Maрк Бернал играше одлично под водство на Ханси Флик во Барселона, но 17-годишникот немаше среќа и пред еден месец заработи тешка повреда поради која ќе паузира до крајот на сезоната.

Младиот дефанзивен играч за врска ова лето беше приклучен на сениорскиот тим и ги стартуваше првите три натпревари од сезоната во кои Барселона забележуваше победа. Кон крајот на август Бернал се повреди ви дуелот со Рајо Ваљекано.

Бернал ги скина лигаментите на левото колено и го чека пауза од околу девет месеци и најрано би можел да настапи во некој од последните натпревари во сезоната, сепак и тоа е малку веројатно.

Сепак, Барселона покажала дека не ја изгубила довербата во него и му дала нов договор со важност до 2029 година и откупна клазула од дури 500 милиони евра, објави Фабрицио Романо.

Според информациите на каталонските медиуми, Лионел Меси нема да ја заврши кариерата во тимот на Интер Мајами.

Каталонскиот „Ел Насионал“пренесува дека Меси пред да се повлече од фудбалот ќе одигра барем една сезона во дресот на Њуелс Олд Бојс од Аргентина каде што започна во младинските категории пред го доведе Барселона.

Најавите се дека вакво нешто можеби би се случило по Светското првенство во 2026 година. Меси сега има 37 година и влегува во залезот на кариерата, но и порача дека има желба да игра со Аргентина Мундијалот кој следи за две години.

Синоќа по завршувањето и на последните два меча од третото коло на Карабао Купот во Англија, беа извлеченидвојките за осминафиналната фаза. Дербито на рундата ќе го одиграат премиерлигашите Тотенхем и Манчестер Сити, чиј домаќин ќе биде лондонскиот гигант. Интересно ќе биде и на дуелот меѓу носителот на Лига куп трофејот Ливерпул и премиерлигашот Брајтон, меч кој ќе се одигра на теренот на „галебите“.

Манчестер Јунајтед во оваа рунда ќе му гостува на Лестер, додека Кристал Палас гостува кај Астон Вила.

Брентфорд – Шефилд Венздеј

Саутемптон – Стоук

Тотенхем – Манчестер Сити

Вимблдон/Њукасл – Челзи

Брајтон – Ливерпул

Престон – Арсенал

Астон Вила – Кристал Палас

Поранешниот српски фудбалски репрезентативец Зоран Тошиќ и
потврди дека заминува во фудбалска пензија. 38-годишниот
Тошиќ го најави своето заминување од фудбалот на социјалните
мрежи.
„За жал, на сите добри работи еден ден им доаѓа крајот. Се
надевав дека овој момент никогаш нема да дојде, но сега сум
сигурен дека е време да ја завршам мојата фудбалска кариера“,
напиша популарниор „Бамби“.
Тошиќ последната сезона ја помина како фудбалер на Ламија на
Кипар. Претходно настапуваше за бројни европски екипи, меѓу
кои и за Манчестер Јунајтед и ЦСКА од Москва. За селекцијата на
Србија одигра 76 меча.

Официјалната веб-страница на шпанската екипа Севиља го
објави продолжувањето на договорот со главниот тренер на
тимот, 50-годишниот Хавиер Гарсија Пимиента, кој ги презеде
Андалузијците во јули 2024 година. Во информацијата се вели
дека новиот договор со тренерот ќе важи до 2027 година.
Под водство на Гарсија Пимиента, Севиља одигра седум
натпревари во шпанската Ла Лига, на кои освои осум бода, две
победи, двапати ремизираше и три загуби. Во актуелниот поредок
во Примера, Андалузијците се на 12. место.
Според клупската прес-служба, продолжувањето на договорот со
главниот тренер на играчите и стручниот штаб го најави
претседателот на Севиља, Хозе Марија дел Нидо Караско синоќа
по домашната победа во мечот од 7. коло од Примера со
Ваљадолид.

Медиумите во Германија наведуваат дека Баерн (Минхен) во
наредното лето ќе се обиде да го ангажира напаѓачот на Баер
Леверкузен, Флоријан Вирц, кој има трансферна сума од 150
милиони евра.
Баварците сакаат да го засилат нападот но, дефинитивно ќе мора
да ја победат конкуренцијата за да дојдат до потписот на Вирц. За
младиот голгетер се заинтересирани и Реал Мадрид, Манчестер
Сити и Арсенал.
Фудбалерот на „фармацевтите“ неодамна, изјави, дека сака да
игра во клуб кој има шанса да ја освои Лигата на шампионите.

Првото сезонско дерби помеѓу Реал Мадрид и Барселона ќе се одигра на 26 октомври од 21:00 часот.

Ова стана јасно откако Ла Лига по денови и часови ја објави програмата за следните неколку кола од шампионатот, вклучително и онаа од 11 коло за кога е закажано Ел Класико.

Натпреварот на „Сантијаго Бернабеу“ во саботниот вечерен термин, а пред директниот дуел Реал Мадрид и Барселона треба да одиграат уште четири натпревари во првенството, како и два во Лигата на шампионите.

Напаѓачот на Реал Мадрид, Килијан Мбапе се повреди на натпреварот од 7. коло од шпанската Примера лига со Алавес, кој заврши со победа на Реал Мадрид со 3-2.

Да потсетиме дека на овој натпревар напаѓачот постигна гол и побара замена во 80. минута од натпреварот.

Според информациите на шпанските медиуми, францускиот напаѓач има проблеми со тетивата. Неговото учество на мечот со Атлетико Мадрид сега е доведено во прашање. Реал Мадрид е загрижен за моменталната ситуација.

Врз основа на резултатите од седум натпревари, Реал Мадрид е на второто место во поредокот во Ла Лига со 17 бодови. Во моментов, Барселона е на првото место во шпанското првенство со 18 бодови, а вечерва игра против Гетафе.

Каталонскиот „Спорт“ најавува дека македонскиот чувар на мрежата, Столе Димитриевски е опција за Барселона по повредата на Тер Штеген кого го чека долга пауза.

Тер Штеген се повреди во натпреварот со Виљареал за викендот и според најавите веројатно ќе паузира околу осум месеци.

Димитриевски е опција за во јануари, но се споменуваат уште Алваро Ваљес и Ѓиљерме Растес. Во Барселона планираат Инаки Пења да го чува голот до јануари, а по отворањето на зимскиот преоден рок да ангажираат ново име.

Ќе потсетиме, Димитриевски летово пристигна во Валенсија, но се уште не дебитирал во Ла Лига бидејќи е резерва на Грузиецот, Мамардашвили.

Тренерот на Партизан, Александар Станојевиќ поднесе оставка по дебаклот против Црвена Звезда во 174. дерби.

„Веднаш по поразот во вечното дерби против Црвена звезда (4:0), тренерот на Партизан Александар Станојевиќ поднесе оставка од таа функција“. пишува српски „Телеграф“.

Пред четири месеци Станојевиќ се врати на клупата на црно-белите кога го наследи Игор Дуљај.

Станојевиќ по дербито се најде на мета на навивачите, кои најпрво скандираа да си замине од клубот, а по мечот се здоби со повреда кога бесните навивачи ги сршија стакланата на соблекувалната.

Со Станојевиќ, Партизан нема победа на последните осум натпревари, што последен пат му се случило пред 44 години.