Според последните информации, Челзи заврши работа околу ангажманот на Маурицио Покетино и наводно веќе кројат трансфер планови пред Аргентинецот да пристигне на „Стемфорд Бриџ“.

Почетино одработил веќе неколку рунди преговори со Челси, со приоритет на трансферите и наводно новиот сопственик на клубот, Тод Боли, му дал цврсто уверување дека ќе ги обезбеди првите 3-4 посакувани трансфери до средината на летото.

Како што брифираат медиумите на островот, Почетино од Боли го побарал Садио Мане од Баерн Минхен, кој во Германија не е задоволен и скоро извесно ја напушта Бундеслигата.

Сане е на добар пат да се врати во Премиерлигата, а освен во Челси, интерес за овој фудбалер има и од неговиот поранешен клуб Ливерпул. На крајот веројатно подобрата понуда ќе победи.

Освен Садио Мане, Почетино од сопственикот на Челзи побарал да ангажираат до средината од летото нов голмнан и централен дефанзивец.

Реал Мадрид сериозно се приклучи во трката за потписот на шпанскиот репрезентативец Дани Олмо, пренесуваат шпанските медиуми.

Олмо е дете на „Ла Масија“ од каде замина во Динамо Загреб, а веќе неколку сезони игра одлично во Лајпциг. Олмо има договор со Лајпциг до 2024 година, па Барселона го советува да не ја продолжува соработката и да пристигне на „Камп Ноу“ како слободен агент.

Меѓутоа, Лајпциг сака да избегне такво сценарио и ќе го стави Олмо на трансфер пазарот, а таквата ситуација сака да ја искористи Реал Мадрид.

„Кралевите“ сметаат дека Олмо ќе биде идеална замена за Асенсио и немаат проблем да платат 40 милиони евра, колку што бара Лајпциг за неговата слобода.

Време е за славје во Неапол. По 33 години успеаја да стигнат до титулата, играчите и стручниот штаб направија голем подвиг, иако никој не очекуваше пред почетокот на оваа сезона.

Еден од најважните луѓе во тој клуб е спортскиот директор Кристијано Џунтоли.

Овој човек создаде тим достоен за титулата и четвртфиналето во Лигата на шампионите, но време е да се збогува.

Џунтоли беше контактиран од Јувентус, при што ја прифатил понудата и сигурно е дека наскоро ќе седне во фотелјата на славниот клуб од Торино, а истовремено одби некои од англиските великани за да работи за Старата дама.

Според се, Џунтоли ќе биде заменет од спортскиот директор на Емполи, Пјетро Акарди.

Реал Мадрид во овие момети игра против Манчестер Сити во првиот натпревар од полуфиналето на Лигата на шампионите, а со таа средба тренерот на Реал, Карло Анчелоти испиша историја во најсилното европско натпреварување.

Тоа е 190-ти натпревар на Анчелоти на чело на некој клуб во Лигата на шампионите и со тоа го израмни рекордот на легендарниот Сер Алекс Фергусон. За разлика од Анчелоти, кој раководеше со неколку клубови, Фергусон ги направи сите 190 на клупата на Манчестер Јунајтед.

Зад нив се Арсен Венгер (188 натпревари), Пеп Гвардиола (158) и Жозе Мурињо (151).

Франк Кеси минатото лето пристигна во Барселона како големо засилување, но само после една сезона ќе го напушти „Камп Ноу“.

Кеси не е задоволен од третманот што го има во Барселона каде добива мала минутажа и главно е на клупата за резерви. Чави исто така смета дека Кеси не се вклопува во неговиот стил на игра, па Барселона го стави на продажба.

Тотенхем покажува силен интерес за играчот за врска и е спремен да понуди 25 милиони евра, колку што бара Барселона за неговата слобода.

Меѓутоа, најголема желба на Кеси е да се врати во Милан и смета дека погрешил што си заминал од „Сан Сиро“.

