Екипата на Трабзонспор стана нов првак во турската фудбалска Суперлига, со што стави крај на 11- годишната доминација на тимовите од Истанбул.

Ова е прва титула за Трабзонспор по 1984 година. Ремито со Анатлијаспор од 2:2 беше доволно за радост на клубот од брегот на Црното Море, бидејќи за заверка на титулата доволно беше освојувањето и на еден бод.

Конзорциумот предводен од косопственикот на Лос Анџелес Доџерс, Тод Боли е во ексклузивни преговори за купување на Челзи за 3 милијарди долари, објави Ројтерс.

Претходно во текот на денот, британскиот милијардер Џим Ретклиф објави дека во последен момент дал „официјална понуда“ за купување на клубот за 4,25 милијарди фунти.

Челзи беше ставен на продажба од сопственикот Роман Абрамович по руската инвазија на Украина и санкциите против олигархот наметнати од британската влада.

Граѓаните очекуваат да ги забрзаат преговорите за трансфер на норвешкиот фудбалер и најдоцна следниот месец трансферот да биде комплетиран. Претходно беше објавено дека Ерлинг Холанд се договорил со Манчестер Сити за петгодишен договор со плата од 600.000 евра неделно, што ќе го направи најплатен играч во Премиер лигата.

На денешен ден 1 мај….
На 1 мај 2005 година Лионел Меси го постигна својот прв погодок  за Барселона.  Асистент  му беше легендата од Бразил Роналдињо кој уште тогаш тврдеше дека Меси ќе стане најдобриот на сите времиња.

На прашањето од новинарите дали новиот договор на тренерот Јирген Клоп со Ливерпул може да влијае на неговата одлука да остане во Манчестер Сити подолго од следната сезона, кога ќе му истече договорот, Гвардиола одговори:

„Честитки за Јирген и Ливерпул. Ова е добро за Премиер лигата и за иднината. Му посакувам се најдобро. Зошто да влијае? Ако одлучам да останам, тоа ќе биде моја одлука, а не затоа што мојот колега го продолжи договорот. Не гледам врска. Во текот на мојата кариера, 15 години како тренер, секогаш сум имал ривали. Со Клоп се натпреварувам шест години“.

Градските власти на Мајами одобрија договор за закуп што ќе им овозможи на поранешната англиска фудбалска ѕвезда Дејвид Бекам и партнерите да иградат стадионски комплекс за нивниот тим Интер Мајами.

 Според информациите од медиумите, се работи за проект вреден околу една милијарда долари.

Комплексот Парк на слободата во Мајами ќе се наоѓа во близина на меѓународниот аеродром и ќе вклучува стадион со 25.000 седишта, 750 хотелски соби, комерцијален простор и терени за локалната заедница.

Баерн Минхен е во потрага по напаѓач бидејќи е нејасна иднината на Роберт Левандовски.

Левандовски има уште една година од договорот, па Баерн сака да донесе напаѓач кој ќе биде долгорочно решение.

Германските медиуми изненадувачки пренесуваат дека Баварците се заинтересирани за Лука Јовиќ, кој е на излезна врата од Реал Мадрид.

24-годишниот Србин откако пристигна во 2019 година за 60 милиони евра не ги оправда очекувањата, па Реал е спремен да го продаде.

Јовиќ прикажуваше одлични игри во Бундес лигата, па раководството на Баерн Минхен верува дека неговиот голгетерски потенцијал е неспорен.

Британскиот бизнисмен, Џим Ратклиф, сака да го купи фудбалскиот клуб Челзи за 4 милијарди фунти (4,76 милијарди евра).

„The Independent“, тврди, дека понудата е испратена. Познато е дека меѓу апликантите за купување на лондонскиот клуб се: конзорциум, во кој членуваат Формула 1 возачот Луис Хамилтон и тенисерката Серена Вилијамс; Косопственикот на Лос Анџелес Доџерс, Тод Боли; сопственик на НБА клубот „Бостон Селтикс“ и „Аталанта“ од Серија А, Стивен Паљука.

Сите споменати треба да ги достават плановите за обнова на „Стемфорд Бриџ“ како и за финансирање на Челзи на краток и на среден рок.

Според „Газета Дело Спорт“, компанијата Сити Фудбал Груп, кој е сопственик на Манчестер Сити, има сериозен интерес за купување на италијанскиот Палермо.

Информациите велат дека актуелниот сопственик на клубот од Сицилија е подготвен да понуди на продажба 80 % од своите акции.

Компанијата Сити Фудбал Груп во своја сопственост има 12 фудбалски клубови ширум светот, меѓу кои се Троа, Ломел, Њујорк Сити, Мелбурн Сити, Монтевидео Сити и други.

Се очекува зделката за откуп на акциите на Палермо да изнесува околу 6 милиони евра.

Тренерот на Тотенхем, Антонио Конте ги демантираше шпекулациите кои се појавија во последните денови дека тој сака да го напушти својот сегашен клуб и да го преземе Париз Сен Жермен. Конте овие наводи ги претстави како „лажна вест“.

„Мислам дека е добро што другите клубови ја ценат мојата работа. Сепак, вистината е дека не ми се допаѓа кога луѓето се обидуваат да измислуваат вести само за да создаваат проблеми. Ова не е правилно и не е фер кон мене, кон споменатите клубови и кон моите играчи. Целосно сме фокусирани на преостанатите пет натпревари и на постигнување на најдобри резултати. Мора да се покаже почит, а не да се создаваат лажни вести и лаги“, изјави Конте на прес-конференција.