Белгискиот фудбалски интернационалец, Еден Азар, кој влезе на местото на повредениот Карим Бензема на вчерашниот меч со Селтик во Лигата на шампионите, беше еден од најдобрите во дресот на Реал Мадрид.

Тој постигна еден гол и направи асистенција со што покажа дека полека се враќа во посакуваната форма. Токму за неговата партија прашање доби Тони Крос  кој беше задолжен за изјава пред новинарите.

„Азар? Никогаш не биле доведени во прашање неговите квалитети, туку физичката кондиција, повредите. Денеска влезе и одигра добро, да се надеваме дека ќе продолжи така“, изјави Крос.

Напаѓачот на Париз Сен Жермен,Мауро Икарди, го напушта клубот и се сели во Турција каде според информациите ќе настапува за Галатасарај.

Иако Икарди во последниов период најмногу се поврзуваше со трансфер во клубови од Италија, најконкретни во трката за негов потпис беа челниците на турскиот гигант Галатасарај. 

Аргентинскиот голгетер во екипата од Истанбул ќе се пресели како позајмен играч до крајот на сезоната, но сеуште не се знае дали во договорот Галатасарај ќе има право на целосен откуп после истекот на позајмицата.

Српскиот фудбалски тренер Синиша Михајловиќ не е повеќе тренер на Болоња, пренесуваат од италијанскиот калчолигаш.

Михајловиќ е првиот тренер кој е сменет во италијанската Серија А оваа сезона. Како причина за прекин на соработката се наведува фактот што Болоња после првите пет натпревари има освоено само три бода.

Како кандидати за наследник на српскиот стручњак се споменуваат Роберто Де Зерби, Клаудио Раниери и Тијаго Мота.

Михајловиќ на клупата на Болоња во својот втор мандат помина три сезони.

Фудбалскиот клуб Лајпциг ја раскина соработката со тренерот на екипата Доменико Тедеско, после убедливиот пораз од Шахтјор во првиот натпревар од новата сезона во Лигата на шампионите.

Лајпциг на свој терен беше убедливо поразен од Шахтјор со 4:1, во натпревар од групата Ф во Лигата на шампините.

36-годишниот Тедеско беше тренер на Лајпциг од 9.декември минатата година, и со клубот успеа да го освои Купот на Германија, и се пласира во полуфиналето од Лига Европа каде загуби од Глазгов Ренџерс. 

Како најсериозен кандидат за нов тренер на Лајпциг се споменува бившиот тренер на Борусија Дортмунд, Марко Росе.

Марио Младеновски е нов фудбалер на Шкупи. 21-годишниот фудбалер доаѓа од Ботев Пловдив, и се враќа во македонскиот шампионат каде настапуваше за Македонија ЃП и за Вардар.

Младинскиот репрезентативец потпиша договор на две години со чаирскиот тим и ќе биде засилување на стоперската позиција, по заминувањето на Сенгор во Турција.

Минатата сезона Младеновски ја мина како позајмен во Македонија ЃП, и беше еден од заслужните за излезот во Европа на „лавовите“

Тренерот на Реал Мадрид изјави дека се надева оти најдобриот играч на мадридскиот клуб, Карим Бензема, не доживеа тешка повреда на натпреварот од првото коло во Лигата на шампионите против Селтик.

Реал во Глазгов славеше победа над Селтик со 3:0 во првото коло од групата Ф, а Бензема поради повреда мораше да го напушти дуелот во 30.минута.

„Не делува дека Бензема заработи сериозна повреда. Тој после враќањето во Мадрид ќа направи дополнителни тестови кои ќе ја разјаснат ситуацијата“, потенцира Анчелоти.

Фудбалерот на Јувентус, Данило, по вчерашниот минимален пораз на теренот на ПСЖ (2-1), нагласи, дека не биле реални проценките дека францускиот тим ќе има лесна задача против „старата дама“.

„Не гледам причини зошто требаше да биде лесен меч за ПСЖ. Денеска освен во воведните 20 минути, докажавме дека имаме карактер и квалитет. На наредниот меч треба да бидеме максимално фокусирани од првата минута. Не смееме да покажеме слабост“ – беа зборовите на Данило кој го одигра целиот натпревар на „Паркот на принцовите“.

Италијанскиот тим во второто коло ќе биде домаќин на Бенфика која вчера славеше против изралескиот состав Макаби Хаифа со 2-0.

Напаѓачот на Манчестер Сити, Ерлинг Халанд, својата одлична форма од Премиер лигата ја пренесе и на почетокот од новата сезона во Лигата на шампионите.

Норвежанецот постигна два гола на дуелот со Севиља на гостински терен, и стигна до бројка од 25 погодоци во ЛШ. Никој во историјата на ова натпреварување не постигнал 25 гола побрзо од Халанд, кој ова го оствари на 20 натпревари.

Халанд стана само четврти играч кој успеал да постигне гол на дебито за три различни клуба во Лигата на шампиони. Претходно имаше постигнато гол за Салцбург, Борусија Дортмунд , сега успеа да биде стрелец и за Манчестер Сити.

Поранешниот играч на битолски Пелистер Томе Китановски официјално се врати во својот матичен клуб и ќе биде големо засилување за екипата во новата сезона.

Китановски е офанзивен бек но може да настапува и на други позиции во тимот. Тој во Битола доаѓа од прволигашот Струга ТЛ.

Со неговото доаѓање во клубот, Пелистер ги зголемува своите амбиции во Втората македонска лига и се надева на брзо враќање во елитата.

Крилниот напаѓач на Манчестер Јунајтед, Ентони имаше повеќе од деби од соништата за „црвените ѓаволи“.

Го постигна првиот гол за успехот во дербито со Арсенал (3:1) и беше еден од најдобрите на теренот.

По натпреварот тој се огласи на социјалните мрежи за да ја сподели својата радост со навивачите.

„Каков неверојатен ден! Огромна благодарност до целиот персонал во Манчестер Јунајтед и моите соиграчи. Никогаш нема да го заборавам овој ден! Благодарам и на навивачите за топлото добредојде! Ајде да направиме повеќе од истото! Ова е само почеток! “ напиша Ентони.