Напаѓачот на Баерн, Садио Мане е привремено суспендиран од првиот тим по тепачката со Лерој Сане, информираше „Билд“.

Според изворот, денеска, управата на Баерн имала разговор со играчите кои започнале тепачка по убедливиот пораз во натпреварот од Лигата на шампионите со Манчестер Сити (0-3). Мане ја призна вината и рече дека ќе ја разбере секоја одлука на раководството. И покрај ова, Сенегалецот беше отстранет од главниот тим. Претходно беше објавено дека Баерн разгледува три главни опции за казна за Мане: парична казна, суспензија и разделба со играчот. Самиот Мане денеска веќе пристигна во тренинг центарот во Минхен. Забележано е дека играчот бил добро расположен и се насмевнал. Баерн денеска го очекува Мане да му се извини на тимот.

Да потсетиме, Мане го удри во лице својот соиграч Лерој Сане по четвртфиналниот натпревар од Лигата на шампионите со Манчестер Сити, по што Сане имаше посекотина на усната.

Колумбиецот во септември дојде како слободен играч во Атина, но Олимпијакос одлучи сега да го раскине договорот со Колумбиецот. Не е тајна дека Родригез и во овој клуб имаше проблеми, со неговиот темперамент правеше проблеми.

Олимпијакос му се заблагодари и му посака се најдобро во понатамошната кариера. Кариерата на Родригез веќе неколку години е во пад и вистинско прашање е каде сега ќе заигра по оваа неславна епизода.

За Олимпијакос постигна пет голови и додаде шест асистенции.

Барселона и Интер би можеле да направат голема трампа на лето.

Барселона го обновила интересот за Марсело Брозовиќ и сака да го донесе на лето. Брозовиќ има лоша сезона па Интер сака да се ослободи од неговата висока плата и е спремен да прифати трампа.

Уште во јануари двата клуба преговараа за евентуална трампа во која што требаше да биде вклучен Франк Кеси, но сега Интер покажува сериозен интерес за Ансу Фати.

Фати не е задоволен од својот статус и сака да ја промени средината, а Интер покрај Брозовиќ е спремен да плати и одредена сума во кеш.

Милан покажува силен интерес за нигерискиот напаѓач од Виљареал, Самуел Чуквуезе, пренесува „Калчомеркато“.

23-годишниот крилен напаѓач минатата сезона беше хит во Лигата на шампиони, а и оваа сезона игра одлично во дресот на Виљареал. Чуквуезе сака да направи чекор напред во кариерата и ова лето да ја промени средината, а неколку европски гиганти се заинтересирани за неговиот потпис.

Милан сака да ја победи конкуренцијата бидејќи е во потрага по десно крило и смета дека Чуквуезе одлично ќе се вклопи во стилот на Пиоли.

Нигериецот оваа сезона има постигнато 13 гола и 11 асистенции, а Виљареал за неговата слобода бара 40 милиони евра.

Садио Мане сака да го напушти Баерн Минхен по само една година!

Мане не ги исполни очекувањата, а посебно не е во форма по тешката повреда пред Мундијалот во Катар. Откако се врати во 2023 година во главно влегува од клупата за резерви и на девет натпревари не постигна гол, забележа само една асистенции.

Медиумите пишуваа и дека влегол во жесток конфликт со Лерој Сане по поразот од Манчестер Сити, наводно дури и го удрил (тука).

Денес по овој инцидент се појави информација дека соблекувалната на Баерн била многу изненадена од неговиот потег бидејќи никој не очекувал дека така може да реагира. Новинарот Флоријан Плетенберг кој важи за добро информиран кога во прашање е Баерн не очекува Мане да остане во клубот и наредната сезона.

„Баерн Минхен едноставно не може да прифати такво однесување. Обичната казна не е доволна, клубот сака да постави пример и предупредување за останатите. Со Тухел сакаа да добијат тренер кај кого ваквите работи нема да бидат можни. Чисто се сомневам дека Мане има иднина во Минхен и наредната сезона“, објави Плетенберг.

Бундеслигашот Ајнтахт од Франкфурт соопшти дека јапонскиот фудбалер Даичи Камада по истекот на договорот на крајот од сезоната ќе го напушти клубот.

