Поранешниот бразилски и шпански репрезентативец, Диего Коста, потпиша договор со Вулверхемптон до јуни 2023 година, соопштуваат од англискиот премиерлигаш.

33-годишниот Коста потпиша договор со клубот откако ја доби потребната работна дозвола и ги помина лекарските прегледи. Тој во својот нов тим ќе биде замена за напаѓачот Саша Калајџиќ кој поради повреда ќе мора да паузира неколку месеци.

Диего Коста беше без ангажман од јануари, кога му истече договорот со Атлетико Минеиро. Тој претходно има настапувано за Атлетико Мадрид, Челзи, Рајо Ваљекано, Ваљадолид, Албасете, Селта, Брага и Пењафиел.

Конфузниот старт на сезоната на „Стемфорд Бриџ“ беше проследен со проблеми од крајот на претходната сезона.

Доаѓањето на Тод Боли на чело на Челси најави промени, новиот сопственик сака долгорочен проект како оние што ги направија Манчестер Сити или Ливерпул. Сепак, се чини дека „сините“ се пред сериозен број промени.

Летово клубот го напуштија играчите како Рудигер, Лукаку, Кристенсен, Алонсо итн., а по нивните стапки би можел да тргне и Нголо Канте.

Пари Сен Жермен летово го засили средниот ред со Витиња, Ренато Санчез и Фабијан Руиз, но според турскиот новинар Екрем Конур, специјализираниот за трансфери, Луис Кампос очигледно мисли дека на овие играчи им е потребна поддршка од некој кој знае како да ги освојува најважните трофеи.

Галатасарај го договори трансферот на Мауро Икарди, но нема намера тука да застане и сакаат да ангажираат уште некое засилување.

Икарди во Галатасарај пристигнува на позајмица до крајот на сезоната, а веднаш по него се очекува да му се придружи Шпанецот Хуан Мата. Според последните информации личните услови со Мата се договорени и не би требало да има проблем.

Меѓутоа и тука Турците немаат намера да застанат. Во преговори наводно се и со Хамес Родригез кој во минатото настапуваше за Реал Мадрид и Баерн Минхен.

Брајтон му дозволи на својот тренер Греам Потер да преговара со Челзи. 47-годишниот тренер е еден од главните кандидати за менаџерската функција на лондонскиот тим по отказот на Томас Тухел. 

Има најава дека „Сините“ ќе разговараат и со Зинедин Зидан и Маурисио Покетино. Според „Телеграф“, лондонскиот клуб упатил барање до Брајтон за преговори со 47-годишниот тренер, кое било одобрено.

За да го назначат Потер за главен тренер, Сините ќе треба да му платат на Брајтон, 10 милиони фунти во вид на компензација за раскинувањето на договорот.

Норвешкото „чудо од дете“, Ерлинг Халанд, вчера ги постигна првите два гола во Лигата на фудбалските шампиони во дресот на Манчестер Сити.

„Граѓаните“ заслужено славеа на теренот на Севилја со 0-4 а корпулентниот напаѓач успеа во два наврата да го совлада домашниот голман.Токму со тој ефект, Халанд стана четвртиот фудбалер во историјата на Лигата на шампионите кој постигнал најмалку еден гол во дебитантскиот настап за три различни клуба – Салцбург, Борусија Дортмунд и Манчестер Сити.

Тоа пред него го имаат направено Фернандо Мориентес, Хавиер Савиола и Златан Ибахимовиќ.

Франк Кеси ова лето го напушти Милан и како слободен агент се пресели во Барселона, но многу брзо би можел да се врати во Серија А.

Кеси не е задоволен од третманот што го има во Барселона и во првите четири натпревари секогаш е на клупата за резерви и одигра само 35 минути.

Чави не го гледа во стартниот состав, а откако Де Јонг на крајот остана на „Камп Ноу“, Кеси тешко дека ќе добие поголема минутажа.

Поради тоа репрезентативецот на Брегот на слоновата коста сака уште во јануари да ја промени средината, а интерес за него покажува Јувентус. „Бјанконерите“ се спремни да го донесат на позајмица со право на откуп на крајот на сезоната за 20 милиони евра.

Иако се очекуваше Пјаниќ да остане во Барселона, сепак не добива голема минутажа и може да си замине од „Камп Ноу“ следните денови.

Фабрицио Романо пренесува дека Шарја од Обединетите Арапски Емирати е силно заинтересирана за Пјаниќ и плејмејкерот е отворен за преселба на Блискиот Исток.

Преодниот рок на Емирати се уште е отворен, па Пјаниќ има можност да го реализира трансферот.

Клубот му понудил тригодишен договор на Босанецот, а Барселона ќе добие 3 милиони евра обештетување.

Екипата на Манчестер Јунајтед предводена од тренерот Ерик тен Хаг, оваа сезона ќе настапува во Лига Европа, па по тој повод беше објавен списокот од играчи кои ќе настапуваат на турнирот.

Во тимот е вклучен и еден од најдобрите светски фудбалери, Кристијано Роналдо, кој повторно ќе игра во Лигата на Европа после сезоната 2002/2003 кога во тогашниот Куп на Уефа настапуваше во дресот на Спортинг од Лисабон.

Клубот од Олд Трафорд во групната фаза од ова натпреварување ќе игра против Омонија, Реал Сосиедад и Шериф.

Фудбалскиот клуб Вулверхемптон поднесе жалба на одлуката со која се одбива работната дозвола на напаѓачот Диего Коста, пренесуваат медиумите во Англија.

Вулверхемптон проба да го регистрира 33-годишниот Коста како нов играч на клубот, откако најновото засилување на екипата Саша Калајџиќ ќе биде надвор од терените после повредата на ахиловата тетива која ја заработи минатиот викенд.

Како причина за одбивањето на работната дозвола за Коста се наведува фактот дека тој нема одиграно професионален фудбалски натпревар од 12.декември минатата година.

Од Вулверхемптон поднесоа жалба на одлуката до Фудбалскиот сојуз со надеж дека истата ќе биде променета, и фудбалерот ќе може да настапува за клубот.

Лионел Меси има проблеми со недвижностите на Ибица, објави „Марка“.

Според изворот, Аргентинецот поседува скапа вила од 16.000 квадратни метри, која ја купил за 11 милиони евра, но, има проблем затоа што, оваа зграда нема дозвола за градба.

Како што се испостави, претходните сопственици решиле да ја прошират куќата без дозвола. Така изградиле две простории без да ја имаат потребната лиценца. Токму овој факт му направи проблеми на Меси, кој поради овие измени заврши со недвижен имот без градежна дозвола или имотен лист.

Засега играчот реши да им ги препушти документите на своите адвокати.