Италијанскиот фудбалски новинар Фабрицио Романо објави дека Луис Енрике е во Лондон и преговара со раководството на Челзи за позицијата нов тренер на екипата.

Тимот од „Стенфорд Бриџ“ во моментот е без тренер откако пред неколку дена Греам Потер доби отказ. Медиумите од Англија неодамна објавија дека Енрике наводно изјавил дека посакува да се испроба како тренер во Премиер лигата, и дека сака да замине во клуб кој има големи амбиции.

52-годишниот Шпанец во моментот е без ангажман откако минатата година го напушти кормилото на репрезентацијата на Шпанија после неуспехот на СП во Катар. Во минатото Енрике беше тренер на Барселона, Селта и Рома.

Тренерот на Астон Вила, Унаи Емери, после натпреварот со Лестер изјави дека неговата екипа може да се бори за место кое наредната сезона води во Европа.

Астон Вила вчера забележа победа над Лестер со 2:1 во Премиер лигата и во моменот се наоѓа на седмата позиција на табелата со совоени 44 бода, шест помалку од Манчестер Јунајтед.

„Сега е најважно да бидеме подобри во секој натпревар и да се трудиме да бидеме конкурентни. Ќе пробаме и во следните дуели да задржиме посед на топката и да бидеме ефикасни во завршницата. Можеме да се бориме за место кое води во Европа“, изјави Емери.

Даклан Рајс на лето сигирно ќе биде еден од најбараните фудбалери во Премиер лигата, бидејќи играчот одлучи да ја промени средината

.Рајс важи за еден од најбараните англиски фудбалери, клубовите од Манчестер, Челзи и Арсенал покажуваат интерес, а тој сигурно ќе го напушти Вест Хем на лето.

24-годишниот играч за врска одби да го продолжи договорот со Вест Хем, па „чеканите“ ќе мора да го продадат на лето, а за неговата слобода бараат 100 милиони евра.

Англиските медиуми пренесуваат дека Арсенал важи како фаворит за неговиот потпис, но не сака да понуди повеќе од 80 милиони фунти.

Ливерпул е силно заинтересиран за играчот на Челзи и англиски репрезентативец, Конор Галагер.

Примарна цел на Ливерул на лето ќе биде засилување на средниот ред, а најголема желба на Клоп е токму Галагер. 23-годишниот англиски репрезентативец оваа сезона добива голема минутажа во Челзи и покажува одлични партии.

Меѓутоа, неговата иднина ќе зависи од новиот тренер и од конкуренцијата која ќе ја има во Челзи.

Челзи не исклучува продажба на Галагер доколку пристигне добра понуда, а Ливерпул е спремен да понуди 50 милиони фунти.

Зинедин Зидан на крајот од сезоната ќе го преземе ПСЖ, пренесува „Мундо Депортиво“.

Шпанските медиуми пренесуваат дека тренерот на „светците“, Кристоф Галтие на крајот од сезоната ќе добие отказ, а на негово место ќе седне Зидан.

„Постојат два клуба кои се опција за Зидан. Колку и тоа изненадувачки да звучи, едниот е Реал. Зидан има одличен однос со претседателот Флорентино Перез. Вториот клуб кој е заинтересиран за Зидан е ПСЖ. Зидан И минатото лето преговараше со ПСЖ“, пишува „Мундо Депортиво“.

Евентуално доаѓање на Зидан во ПСЖ би довело до бројни промени во тимот на шампионот на Франција, а се најавува дека негов прв поголем потег би бил заминување на Нејмар.

Зидан беше тренер на Реал Мадрид од 2016 до 2018 година и од 2019 до 2021 година, со клубот од Мадрид освои 11 трофеи.

Лондонски Арсенал може да го замени украинскиот дефанзивец Александар Зинченко за францускиот фудбалер Тео Хернандез кој игра во Милан, објави „Калчомеркато“.

Главниот тренер на Арсенал, Микел Артета сака да ја засили позицијата на лев бек на тимот со помош на ангажирањето на Тео Ернандез. „Топџиите“ планираат да му понудат на Милан за францускиот дефанзивец еден од двојката Зинченко или Тиерни и 70-80 милиони евра.

