Легендарниот тренер на Манчестер Јунајтед Сер Алекс Фергусон, се врати во клубот од Олд Трафорд, каде од следната сезона ќе има советодавна улога, пренесуваат англиските медиуми.

Фергусон се враќа на официјална функција во клубот после девет години, а поканата за негов ангажман стигна од извршниот директор на Јунајтед, Ричард Арнолд.

Сер Алекс ќе дава совети во врска со сите аспекти на работата на клубот каде како тренер освои 38 трофеи, од кои 13 трофеи во Премиер лигата и две Лиги на шампиони.

Валенсија започна преговори со италијанскиот напаѓач Андреа Белоти за трансфер како слободен играч. Првиот понуден личен договор е до 2025 година со опција за продолжување на уште една година, објави новинарот Николо Шира на Твитер.

Според изворот, главниот тренер на Валенсија, Џенаро Гатузо е љубител на напаѓачот уште од времето во Палермо. Исто така, Италијанецот беше подготвен да го купи овој играч кога беше на чело на Милан.

Андреа Белоти е без клуб откако во јуни оваа година му истече договорот со Торино. Минатата сезона во Серија А, напаѓачот одигра 22 натпревари на кои постигна 8 гола и 1 асистенција. Во 2017 година Белоти беше на радарот на многу врвни клубови во Европа, но управата на Торино побара околу 100 милиони евра за играчот, кои гигантите одбија да ги платат.

Калум Хадсон-Одои би можел да го напушти Челзи ова лето. Лондончани се подготвени да се разделат со 21-годишниот фудбалер. Хадсон-Одои е надвор од плановите на менаџерот на Челси, Томас Тухел и клубот доби профитабилна понуда за него, тогаш управата нема да го задржи играчот.

Калум Хадсон-Одои можеше минатото лето да замине на позајмица во Борусија Дортмунд, но Тухел не го пушти Англичанецот во својот поранешен клуб. Играчот од средниот ред минатата сезона одигра 23 натпревари во Премиер лигата, постигнувајќи два гола и пет асистенции. Договорот на Хадсон-Одои со Челзи е до летото 2024.

Порталот „Трансфермаркт“ ја проценува вредноста на играчот на 25 милиони евра.

Мемфис Депај им кажал на играчите на Барселона дека нема да го напушти каталонскиот клуб, пренесува „Диарио Спорт“.

28-годишниот Холанѓанец се сврте кон соиграчите во соблекувалната и рече:

„Ќе останам дури и ако потпишат уште шест напаѓачи“.

Депај е изненаден од однесувањето на управата на Каталонците откако минатото лето дојде во клубот како слободен играч и направи значително намалување на платата.

Во исто време, Мемфис Депај има намера целосно да го исполни неговиот договор кој е со важност до 30 јуни 2023 година. Минатата сезона тој постигна 13 гола и направи две асистенции на 37 натпревари за Барселона во сите натпреварувања.

Фудбалската федерација на Македонија, известува дека добило писмено известување од фудбалскиот клуб Ренова во кое се потврдува одлуката за откажување од настапот во Првата македонска лига за сезоната 2022/23.

После откажувањето на Ренова, македонскиот фудбалски шампионат ќе брои 11 екипи, па во секое коло еден тим ќе биде слободен.

Прва слободна екипа на почетокот од новото првенство ќе биде Македонија ЃП која требаше во првото коло да игра против Ренова.

21-годишниот белгиски играч од средниот ред на Бриж, Шарл де Кетелар е се поблиску до Милан.

Преговорите меѓу двата клуба се во завршна фаза, а се очекува „росонерите“ да платат 35 милиони евра плус бонуси.

За да го забрза преговарачкиот процес, самиот фудбалер направи отстапки за висината на платата и наместо 2,5 милиони евра, ќе зема 2,2 милиони.

Неговиот договор се очекува да биде до летото 2027 година.

Денеска со жрепка се одредени двојките за првото коло од фудбалскиот Куп на Македонија Meчевите ќе се одиграат на 14 септември.

БЕЛАСИЦА – ШКУПИ 1927

ГОСТИВАР – ПЕЛИСТЕР

ТЕТЕКС –  АКАДЕМИЈА ПАНДЕВ

СЛОГА 1934 – БРЕГАЛНИЦА 2008

КАМЕНИЦА САСА – ВАРДАР

КОЖУФ ГЕВГЕЛИЈА – ТИКВЕШ 1930

ВАРДАР НЕГОТИНО – СТРУГА ТРИМ Љ УМ

КАРБИНЦИ – ПОБЕДА

ЗАЈАЗИ – ВОСКА СПОРТ

ФОРТУНА – БОРЕЦ 1919

ЉУБОТЕН – РЕНОВА

БВК КОЊАРИ – РАБОТНИЧКИ

ЦРНО БУКИ ЗЛ – СКОПЈЕ

КАРАОРМАН 2017 – ШКЕНДИЈА

Бранителот на трофејот, Македонија Ѓорче Петров и минатогодишниот финалист Силекс се слободни од првата фаза.

Манчестер Сити на стартот на сезоната ќе остане без Ајмерик Лапорт. Шпанскиот репрезентативец го оперирал коленото, откри менаџерот на „граѓаните“ Пеп Гвардиола.

„Тој е аут за август, најверојатно во септември ќе почне да тренира со тимот. Засега добро се развива, но мора да бидеме внимателни поради коленото. Потребно е време“, вели менторот.

Запрашан за другите нови засилувања и особено за Марк Кукуреља, Гвардиола одговори: „Тој е играч на Брајтон. Ако е можно, ќе донесеме уште еден играч. Ако не може, остануваме вака. Жоао Кансело може да игра на левата страна на одбраната, како и Нејтан Аке. Никогаш не се жалам за составот. Понекогаш трансфер прозорецот диктира што да правите. Првата сезона сакавме да земеме играчи на позајмица и не можевме да добиеме никого. Оваа сезона не знам што се случи, но во првите неколку недели ја завршивме работата“.

Пеп рече дека не очекува на новите засилувања Ерлинг Халанд и Калвин Филипс да им треба време да се прилагодат. Утре, Сити се соочува со Ливерпул во битка за „Комјунити Шилд“.

Фудбалерите на Вардар и на Пелистер кои се главните претенденти за челните позиции во втората фудбалска лига во наредната сезона, во првото коло ќе бидат во улога на гости.

„Црвени црните“ на 13 август ќе играат против Аресими додека Битолчани ќе се појават на теренот на Кожув. Еве ги компелтните двојки за првата рунда.

АРЕСИМИ – ВАРДАР

КОЖУВ – ПЕЛИСТЕР

ПЕХЧЕВО – ГОСТИВАР

ОХРИД – ТЕТЕКС

ДЕТОНИТ – БЕЛАСИЦА

КАРАОРМАН – ВОСКА

БОРЕЦ – СЛОГА ВИНИЦА

САСА – БЕСА

Според информациите во шпанските медиуми, европскиот првак Реал Мадрид е заинтересиран за услугите на напаѓачот Тимо Вернер.

Германецот кој е член на Челзи и каде пристигна како големо засилување во 2020 година, не се наметна во тимот и не ги оправда големите очекувања.  

Тренерот на Реал, Карло Анчелоти, би сакал да го ангажира Вернер, и се надева дека би можел да биде засилување за нападот кој е предводен од Карим Бензема.