Селта побрза да реагира по судска одлука дека нивниот напаѓач Санти Мина треба да биде осуден на четири години затвор поради сексуалното насилство во 2017 година.

Клубот во својот официјален став му замери на својот играч за делото, објавувајќи дека тој презел дисциплински мерки против него, почнувајќи од негова привремена суспензија од тренажниот процес на тимот.

„Како резултат на денешната одлука на Окружниот суд во Алмерија, Селта одлучи да преземе дисциплинска постапка против играчот Сантијаго Мина за да ги разјасни неговите работни обврски со оглед на оваа одлука. Поради оваа причина и како мерка на претпазливост, одлучено е играчот привремено да се отстрани од тренинзите на првиот тим, без да биде во спротивност со продолжување на неговото извршување на активностите што ги прецизира клубот за оваа намена. Селта го почитува правото на одбрана на играчот, но е должна да преземе мерки во однос на оние настани кои го нарушуваат престижот на клубот и се насочени директно против неговите вредности, уште еднаш покажувајќи го целосното отфрлање на кривичното дело дефинирано во судската одлука“, се вели во соопштението на официјалниот сајт на клубот.

Големата ѕвезда на светскиот фудбал, Лионел Меси не се најде на листата за најдобар играч во Лига 1.

Единствен претставник на Пари Сен Жермен е неговиот соиграч Килијан Мбапе, кој би можел трет пат по ред да ја освои наградата, но се среќава со конкуренцијата на Висам Бен Једер од Монако, Димитри Паје од Марсеј, Лукас Пакета од Лион и Мартин Териер од Рен.

Досега аргентинската ѕвезда има запишано 23 натпревари во Лига 1, на кои постигна четири гола и даде 13 асистенции, но тоа не беше доволно за да се бори за наградата.

Ова е речиси непозната ситуација за Меси, кој победи 13 пати од сезоната 2008/09, кога беше воспоставена ваква награда во Ла Лига, во конкуренција на играчи како Кристијано Роналдо, Карим Бензема и Луис Суарез.

Легендарен дрес на аргентинскиот фудбалер Диего Марадона е продаден за рекордни 8,4 милиони евра. Го носеше најдобриот фудбалер на 20 век (според ФИФА) за време на натпревар на Светското првенство во 1986 година – едно од четирите светски првенства на кои учествуваше Марадона.

Во овој тим, Аргентинецот го постигна еден од најпознатите голови на светските првенства. Незабележан од судиите, тој даде гол на Англија со рака, а потоа изјави дека тоа е „Божја рака“.

По овој натпревар, дефанзивецот Стив Хоџ го замени дресот со Марадона. Минатиот месец најави дека ќе го продаде.

Велат дека купувачот е анонимен.

Поранешниот украински фудбалер и селектор на репрезентацијата на таа земја, Андреј Шевченко во моментов е во преговори околу купувањето на фудбалскиот клуб Пескара. Според италијанските медиуми, Шевченко треба да се сретне со претседателот на Пескара за да се договори за купување на најголемиот дел од акциите на Пескара.

Овој клуб моментално игра во Серија Ц, односно трет ранг на италијанскиот фудбал и успеа да се пласира во плејофот за пласман во Серија Б.

По заминувањето од селекторската функција на репрезентацијата на Украина, Андреј Шевченко стана тренер на Џенова во Серија А. Во Џенова сепак остана само два месеци и моментално е без ангажман.

Баерн Минхен е силно заинтересиран за младиот дефанзивец на Интер, Дензел Думфрис, пренесуваат италијанските медиуми.

Спортскиот диркетор на Баварците, Салихамиџиќ веќе го контактирал менаџерот на Думфрис и сака да го донесе на „Алијанц Арена“.

26-годишниот десен бек минатото лето пристигна во Интер за 12 милиони евра и одигра одлична сезона.

Интер не сака да го продаде, но има финансиски проблеми, па доколку пристигне понуда од 35 милиони евра е спремен да ја разгледа.

Баварците стапиле во контакт со неговиот агент и се очекува наскоро да испратат понуда.

Напаѓачот на Реал Мадрид, Карим Бензема ја продолжува својата неверојатна сезона. Французинот погоди од пенал и донесе успех со 3-1 над Манчестер Сити во реваншот меѓу двата тима од полуфиналето на Лигата на шампионите.

На овој начин го израмни рекордот на својот поранешен соиграч Кристијано Роналдо, веќе со 10 гола во една сезона во елиминациската фаза од турнирот, колку што забележа Португалецот во сезоната 2016/17.

Сепак, Бензема ќе има шанса дури и да го подобри својот настап во финалето против Ливерпул.

Дополнително, Бензема има 15 гола во овогодинешното издание на Лигата на шампионите, ако се бројат неговите голови во групната фаза. Така тој е на само 2 гола од рекордот на Роналдо од споменатата сезона 2016/17 кога постигна 17.

Тренерот на Манчестер Сити, Пеп Гвардиола испадна по шести пат во полуфиналето на Лигата на шампионите.

Тоа се случуваше во сезоните 2009/2010 и 2011/2012 со Барселона, 2013/2014, 2014/2015 и 2015/2016 со Баерн Минхен и во сезоната 2021/2022 со Манчестер Сити.

Според овој показател, тој го повтори антирекордот на Жозе Мурињо. Да потсетиме, во реванш полуфиналниот натпревар од Лигата на шампионите, Манчестер Сити загуби од Реал Мадрид со резултат 1-3.

Првиот натпревар заврши со победа на Манчестер Сити со резултат 4:3. Така, по резултатите од два натпревари, Реал Мадрид победи со 6:5 и се пласираше во финалето на Лигата на шампионите по продолжението кое беше одиграно синоќа.

Досега имаше неколку земји кои ја заменија конфедерацијата од спортски или безбедносни причини – Австралија се пресели од Океанија во Азиската фудбалска федерација, додека Израел и Казахстан од Азија во УЕФА.

Руската фудбалска федерација (РФУ) размислува да се приклучи на Азиската фудбалска конфедерација (АФЦ), откако беше казнета од Европската фудбалска унија (УЕФА) за руската инвазија на Украина.

„Мислам дека дојде време сериозно да се размислува за транзиција во азиската конфедерација. Не знаеме колку долго ќе трае забраната за руските клубови и репрезентации, а отсуството од меѓународните натпреварувања би било катастрофа за рускиот фудбал“, изјави поранешниот боксер, а сега пратеник Димитриј Пирог за Меч ТВ.

Медиумите во Русија објавуваат дека Рускиот фудбалски сојуз размислува за можноста за преместување во азиската фудбалска зона. Причината се санкциите од УЕФА која поради инвазијата на Украина ги отстрани руските национални и клупските тимови од сите меѓународни натпреварувања.

На Русија исто така им е одземена можноста да се кандидира за домаќин на Европските првенства во 2028 и 2032 година.

Екипата на Олимпијакос по 47. пат во својата историја стана фудбалски шампион на Грција, откако како гостин во Солун го совлада ПАОК со 2:1. 

На четири кола пред крајот на првенството, Олимпијакос има 16 бода предност пред Паок кој е втор. Третото место на табелата му припаѓа на Панатинаикос.