Неговиот агент веќе имал средба со Малдини, но Милан е спремен да го доведе само на позајмица.

Пјер Емерик Обамејанг минатото лето пристигна во Челзи од Барселона, но неговата авантура на „Стенфорд Бриџ“ ќе трае кратко.

Тој дојде во Челзи по барање на Тухел и не добива голема минутажа оваа, па сигурно ќе ја промени средината на крајот на сезоната. Интерес за него покажуваат италијанскиот гигант Интер кој сака да ја искористи ситуацијата и да го доведе во своите редови.

Обамејанг на лето влегува во последната година од договорот, па Челзи е спремен да го пушти за симболична сума

Напаѓачот е спремен да се врати во Серија А, а Интер во него гледа идеална замена за Лукаку.

Фудбалскиот клуб Нант на четири кола пред крајот на шампионатот реши да го смени тренерот Антоан Комбуаре.

Од клубот соопштуваат дека функцијата прв тренер привремено ќе ја преземи Пјер Аристуј кој досегаше го водеше резервниот тим на Нант.

Францускиот клуб во моментот е на позицијата број 17 во првата француска лига и се наоѓа во зоната за испаѓање. Нант оваа сезона стигна до финалето во купот на Франција каде беше поразен од Тулуз со 5:1. Екипата нема победа на претходните 11 лигашки натпревари и до крајот на сезоната ја очекува голема борба за опстанок.

Серхио Бускетс веќе решил да ја напушти Барселона и го информирал клубот за својата одлука, тврди шпанскиот весник „Марка“.

Договорот на 34-годишниот играч за врска истекува на крајот на сезоната, а Барселона сакаше да го задржи уште една сезона. Тренерот Чави настојуваше Бускетс да го продолжи договорот бидејќи смета дека може де биде многу важен за тимот и следната сезона.

Сепак, тој донесе одлука да го напушти клубот на крајот на сезоната, а тоа само дополнително ги засили шпекулациите дека кариерата ќе ја продолжи во Саудиска Арабија заедно со Меси.

Бускетс е дете на Барселона и цели 15 години ги помина во првиот тим на Каталонците.

Менаџерот на Астон Вила, Унаи Емери  сака да го доведе шпанскиот репрезентативец и дефанзивец на Виљареал, Пау Торес.

25-годишниот Шпанец се етаблираше во еден од најдобрите дефанзивци во Примера и го привлече вниманието на многу европски гиганти.

Емери одлично го познава бидејќи соработуваа заедно во Виљареал и сака да го доведе во Астон Вила, а англискиот клуб спремил понуда од 30 милиони.

Јувентус исто така покажува серозен интерес за Шпанецот, но Торес преферира преселба во Премиер лигата. Торес минатото лето беше на мета на Манчестер Јунајтед, но сепак остана во Виљареал, а ова лето е спремен да ја промени средината.

Вест Хем ќе ја разгледа можноста за купување на играчот од средниот ред на Олимпик Марсеј, Матео Гендузи. Клубот од Лондон внимателно го следи играчот и ги разгледува опциите како замена за нивниот играч Деклан Рајс, пренесува „Атлетик“.

Според изданието, Рајс, чиј договор со лондонскиот клуб истекува за една година може да замине во друг клуб, а интерес за него има од неколку клубови од Премиер лигата, меѓу кои Арсенал, Њукасл Јунајтед и Манчестер Јунајтед. Во случај на заминување на Рајс, на стручниот штаб на Вест Хем ќе му биде потребен централен играч за врска. Гендузи е соодветен кандидат да го замени миленикот на лондончани, бидејќи веќе има искуство во Премиер лигата и во тим од англиската престолнина.

Во летото 2018 година, францускиот играч од средниот ред се пресели од Лориент во Арсенал. Во шампионатот на Англија во две сезони успеа да одигра 57 натпревари и забележа две асистенции. Договорот на 24-годишниот фудбалер со Марсеј е до 2025 година. Трансфермаркт го цени играчот на 25 милиони евра.