Јувентус на лето готово сигурно ќе остане без Адриен Рабио, па веќе почна да му бара замена.

Рабио влезе во последната година на договорот и на лето ќе биде слободен агент, а нема најави за негово продолжување. Најголема желба на „бјанконерите“ е Фабиан Руиз, кој не се снајде баш најдобро во ПСЖ и е спремен да ја промени средината.

Шпанецот блескаше неколку сезони во Наполи, па минатото лето за 24 милиони се пресели во ПСЖ.  Меѓутоа, Руиз не се снајде баш најдобро во Париз и во системот на игра на Галтие, па сака да ја промени средината.

Јувентус сака да ја искористи таквата ситуација и да го доведе во Милано на позајмица со право на откуп.

Манчестер Јунајтед не се откажува од Фернки де Јонг и повторно ќе се обиде да го доведе на „Олд Трафорд“ ова лето.

Барселона минатото лето се договори со Манчестер Јунајтед за трансфер вреден 85 милиони евра за 25-годишниот фудблер од средниот ред, но тој одби да разговара за трансфер.

За Барселона најголем проблем е високата плата, а поради финансиските проблеми на лето повторно ќе мора да продава играчи.

Манчестер Јунајтед е во потрага по квалитетен играч за врска и најголема желба на Те Хаг е токму Де Јонг.

Сега раборите се променија, Манчестер Јунајтед ќе игра во ЛШ и сака да ја нападне титулата, па Холанѓанецот е отворен за преселба на „Олд Трафорд“.

Лотар Матеус, во своето последно интервју за германските медиуми, објасни зошто морале да го обезбедат Томас Тухел и да го сменат Јулиан Нагелсман.

Искусниот стратег дојде на местото на Нагелсман, кој немаше добра сезона, па поради опасност дека Тухел ќе биде договорен од тим од Серија А, Баерн Минхен морале да направат радикален потег и на средина од сезоната да го ангажираат Томас Тухел.

„Отказот на Нагелсман не беше изненадување само за нас, туку и за сите околу нас. Нагелсман направи добри работи во Бунделсигата, можеби не беше добар во ЛШ, но годинава ги победи ПСЖ, Интер, Барселона два пати, не беше совршено, но не беше далеку од трофеј. Мислев дека во клубот се шегуваат, но сепак, тоа не беше први април“.

„Тухел имаше пред-договор со Јувентус, а Баерн Минхен беше нервозен поради тоа сознание. Тухел беше слободен и скоро договорен со Јувентус, а не му веруваа 100% на Нагелсман. Но кога сфатија дека мора брзо да реагираат за Јуве да не го обезбеди Тухел, му врачија отказ на Нагелсман“, открива Лотар Матеус.

Арсенал сака на лето значително да го засили тимот, откако оваа сезона не успеа да стигне до титулата.

„Топџиите“ во текот на целата сезона беа лидери, но на крајот има пад на формата и ја загубија титулата.

Артета сака да го засили средниот ред, а со оглед на потешкотиите да дојде до Даклан Рајс од Вест Хем сега ќе се насочи кон други цели.

Тренерот на Арсенал ќе се обиде да го добие потписот на Илкај Гундоган кој има договор со Манчестер сити до крајот на сезоната.

За Германецот интерес покажува Барселона, но „топџиите“ се спремни да ја победат конкуренцијата со побогата понуда.

Ансу Фати после уште една слаба сезона најверојатно ќе ја напушти Барселона, пренесуваат шпанските медиуми.

Агентот на Фати, Жорж Мендеш не е задоволен од третманот кој го има неговиот клиент во Барселона и веќе почнал да му бара нов клуб.

На Барса и се потребни пари да ги среди финансиските документи и Фати изгледа како добра можност за солидна заработка. Најсилен интерес за талентот покажуваат италијанските гиганти Милан, Јувентус и Интер.

„Калчомеркато“ пренсува дека најконкретен е интересот на Милан, кој е спремен да понуди 35 милиони евра за потписот на Фати.

