Каталонскиот весник Спорт пишува дека играчот на Барселона Мемфис Депај својата кариера ќе ја продолжи во Јувентус. 

Холандскиот фудбалер стана вишок во тимот од Камп Ноу после доаѓањето на Роберт Левандовски од Баерн Минхен.

Од Јувентус планираат најпрво да го доведат Депај на позајмица во претстојната сезона, а потоа ќе имаат право за откуп на неговиот договор за сума од 20 милиони евра.

Мемфис Депај во Барселона пристигна минатата сезона од Лион како слободен играч, а за каталонците постигна 13 гола на 37 натпревари.

Женската фудбалска репрезентација на Англија ја освои титулата на Европското првенство, откако во финалето после продолженијата ја совлада Германија со 2:1.

Англија беше домаќин на ова првенство, а во финалето на Вембли англичанките поведоа во 62.минута, а германките го израмнија резултатот во 79.минута, па така натпреварот во регуларниот дел заврши 1:1. Победата и титулата европски првак Англија ја обезбеди со голот во 110.минута.

Натпреварот на Вембли го следеа 87.192 навивачи, што е рекорд на едно финале во машка и женска конкуренција.

Германскиот магазин Кикер, пренесува дека фудбалерот на Лајпциг и француски репрезентативец, Кристофер Нкунку е прогласен за најдобар играч во Бундеслигата за минатата сезона, по избор на германските спортски новинари.

Францускиот напаѓач на првото место доби 134 бода, втор беше Роберт Левандовски со 128, а третото место му припадна на голманот на Ајнтрахт, Кевин Трамп.

Нкунку минатата сезона во Бундеслигата одигра 34 натпревари, постигна 20 гола и имаше 13 асистенции.

Лионел Меси немаше разделба со Барселона каква што се очекуваше, поради финансиската ситуација тој изненадувачк и неочекувано мораше да си замине. Во Барселона сепак сонуваат за негово враќање, а таква желба има и претседателот Жоан Лапорта.

„Се чувствувам должен кон Меси. Сакам да ја заврши кариерата во Барселона и со стоечки овации да го одигра последниот натпревар. Верувам дека може тоа да се случи“, изјави Лапорта.

Сепак, јасно е дека ако се случи такво нешто тоа ќе биде по истекот на неговиот договор со ПСЖ, ова лето тоа е невозможно.

Пол Погба на големо се врати во Јувентус, но тешко се повреди уште пред неговото камбек деби во дресот на „старата дама“. Французинот го повреди коленото. Можеби ќе треба да оди на операција, а сигурно ќе има долга пауза поради која може да го пропушти Светското првенство во Катар.

Немаат многу време во Јувентус, за две недели почнува сезоната во Серија „А“, а „дупката“ создадена по повредата на Погба мора да се пополни.

Срамежливо се споменуваше доаѓањето на Сергеј Милинковиќ Савиќ, но Србинот во моментов е прескап за „црно-белите“, Лацио бара 70.000.000 евра кои „бјанконерите“ во моментов ги немаат.

Поевтина и реална опција на која Јуве се надева е играчот од средниот ред на Наполи, Фабијан Руиз. Италијанските медиуми пишуваат дека клубот од Торино ја подготвува првата официјална понуда за 26-годишниот Шпанец, чиј договор со „небесносините“ истекува следното лето.

Новиот фудбалер на Барселона, Роберт Левандовски изјави дека не сака новинарите да го споредуваат со напаѓачот на Реал, Карим Бензема, пренесуваат шпанските медиуми.

Левандовски пристигна во Барселона пред две недели од Баерн Минхен. Некои од медиумите во Шпанија тврдат дека Бензема и Левандовски ќе се борат за титулата најдобар стрелец во Ла Лига.

“Бензема е извонреден играч. Тоа го покажа минатата сезона во ЛШ кога со Реал ги елиминира ПСЖ, Челзи и Манчестер Сити. Тој во Ла Лига игра 10 или 12 сезони, незнам точно. Бензема со сигурност е еден од најдобрите играчи на светот. Мене ме чека ново искуство во шпанското првенство и не сакам во овој момент да се споредувам со Бензема“, изјавува Левандовски.

Претседателот на фудбалскиот клуб Барселона, Жоан Лапорта, му порача на Баерн Минхен дека треба да си ја погледнат својата банкарска сметка и да ги видат парите кои се таму од трансферот на Роберт Левандовски.

Ова беше одговор од Лапорта на изјава на тренерот на Баерн, Јулијан Нагелсман, на кого не му било јасно како клуб како Барса кој се бори со дoлгови има пари за големи трансфери.

Баерн се засили со Левандовски кого го купи од Баерн Минхен за сума од 45 милиони евра.

„Би им порачал на луѓето од Баерн да ја погледнат својата банкарска сметка. Таа важна сума е таму поради Левандовски. Тие не ја имаат добро проценето Барселона. Ние се вративме на фудбалскиот пазар. Снагата и вредноста на нешто што има 122 години историја е големо“, изјавува Лапорта.

Напаѓачот на Интер, Алексис Санчез е блиску до трансфер во Марсеј, пренесуваат италијанските медиуми.

„Нероаѕурите“ сакаат да го намалат буџетет за плати, а Санчез е еден од најплатените фудбалери во тимот. Поради тоа италијанските медиуми тврдат дека Интер е спремен да му плати бонус за раскинување на договорот.

Италијанските медиуми пренесуваат дека Санчез конечно нашол клуб со кој постигнал договор и сега е спремен да го раскине договорот со Интер. Санчез ќе добие 4 милиони евра за раскинување на соработката, а во Марсеј ќе добие плата од 3,5 милиони евра по сезона.

Катар ќе биде првата азиска земја во која ќе се одржи едно Светско првенство, а овој Мундијал ќе биде посебен и по тоа што ќе се одржи во ноември и декември. За Катарците ова е голема во најдобро светло да се претстават пред домашната публика, па така тие уште сега ги стартуваат подготовките што секко е неевобичаено. Селекторот на Катар, Феликс Санчез избра состав од 27 фудбалери кои ќе поминт дури шест месеци заедно во тренинг кампот пред Мундијалот.

Прват фаза од подготовките ќе биде во Шпанија, а потоа втората во Австрија каде што ќе одиграат неколку пријателски натпревари. За многумина ваквите подготовки може да имаат и негативен ефект затоа што играчите ќе бидат предолго заеднно и нема да играат други натпревари.

Но, треба да се потсети дека Јужна Кореја пред СП 2002 се подготвуваше на сличен начин, тогаш играчите на оваа селекција беа пет месеци во камп за подоцна да стигнат до полуфиналето на Мундијалот на кој беа коорганизтори.

Катар на СП ќе игра во група со Еквадор, Сенегал и Холндија.

Тренерот на Манчестер Сити, Пеп Гвардиола, порачува дека во претстојната сезона на Премиер лигата, за шампионскиот пехар ќе се борат повеќе екипи.

Во претходните три сезони два евидентни фаворити кои се тркаа за титулата беа Манчестер Сити и Ливерпул, додека останатите клубови не беа голема закана.

За време на летниот период повеќе екипи меѓу кои Арсенал, Тотенхем, Манчестер Јунајтед, Челзи, значително ги засилија своите тимови, но Гвардиола не сака да даде конкретен одговор кој ќе биде најголемиот ривал на Сити во трката за титулата. Тој само очекува дека оваа сезона повеќе клубови имаат реални шанси за подигање на трофејот.