Винисиус Жуниор со своите партии во Реал Мадрид се промовираше во еден од најдобрите фудбалери во светот.

Тој има договор со Реал до јуни 2027 година, но клубот сака да го награди за добрите партии и да му понуди подобар договор.

Според шпанскиот спортски портал „Релево“, мадридскиот клуб иницирал контакти со застапниците на 24-годишниот Бразилец пред неколку месеци со цел да се разговара за продолжување на договорот.

Меѓутоа, после последните случувања околку „Златната топка“ менаџерите на фудбалерот ги прекинале преговорите.

Ливерпул успеа да се пласира во четвртфиналето на англискиот Лига Куп и тоа откако го совлада Брајтон на негов терен со 3-2.

Клучна улога во овој триумф имаше холандскиот репрезентативец, Коди Гакпо кој постигна два гола во 46 и 63 минута, а по средбата менаџерот Арне Слот јасно порака дека тој сигурно ја има улогата на старер во екипата.

За мене Гакпо е редовен стартер. Тој е нашиот клучен играч. Можеби нема да го започне секој натпревар, но во најголем дел од времето ќе биде стартер, – рече Слот кој на таа позиција го има Луис Дијаз.

Тоа е жестока конкуренција меѓу Гакпо и Луис Дијаз. Ама тоа е нормално во клуб како Ливерпул, -истакна стратегот.

Премиерлигашот на другата страна како сигурно решение го има Мохамед Салах, додека некако најотворена е позицијата „девет“ затоа што освен Нуњез, тука е и Жота, а екипата може да игра и без класична деветка како што Арне играше на вчерашниот натпревар.

Поранешниот капитен на Ливерпул, Стивен Џерард, наводно ќе биде разрешен од функцијата шеф на стручниот штаб на Ал-Етифак, откако синоќа беше елиминиран од второлигашот Ал Џебелеин во осминафиналето на Купот на Саудиска Арабија.

Клубот од Дамс рутински беше поразен на гостински терен од клуб од долната половина во вториот ранг на натпреварување во оваа земја, па поради тоа раководството е разочарано.

Колапсот во купот пристигна во Ал-Етифак како кулминација на катастрофалната форма на тимот на Џерард во се поконкурентниот шампионат, па би било изненадување ако англиската легенда остане на клупата.

Избраниците на Џерард последен пат славеа кон средината на септември, што е премалку за високите примања кои поранешниот фудбалер ги остварува на годишно ниво. Според медиумите платата на Џерард во Ал-Етифак е 15,2 милиони фунти.

Џерард пред да замине во Саудиска Арабија во летото 2023 година работеше во Астон Вила и Глазгов Ренџерс.

Фермин Лопез денеска потпиша нов договор со Барселона до 30 јуни 2029 година. Каталонците во договорот вклучија и откупна клаузула од 500 милиони евра за младиот шпански талент.

Фудбалерот кој има само 21 година лани блесна во првиот тим на Барселона под водство на тренерот Чави и одигра дури 42 натпревари за првиот тим во сите конкуренции. Летово тој беше дел од шпанската фудбалска репрезентација, која го освои Европското првенство, а потоа и Олимписките игри во Париз. И сезонава кај тренерот Ханси Флик, Лопез исто така е дел од првата постава.

Своите први фудбалски чекори ги направи во Бетис, но и се приклучи на познатата академија на Барселона, „Ла Масија“ во летото 2016 година. Сезоната 2022/2023 година ја мина на позајмица во тимот на Линарес по што се врати во Барселона и експресно се инсталираше во првите 11.

Натпреварот од 12. коло во шпанското првенство меѓу Валенсија и Реал Мадрид, кој требаше да се одигра в сабота, денеска официјално е одложен поради големите поплави во јужна Шпанија.

Сите натпревари во регионот на Валенсија исто така ќе бидат одложени, вклучително и дуелот помеѓу Виљареал и Рајо Ваљекано, објави попладнево Ла Лига.

Клубовите имаат рок до 5 ноември да изберат нови датуми за одигрување на одложените натпревари.

Од истата причина беа одложени и бројни спортски настани во регионот, вклучително и натпреварите од Копа дел Реј помеѓу Валенсија и Леванте.

Поплавите од кои беше зафатена шпанската провинција Валенсија предизвикаа смрт на повеќе од 90 луѓе, како и голема материјална штета.

Реал Мадрид има намера да го обнови договорот со фудбалерот, Винисиус Жуниор. Актуелниот на крилниот напаѓач е до летото во 2027 година.

„Белите“ стапиле во контакт со агентите на играчот пред неколку месеци но, се уште немаат започнато конкретни преговори. Самиот Винисиус одговори дека не сака да брза и дека го чека најпогодниот момент за да преговара за нов договор.

Од друга страна, клупските шефови веруваат дека Бразилецот заслужува подобри услови иако е меѓу најплатените во клубот.

Нејмар нема да игра за неговата репрезентација до крајот на годинава, најавија дел од медиумите.

Фудбалерот на Ал-Хилал, кој поради потешка повреда на коленото беше надвор од терените речиси една година, нема да добие повик од селекторот на „кариоките“ за мечевите со Венецуела (14 ноември) и со Уругвај (20 ноември).

Се претпоставува дека Нејмар повторно ќе го облече дресот на „кариоките“ догодина на натпреварите со Колумбија (20 март) а потоа и со Аргентина (25 март).

Менаџерот на Манчестер Сити, Пеп Гвардиола, се соочува со големи проблеми во ростерот откако Аканџи, Рубен Диаз и Савињо, се соочуваат со повреди.

„Имаме само 13 здрави фудбалери, тоа е навистина огромен проблем. Во девет години колку што сум тука, никогаш не сум се нашол во ваква ситуација“, изјави Шпанецот.

Познато е дека во амбулантата на „граѓаните“ се и Родри (ја заврши сезоната), Кајл Вокер, Кевин де Бруин, Оскар Боб, Џереми Доку и Џек Грилиш. Дел од нив ќе се вратат на терените дури на крајот на наредниот месец.

Фудбалерите на Пењарол го победија Ботафого со 3-1 во полуфиналниот реванш во Копа Либертадорес, но ниту тоа не им беше доволно да се пласираат во финалето.

Подобрата гол-разлика од двата меча одлучи во финалето да оди бразилскиот тим кој го доби првиот меч со резултат 5-0.

Иако знаеја дека минусот од првиот меч е невозможно да го надоместат, навивачите на Пењарол направија спектакуларна атмосфера на својот стадион.

Домаќините поведоа во 31. минута со голот на Баез од околу 25 метри. Потоа до крајот на првиот дел Пењарол успеа да остане со играч помалку бидејќи Агере доби црвен картон поради газењето на противничкиот голман Џон.

Се играше 66. минута кога Баез повторно постигна гол и го удвои водството на својот тим.

Фудбалерот на Ботафого, Алмада постигна гол во 88. минута, но само минута подоцна Батиста погоди за конечни 3-1.

Ботафого во финалето ќе се сретне со уште еден бразилски тим, Атлетико Минеиро.

Бојан Миовски конечно го „скрши“ мразот во дресот на Џирона. Постигна два гола во победата над Екстрамадура во Купот на кралот.

Џирона победи со 4-0, а Миовски го постигна вториот во 58. и третиот гол во 62. минута за Џирона. Каталонскиот тим по првиот дел имаше предност со голот на Брајан Хил.

Конечниот резултат го постави Мартинез во 76. минута.

Миовски во летниот преоден рок за осум милиони евра од Абердин се пресели во Џирона.