиот стадион“ во Барселона, кој има капацитет од 56.000 гледачи.

По 31 коло, Барселона води во Ла Лига со 70 бодови, четири бода повеќе од Реал Мадрид.

Вечер тимот на Ханс Дитер Флик ќе игра на гости кај Борусија Дортмунд во реваншот од четвртфиналето на Лигата на шампионите. Првиот натпревар заврши со победа на Каталонците со 4:0.