Јирген Клоп потврди дека „црвените“ нема да го откупат Артур Мело, кој е на позајмица од Јувентус.

Бразилецот одигра еден меч за „црвените“, односно само 13 минути во мечот од Лигата на шампионите против Наполи на гости. Артур не се покажа како добро засилување, па поради тоа ќе се врати во Јувентус после истекот на позајмицата.

„Му посакувам се најдобро. Неговиот професионализам и неговите способности се подобро познати на секој кој соработувал со него“, изјави Клоп.

За Артур нема повеќе место ниту во Јувентус, па на лето сигурно ќе си бара нов клуб.

Челниците на фудбалскот клуб Валенсија, го идентификуваа навивачот кој на расна основа го навредуваше фудбалерот на Реал Мадрид Винициус Жуниор.

Од Валенсија соопштуваат дека на навивачот му изрекле доживотна забрана за доаѓање на стадионот „Местаља“ и следење на натпреварите на клубот. Од клубот потврдија дека соработуваат со локалната полиција која беше од голема помош што побрзо да се пронајде престапникот.

Бразилецот Винициус изрази големо разочарување од расистичките навреди кои се упатени кон него и побара од Ла Лига да преземе порадикални чекори кон спречување на ваквите појави.

Медиумите во Шпанија пренесуваат дека поради ваквите настани фудбалерот ќе побара заминување од Реал Мадрид и напуштање на Шпанија.

Раководството на ПСЖ одлучи да го стави Нејмар на трансфер листа, а најсилен интерес за него покажува Манчестер Јунајтед.

Тој е најскап фудбалер во историјата, но никогаш во целост не ги опрадва очекувањата во Париз. Притоа, „светците“ сакаат да се ослободат од неговата висока плата.

Откако навивачите отворено го нападнаа, сега и самиот Нејмар е спремен да го напушти клубот, а Касемиро го убедува да се пресели на Олд Трафорд.

Манчестер Јунајтед започнал првични преговори околу трасферот, а клучна улога би требало да одигра токму Касемиро.

Светскиот шампион Аргентина објави дека ќе игра против Австралија пријателски натпревар во Пекинг на 15 јуни. Четири дена подоцна – на 19 јуни „гаучосите“ ќе гостуваат во Џакарта кај Индонезија.

Евентуалното присуство на Лионел Меси најверојатно ќе предизвика вистински хаос за билети кај кинеските и индонезиските навивачи. Тој ќе ја посети Кина за прв пат од 2017 година. Капитенот на Аргентина за првпат таму гостуваше во 2005 година, кога Барселона тренираше во Азија. Во 2010 година, Меси и Барселона го победија Пекинг Гуан со 3-0 во контролен натпревар.

Веста за контролата брзо стана најпопуларна на кинеските социјални медиуми, а барањата за влезници се очекува да бидат над стотина илјади.

УЕФА ги објави судиите за финалето на европскиот клупски турнир оваа сезона. Полскиот судија Шимон Марчињак се очекува да го суди финалето на Лигата на шампионите меѓу Манчестер Сити и Интер на 10 јуни. Полјаци ќе бидат помошници на судијата, како и одговорни за ВАР, а четврти судија ќе биде Иштван Ковач од Романија.

Ова е уште едно големо признание за судијата Марчињак, кој го водеше и финалето на СП 2022 помеѓу Аргентина и Франција (3:3), а пред неколку дена беше главен судија на реваншот од Лигата на шампионите меѓу Манчестер Сити и Реал Мадрид (4:0).

Англичанецот Ентони Тејлор ќе го суди финалето на Лига Европа меѓу Севиља и Рома на 31 мај, а судискиот тим е целосно од Островот. Шпанецот Карлос Дел Серо Гранде и неговите помошници од Шпанија ќе го преземат финалето на Конференциската лига меѓу Фиорентина и Вест Хем на 7 јуни.