Спортските портали во Шпанија пренесуваат дека Реал Мадрид ќе започне преговори со дефанзивецот на Шахтјор Доњецк, Додо.

Според написите, мадридскиот клуб го смета 23-годишниот Бразилец како опција за засилување на десното крило на одбраната и потенцијална замена за Даниел Карвахал.

Се очекува Реал Мадрид да достави понуда за играчот во текот на летниот трансфер период.

Во сезоната 2021/22, Додо запиша 26 натпревари за Шахтјор со 4 асистенции. Вредноста на играчот се проценува на 20 милиони евра.

Иако повеќе од 7 милиони фунти влегоа во клупската каса за освојување на Суперкупот на Европа и Светското клупско првенство, фудбалерите на Челзи нема да добијат ниту фунта плус на плата.

Тие според договорот ќе добијат финансиски награди само во случај на триумф во Премиер лигата, Лигата на шампионите, Фа купот и Лига купот.

Победата над Палмеирас во Абу Даби им донесе на „сините“ донесе 3,6 милиони фунти додека Суперкупот на УЕФА беше вреднуван со 3,7 милиони.

Фудбалерот на Милан, Алесандро Флоренци, кој настапува како позајмен од неговиот матичен клуб – Рома, сака да потпише перманентен договор со „росонерите“, објавија денеска дел од медиумите во Италија.

Според наведеното, Милан ќе може да го купи десниот бек во април или мај за околу 4,5 милиони евра.

30-годишниот фудбалер во тековната сезона е еден од најстандардните во составот на Стефано Пиоли.

Весникот „Газета дело спорт“ излезе со тврдење дека италијанскиот шампион Интер е подготвен на лето да се раздели со својот напаѓач Лаутаро Мартинез. 

Аргентинецот претходниов период беше побаруван од доста клубови, посебно од Арсенал, но во меѓувреме западна во голгетерска криза и нема постигнато гол од игра од почетокот на 2022 година.

Поради оваа причина „нероазурите“ се подготвени да го продадат по крајот на сезоната. Весникот додава дека на Аргентинецот друштво би можел да му прави и Алексис Санчез, кој исто така може да биде продаден.

Интер веќе идентификуваше тројца напаѓачи кои ќе го заменат Мартинез. Една од главните цели е Џанлука Скамака од Сасуоло. Италијанскиот шампион е заинтересиран и за Пауло Дибала од Јувентус и Џонатан Давид од Лил.

Диого Жота со сигурност нема да настапи на натпреварот на Ливерпул против Норвич Сити в сабота, но од клубот се уште чекаат дополнителни информации за сериозноста на неговата повреда на скочниот зглоб. Португалецот беше изваден од игра на полувремето од дуелот со Интер во Лигата на шампионите, кој Ливерпул го доби со 0:2. 

Тренерот на екипата даде одговор на новинарски прашања за време на редовната прес-конференција пред натпреварот.

„Жота нема да биде достапен за овој натпревар, бидејќи се уште не е јасно каква е неговата состојба. Ни требаат повеќе информации. Има некои проблеми со лигаментите околу глуждот на ногата. Се е можно во овој момент, но мора да почекаме“, изјави Клоп.

Родриго де Пол минатото беше на мета на многу европски гиганти и се одлучи кариерата да ја продолжи во Атлетико Мадрид.

„Јорганџиите“ за неговиот потпис на Удинезе му платија 35 милиони евра и Аргентинецот се очекуваше да биде големо засилување.

Меѓутоа Де Пол не се снајде баш најдобро во Мадрид, нема голема минутажа и би можел на крајот на сезоната да се врати во Серија А. Имено, Милан и Јувентус се силно заинтересирани за Аргентинецот и сакаат да го донесат во своите редови.

Де Пол е отворен да се врати во Серија А, бидејќи не е задоволен во Атлетико Мадрид.

Прашање е дали дефанзивецот на Њукасл, Киран Трипие, повторно ќе заигра за тимот до крајот на сезоната, откако беше опериран поради здобиена скршеница на стапалото, само неколку недели откако му се приклучи на клубот.

Англискиот десен бек заработи скршеница на коска на левото стапало при победата од 1-0 над Астон Вила во рамките на Премиер лигата. 31-годишниот играч имаше клучна улога во извлекувањето на тимот од зоната на испаѓање, откако во јануари пристигна од Атлетико Мадрид.

Еден од најдобрите поранешни напаѓачи, Хернан Креспо, откри дека на два пати бил пред трансфер во шпанскиот гигант Реал Мадрид. Поранешниот член на Ривер Плата, Парма, Лацио, Интер, Челзи, Милан и Џенова, можел да игра во Ла Лига за белиот дрес на Реал Мадрид, но објасни зошто тоа не се случи.

„Во 2002 година играв за Лацио и имав разговори со Реал Мадрид и Интер. Евентуалниот трансфер зависеше од Бразилецот Роналдо. Да останеше во Интер, јас ќе се преселев во Реал Мадрид. На крајот, тој одлучи да се приклучи на „кралскиот клуб“, па јас потпишав со Интер, изјави 46-годишниот Креспо.

Неколку години подоцна, од Реал Мадрид имале уште еден обид за ангажман на Аргентинецот.

„Имав уште 6 месеци до истекот на договорот со Интер кога ме повикаа од Реал Мадрид во јануари. Можев да потпишам со нив, но решив да останам за да го освојам Скудетото“, објасни прославениот напаѓач.

Креспо освои 3 титули во Серија А со Интер , а беше и освојувач на Купот на УЕФА со Парма .

Тренерот на Барселона, Чави Ернандез не го криеше разочарувањето од пропуштените шанси на неговиот тим против екипата на Наполи во првиот натпревар од осминафиналето во Лигата на Европа. Натпреварот на стадионот „Ноу Камп“ заврши со резултат 1:1.

„Разочаран сум затоа што пропуштивме премногу прилики за гол. Мислам дека одигравме добро и единственото нешто што ни недостигаше беше да ги реализираме нашите шанси. Бевме добри во правењето притисок врз противникот. Создадовме 20 можности за гол, од кои шест или седум беа зицери. Да бидам искрен, моравме да победиме со најмалку два гола разлика. Одигравме одлично, и одиме на победа во реваншот“, изјави тренерот Чави.

Англискиот „Дејли Мирор“ пишува дека постои криза во соблекувалната на Манчестер Јунајтед, која е поттикната од Кристијано Роналдо.

Имено, португалскиот напаѓач е незадоволен од влијанието врз тимот од дефанзивецот и капитен на „црвените ѓаволи“, Хари Мегваер. Поради тоа, Роналдо ја посакува капитенската лента за себе и е со мислење дека тој ќе има поголем успех во мотивација на соиграчите бидејќи е повеќе респектиран, посебно од помладите членови на екипата.

Во целата ситуација се вмешал и тренерот Рангник кој почнал преговори со двајцата играчи и по се изгледа ќе побара од Мегваер да му ја предаде капитенската лента на Роналдо.