Јасно е дека тешко може Милан да се согласи на таква понуда, бидејќи сакаат да ги продолжат договорите со нивните главни играчи. Александар Зинченко се приклучи на тимот на Арсенал во летото 2022 година, преселувајќи се од Манчестер Сити.Лондонски Арсенал може да го замени украинскиот дефанзивец Александар Зинченко за францускиот фудбалер Тео Ернандез кој игра во Милан, објави „Калчомеркато“.

Главниот тренер на Арсенал, Микел Артета сака да ја засили позицијата на лев бек на тимот со помош на ангажирањето на Тео Ернандез. „Топџиите“ планираат да му понудат на Милан за францускиот дефанзивец еден од двојката Зинченко или Тиерни и 70-80 милиони евра.

Јасно е дека тешко може Милан да се согласи на таква понуда, бидејќи сакаат да ги продолжат договорите со нивните главни играчи. Александар Зинченко се приклучи на тимот на Арсенал во летото 2022 година, преселувајќи се од Манчестер Сити.

Приоритет на Реал Мадрид на лето ќе биде доведување на напаѓач, 

кој ќе може да биде долгорочен наследник на Карим Бензема.

Шпанските медиуми пренесуваат дека нова мета на „кралевите“ е бразилскиот напаѓач Ричарлисон, кого Анчелоти одлично го познава од времето кога соработуваа во Евертон. Бразилецот ова лето се пресели во Тотенхем, но не е задоволен од својот статус и во последно време често ја грее клупата.

Поради тоа е спремен да ја промени средината, а Спарси за неговата слобода бараат 70 милиони евра. Во Реал веруваат дека Ричарлисон може да биде наследник на Бензема и да формира одлично бразилско трио со Винисиус и Родриго.

Бензема оваа сезона пропушти многу натпревари поради повреда и е во зрели фудбалски години, па Реал сака да доведе нов напаѓач.

Португалската ѕвезда во дресот на Милан, Рафаел Леао, е близу да потпише нов договор со „росонерите“ и тоа со едногодишно продолжување на соработката. Според најавите, тој ќе добие зголемување на платата и ќе стане еден од најплатените фудбалери на Милан.

Италијанскиот првак не сака да чуе за продажба на Леао, иако веќе стигнаа понуди и од 100 милиони евра за напаѓачот. Преговорите меѓу двете страни за нов договор продолжуваат, а наскоро ќе има и конечен договор.

Според информациите, понудата на Милан е актуелниот договор кој истекува во јуни 2025 година да се продолжи за 12 месеци до јуни 2026, а Леао од сегашните 1,8 милиони евра да добие седум милиони евра годишно на име плата.

Во Челзи веќе започнале преговори со доскорешниот селектор на Шпанија, Луис Енрике, тврди „АС“.

Поранешниот тренер на Барселона е прв кандидат за нов тренер на Челзи, откако „сините“ се ослободија од Грем Потер. Според весникот, претставници на Енрике почнале преговори со Челзи. Негов анент е Иван де ла Пења, кој моментално се наоѓа во Лондон на средба со „сините“.

Челзи сака да ја победи конкуренцијата бидејќи интерес за Луис Енрике покажува и Тотенхем, кој бара наследник на Конте.

Ситуацијата исто така ја следи и Манчестер Сити, во случај Гвардиола да сака да си замине на крајот на сезоната.

Челзи е во потрага по нов менаџер по отказот на англискиот стручњак Греам Потер. Според „Мирор“, Португалецот Марко Силва може да го води клубот, тој се смета за еден од најверојатните кандидати за оваа функција. Силва е на чело на Фулам од 2021 година и го предводеше тимот во Премиер лигата. Челзи исто така беше заинтересиран за Маурисио Покетино, Јулијан Нагелсман и Де Зерби.

Марко Силва претходно беше тренер на Есторил и Спортинг во Португалија, како и на Олимпијакос во Грција и Хал Сити, Вотфорд и Евертон во Англија. Неговиот учинок вклучува освојување на Купот на Португалија со Спортинг во 2015 година, шампионски титули во грчкото првенство со Олимпијакос во сезоната 2014/2015 и освојување на португалската втора лига со Есторил.

Челзи во неделата објави оставка на Греам Потер. 47-годишниот Потер го презеде лондонскиот клуб во септември 2022 година, заменувајќи го Германецот Томас Тухел како главен тренер. Договорот на Англичанецот беше до 30 јуни 2027 година, но беше предвреме прекинат.