“Би сакале Даичи да остане во Ајнтрахт, но тоа не се поклопи со неговите интереси. Му благодариме на неговата посветеност и му посакуваме се најдобро во идните планови“, порачуваат од Ајнтрахт.

Камада е играч на тимот од Франкфурт од 2017.година и на 38 натпревари има постигнато 13 голови. Тој беше дел од екипата која минатата сезона ја освои Лига Европа.

Камада е репрезентативец на Јапонија, и на минатото Светско првенство во Катар ги одигра сите четири натпревари.

Жан-Кевин Огустен треба да добие 24,5 милиони фунти од Лидс, одлучи ФИФА. Французинот беше позајмен на Лидс од Лајпциг во јануари 2020 година. Тој одигра три натпревари за тимот и се врати во германскиот клуб на почетокот на јули. Подоцна се дозна дека Лидс бил обврзан да го купи играчот во случај на трансфер од Чемпионшип во Премиер лигата – според резултатите од сезоната 2019/20, токму тоа се случи. Англискиот клуб инсистираше дека договорот е со важност до 30 јуни 2020 година, додека поради пандемијата на коронавирус сезоната продолжи и по овој период, а промоцијата всушност беше остварена дури на 17 јули.

Жалбата на Лајпциг до ФИФА беше уважена, Судот за спортска арбитража исто така застана на страната на германскиот тим и му наложи на Лидс да плати 21 милион евра (18,4 милиони фунти). На крајот, страните се договорија да го решат конфликтот со 15,5 милиони фунти.

Самиот Огустен, исто така, одлучи да поднесе барање до Комората на ФИФА за решавање на спорови и делумно беше задоволен. Износот на обештетувањето што Лидс е должен да го плати одговара на платата на играчот за пет години (околу 90 илјади фунти неделно).
Лидс поднесе жалба, но одби да коментира за текот на постапката.
Сега Огустен игра за Базел и постигна три гола на 12 натпревари во швајцарското првенство.

Роберт Левандовски, откри дека има проблеми со грбот по сударот со Едер Милитао за време на дуелот против Реал Мадрид во Купот на Шпанија. Полскиот репрезентативец очекува да биде целосно подготвен за неделното гостување на Каталонците кај Хетафе во Примера, но призна дека одиграл со сериозни болки против Џирона во претходнотo kolo

За време на натпреварот со Реал Мадрид на „Камп Ноу“, Левандовски падна на теренот откако Милитао го удро во грб, но сепак ги одигра сите 90 минути против Џирона во понеделникот.

„Добив удар против Реал, но секогаш сакам да играм. Второто полувреме беше многу тешко. Морав да побарам промена. Кога се разбудив наутро, не можев да одам. Но, ние работиме со физиолози и секогаш се трудам да бидам подготвен за натпреварите. Доброто е што ќе бидам подготвен за нашиот следен натпревар“, изјави Роберт Левандовски за шпанскиот весник „Мундо Депортиво“.

Шпанските медиуми објавија дека фудбалерот на Реал Мадрид и хрватски репрезентативец Лука Модриќ, ја одбил понудата од 60 милиони евра од еден саудиски клуб бидејќи сака кариерата да ја продолжи во „кралскиот клуб“.

Капитенот на Хрватска има договор со Реал до крајот на сезоната, но тој уште нема добиено понуда за продолжување на истиот.

Лука Модриќ белиот дрес на тимот од Мадрид го носи од 2012.година, каде пристигна од премиерлигашот Тотенхем. Тој во клубот годишно заработува околу 10 милиони евра.

Според информациите, Модриќ неодамна одлучил лично да ги извести челниците на Реал дека ја одбил понудата од Саудиска Арабија.

Роберто Фирмињо на лето ќе биде слободен агент и веќе ја започнал потрагата по нов клуб.

Актуелниот договор на Бразилецот истекува на крајот на сезоната и Бразилецот донесе одлука да замине како слободен агент. Интерес за него покажуваат неколку клубови ширум Европа, а сега во трката се приклучи и Реал Мадрид.

„Кралевите“ бараат напаѓач кој ќе биде алтернатива за Бензема, па веруваат дека Фирмињо идеално ќе се вклопи во таа улога.

Бразилецот е искусен, но се уште може да игра на највисоко ниво, па Реал наскоро ќе стапи во контакт со неговиот агент.