Италија на помалку од еден месец до натпреварот со Македонија остана без селектор откако Роберто Манчини изненадувачки поднесе оставка. Федерацијата вчера официјално го потврди заминувањето на Манчини.

Манчини на кормилото на италијанската репрезентација седна во мај 2018 година и најголемиот успех го направи со освојувањето на Европското првенство.

Во италијанските медиуми веќе се споменуваат имињата на кандидатите за нов селектор.

Во потесниот круг наводно се Антонио Конте и Лучијано Спалети кој е без ангажман откако на Наполи му го донесе скудетото минатата сезона по пауза од 33 години. Конте од друга страна веќе беше селектор на Италија од 2014 до 2016 година.

Покрај Конте и Спалети кои важат за фаворити „Скај Спорт“ ги споменува имињата на Фабио Канаваро, Џенаро Гатузo и Даниеле Де Роси.

Фенербахче денес објави голамо засилување – Бразилецот Фред од Манчестер Јунајтед.

Бразилскиот репрезентативец беше промовиран во нов фудбалер на гигантот од Истанбул, а „црвените ѓаволи“ од овој трансфер ќе заработат 10 милиони евра.

Фред е третото големо засилување за Фенербахче по Един Џеко и Душан Тадиќ.

Јувентус е блиску до ангажман од мароканскиот фудбалер од редовите на Фиорентина, Софијан Амрабат.

Амрабат вниманието на себе посебно го сврте со настапот на Светското првенство минатата година, беше блиску до Барселона во јануарскиот преоден рок, но тој трансфер пропадна. Подоцна како да се „олади“ интересот за него, па се уште е во Фиорентина, а се поврзуваше и со Ливерпул, Атлетико Мадрид, Манчестер Јунајтед…

Сега, Јувентус сака да го доведе и во него гледа одлично засилување во средниот ред каде што „старата дама“ мора да се засили до крајот на преодниот рок.

Илија Несторовски е во потрага по нов клуб, а како што стојат работите ќе остане во Италија.

Неколку клуба од Серија Б покажаа интерес за македонскиот напаѓач кој тренира индивидуално со цел да остане во форма за новиот ангажман. Најнови клубови на листата кои покажале интерес се Тернана и Парма.

Претходно со потписот на Нестор се поврзуваа Венеција и Палермо каде што во минатото настапуваше со голем успех. Исто така се споменуваше и Сампдорија.

Во последната сезона за Удинезе, Несторовски најголем дел помина на клупата за резерви, а повеќе шанса добиваше во финишот кога клубот го обезбеди опстанокот. Токму тие натпревари биле еден вид тест за Несторовски за новата сезона по кои Удинезе одлучи да не го задржи.

Капитенот на македонската фудбалска репрезентација, Стефан 

Ристовски, синоќа ја изненади јавноста со објава на социјалните мрежи со која најави привремено повлекување од нашата фудбалска репрезентација. Во објавата тој вели дека се повлекува поради нарушен однос со селекторот Благоја Милевски, но и поради одредени работи кои не функционираат во репрезентацијата.

Десниот бек на Динамо Загреб во својата подолга објава на социјалните мрежи не дава детални објаснувања за својата одлука, но нагласува дека ја донел истата поради фактот што функционирањето на националниот тим оди во погрешен правец.

Оваа одлука на капитенот секако е голем удар за македонскиот национален тим, а доаѓа во пресрет на продолжението на квалификацискиот циклус за ЕП 2024.

Голманот на Челзи, Кепа Аризабалага е нов член на Реал Мадрид.

Шпанскиот голман во Реал пристигна на позајмица до јуни 2024.година и ќе биде замена за Тибо Куртоа кој заработи сериозна повреда на коленото, поради која ќе отсуствува подолг период.

28-годишниот Аризабалага после позајмицата и крајот на сезоната ќе мора да се врати во тимот од Лондон, бидејќи неговиот договор не вклучува опција за купување.

Кепа е член на Челзи од 2018 година, а претходно го бранеше голот на Атлетик Билбао.

Многу неочекувана вест стигна од фудбалската репрезентација на Италија.  Роберто Манчини без никакви индикации, реши да ја напуштил селекторската позиција.

Селекторот кој ја предводеше својата земја до европската титула во 2021 година, но не успеа да се квалификува на Светското првенство во Катар во 2022 година, изненадувачки пред септемврискиот циклус квалификации за ЕП 2024 решил да си замине од позицијата.

Тоа значи дека Италија на мечот со Македонија во Скопје доаѓа со ново селекторско име.

Ѕвездата на француската репрезентација и на шампионот ПСЖ, Килијан Мбапе, кој беше исфрлен од тимот поради спор околу договорот, е вратен во првиот тим, објави парискиот клуб.

„По многу конструктивни и позитивни разговори меѓу Пари Сен Жермен и Килијан Мбапе пред натпреварот ПСЖ – Лориен, оваа сабота, играчот утрово е вратен во првиот тим“, објави ПСЖ преку соопштение.

Француските медиуми шпекулираат дека Мбапе ќе потпише нов договор со парижаните, а во договорот би требало да има и клаузула според која може да си замине следното лето.

Јувентус се обидува да го обезбеди потписот на Доменико Берарди, јавуваат италијански извори.

Тренерот на „Старата Дама“, Макс Алегри јавно изјавил дека е среќен со својот тим, но Берарди останува фасцинантен и би можел да се вклучи во тимот.

Берарди сака да го напушти Сасуоло, но проблем за реализација е тоа што Сасуоло ќе бара висока сума за негова отштета. Прогнозите велат дека Сасуоло за слободата на Берарди бара 30 милиони евра.

Суперѕвездата на Пари Сен Жермен, Килијан Мбапе, кој моментално е суспендиран од првиот тим, со интересна порака го пречека Усман Дембеле, кој и официјално беше промовиран како ново засилување за францускиот првак.

Двајцата се соиграчи во француската репрезентација. 

“Добредојде дома брат мој, среќен сум што те видов овде. Авантурата започнува”, напиша Килијан на Инстаграм.

Мбапе е во немилост во ПСЖ поради неговата желба следното лето да го напушти клубот како слободен играч.