Менаџерот на Арсенал, Микел Артета, нема да може да го води тимот на следната средба од Премиер лигата. Шпанскиот стручњак кој лудо го прослави голот на Деклан Рајс во 97. минута од натпреварот против Лутон, кој Арсенал го доби со 4-3 и влета на теренот, доби жолт картон од судијата Сем Барот.

Бидејќи ова е трет жолт картон за Артета оваа сезона, тој автоматски ќе биде суспендиран. Во сабота, Арсенал ќе гостува кај Астон Вила, а на клупата ќе биде само неговиот асистент.

Голманот на белгиската фудбалска селекција, Тибо Куртоа го известил клубот дека нема да оди на Европското првенство во 2024 година.

Голманот моментално е на рехабилитација по тешката повреда на коленото, која ја доби во август. Тој нема да може да игра до мај 2024 година, непосредно пред почетокот на Европското првенство. Прашање беше дали дотогаш ќе биде 100 отсто фит, па затоа и самиот одлучил да не ризикува со предвремено враќање на голот.

Тој наводно го информирал својот клуб за ова прашање во последните месеци. Според „Радио Марка“, тој сака да го искористи целиот летен одмор за да ја продолжи рехабилитацијата.

Рома размислува да го продолжи договорот со португалскиот стратег Жозе Мурињо. Актуелниот договор на 60-годишниот тренер со Римјаните истекува следното лето.

Според изворот, раководството на клубот планира да одржи прелиминарни преговори со Мурињо пред крајот на тековната календарска година. Португалецот е на клупата на Рома од 2021 година. Мурињо им помогна на римјаните да ја освојат Конференциската лига во сезоната 2021/22.

Тековната сезона по 14 кола е на четвртото место во поредокот со 24 бода.

Барселона на подолго време останува без својот најдобар голман и
еден од лидерите во екипата, Марк Андре Тер Штеген.
Германецот има проблеми со грбот поради кои предвреме го заврши
репрезентативниот собир во ноември со тоа што информациите беа
дека ќе може да настапува за Барселона.

Меѓутоа проблемот е од посериозна природа, тој беше недостапен за
соочувањата со Рајо Валјекано, Порто и Атлетико Мадрид за да
денеска стигне информација дека дефинитивно ќе оди на операција.
Барса ја информираше јавноста дека зафатот ќе биде извршен во
текот на оваа седмица по што ќе бидат објавени нови вести, но
медиумите веќе соопштуваат дека паузата ќе биде од неколку месеци
што значи дека Ињаки Пења ќе има сериозна задача да го замени во
наредниот период.

Побарана е максимална казна од 12 години затвор за поранешната
бразилска фудбалска ѕвезда Дани Алвеш, обвинет за сексуален напад.
Алвеш ќе се соочи со судење за наводен напад на жена во ноќен клуб
во Барселона на 30 декември. Истражниот судија во август му
поднесе обвинение, а судот тогаш изјави дека има доволно докази за
судењето кое се очекува следната година.
Поранешниот дефанзивец на Барселона ги негираше обвинувањата и
од јануари е во притвор.
Обвинителите, исто така, побараа Алвеш да и плати отштета од
150.000 евра на жртвата и да му се забрани каков било контакт со неа
во следните десет години. Тие исто така сакаат Алвеш да остане под
надзор една деценија по отслужувањето на затворската казна.
Сите барања за кауција на Алвеш беа одбиени бидејќи судот сметаше дека постои ризик од негово бегство.

Италијанскиот фудбалски состав Торино ќе се обиде да дојде до
потписот на напаѓачот на Челзи, Армандо Броја доколку Немања
Радониќ си замине во текот на зимскиот трансфер период, објави –
„Тутоспорт“.
22-годишниот Албанец од почетокот на сезоната не може да се избори
за стартно место на „Стемфорд Бриџ“ и затоа ќе добие зелено светло
да ја промени средината.
Тој има еден гол и една асистенција на седум мечеви во сите
конкуренции.

Роналдињо се вклучи во дебатата за тоа кој би можел да биде
следниот добитник на „Златната топка“. Некогаш најдобриот играч на светот навива за Килијан Мбапе.
Поранешната ѕвезда на Барселона и ПСЖ за АФП изјави дека Мбапе
„може да ја освои Златната топка со кој било тим“, но сепак има една
желба.
„Го сакам ПСЖ и би сакал тоа да го направи со нив. Тој ми е добар
пријател и многу добар играч. Ми се допаѓа неговиот стил на игра.
Логично, освојувањето на големи турнири ќе му помогне да го освои
овој трофеј“, изјави Бразилецот за АФП.
Килијан Мбапе го зазеде третото место во последниот избор, зад
рекордерот Лионел Меси и Ерлинг Халанд. Оваа сезона Мбапе
постигна 18 гола на 18 натпревари во сите натпреварувања за ПСЖ.

Натпреварот од 13. коло во германското првенство меѓу Баерн Минхен и Унион Берлин на Алијанц Арена ќе се одигра на 24 јануари. Натпреварот требаше да се одигра на 2 декември, но Бундеслигата одлучи да го откаже и одложи поради обилните снежни врнежи.

По 12 кола во германскиот шампионат, Баерн има 32 бода и моментално е на второто место. Од друга страна, по ист број на натпревари во Бундеслигата, Унион Берлин освои седум бода и се наоќа на 18. место. 

Баер Леверкузен е на првото место со три бода предност пред Баерн Минхен.

Избраниците на Томас Тухел победија во натпреварот од 12. коло од домашното првенство со Келн со резултат 1:0, додека Унион Берлин во 12. коло одигра нерешено со Аугсбург.

Интер оствари голема понуда на гостувањето против шампионот Наполи, но тренерот Симоне Инзаги се соочува со нови проблеми поради повредите на уште двајца дефанзивци.

Французинот Павар е надвор од терените од претходно и нема да се врати на терените до крајот на годината. Сега Инзаги по дуелот со Наполи остана и без Де Фрај и Дамфрис.

Деталните прегледи покажале дека станува збор за повреда на муслуите и би требало да паузираат најмалку две недели.

Ова значи дека двајцата ќе ги пропуштат натпреварите со Удинезе и Реал Сосиедад како и натпреварот со Болоња од Купот на Италија.

Енис Барди би можел да се пресели во турски Трабзонспор пренесуваат германските медиуми.

Наводно тренерот на германскиот тим Ненад Бјелица со кого Барди соработуваше во Трабзонспор сака да го доведе во Германија.

Бјелица смета дека Барди е идеално решение за проблемите во средниот ред на Унион Берлин. Под водство на хрватскиот стратег, Барди играше одлично во Турција, но сега е во втор план и на последните четири натпревари настапи само еднаш и тоа 15-тина минути. Тренер на Трабзон во овој момент е Абдула Авчи.

Информациите се дека Унион Берлин веќе го направил првиот контакт, а трансферот би можел да се реализира ако двете страни се договорат некаде на почетокот на јануари.