Шпанскиот фудбалски гигант Барселона е заинтересиран за напаѓачот на Елче, Лукас Боје, пренесува – Esport3.

Каталонците во текот на летото би можеле да се обидат да го привлечат Аргентинецот доколку Холанѓанецот, Лук де Јонг, го напушти стадионот „Камп Ноу“.

25-годишниот Боје во тековнава сезона има 6 погодоци на 16 натпревари во шампионатот. Има и една асистенција.

Младиот фудбалер од Португалија, Чикињо Оливеира, ќе ја продолжи кариерата во англискиот состав, Вулверхемптон.

21-годишниот играч од средниот ред беше купен од Есторил за 3,5 милиони евра и дополнителни 1,5 милиони предвидени како бонуси според неговиот ефект и и постигнатите резултати.

Договорот на Чикињо е валиден до 2026 година. Тој во португалскиот шампионат има одиграно 15 натпревари на кои постигна 3 гола и направи една асистенција.

Нашиот репрезентативен голман, Столе Димитриевски, ќе му се придружи на Џани Алиоски во фудбалскиот шампионат на Саудиска Арабија.

Според најавите, чуварот на мрежата на Рајо Валјекано ќе замина на Блискиот Исток во екипата на Ал Наср. Новинарот, Руди Гaлети, наведува дека дека клубовите треба само да го официјализираат трансферот.

Претходно имаше одредени шпакулации дека за Димитриевски е заинтересирана и Барселона, но, очигледно македонскиот интернационалец ќе замине во сосема друг правец надвор од Пиринеите.

И понатаму продолжува одложувањето натпревари во Премиер лигата.

Последен во низата одложен натпревар е дуелот меѓу Барнли и Вотфорд. Овој натпревар и првично беше одложен, а сега се одложува по втор пат од истата причина, заразени играчи со коронавирус.

Планирано беше натпреварот да се игра во четврток, новиот датум дополнително ќе биде одреден.

Напаѓачот на Баерн Минхен, Роберт Левандовски ја доби битката со Аргентинецот Лионел Меси и Египјанецот Мохамед Салах, во изборот на ФИФА за најдобар фудбалер во 2021 година.

„Горд сум и среќен. Сакам да им се заблагодарам на сите. Не се осмелив да сонувам дека ќе го подобрам рекордот во Бундеслигата за постигнати голови. Да ми кажеше некој пред години, немаше да верувам. Штета што Герд Милер не е меѓу нас. Не можев без него. Мислам дека имам доволно време да поставам повеќе рекорди“, изјави Левандовски.

Раководството на Евертон му се заблагодари на Рафа Бенитез за соработката во неделата, а лицитацијата за тоа кој би можел да седне на клупата на „карамелите“ е во тек.

Искусниот шпански стручњак очекувано доби отказ по серијата лоши резултати и само пет победи во 15 премиерлигашки натпревари сезонава.

„Скај Спортс“ објави дека во потесниот избор се најдоа потесниот круг за нов менаџер на тимот од Ливерпул, се легендата на клубот и актуелен тренер на Дерби Каунти, Вејн Руни, Френк Лампард, менаџерот на Брајтон, Греам Потер, селекторот на белгиската репрезентација Роберто Мартинез и Руди Гарсија.

Шеесет и едногодишниот Бенитез дојде во Евертон во јули 2021 година наместо Карло Анчелоти, кој се пресели на клупата на Реал Мадрид.

„Карамелите“ се само 16-ти во англиското првенство со 19 бодови, шест повеќе од Норич кој е во зоната за испаѓање.

Интер и Милан водат битка за играчот од средниот ред на Верона, Антонин Барак, пренесуваат италијанските медиуми.

Барак е еден од најдобрите играчи на Верона оваа сезона, а особено се истакна на последниот меч против Сасуоло кога постигна хет-трик.

Чешкиот играч за врска ги воодушеви Инзаги и Пиоли, кои сега го означија како примарна цел за следното лето. Верона е спремна да го пушти на крајот на сезоната и за неговата слобода бара 20 милиони евра.

Миланските гиганти уште сега ги започнаа преговорите и сакат да го обезбедат потписот на Барак во јануари, а да го доведат по завршување на сезоната.

Ѕвездата на светскиот и португалскиот фудбал, Кристијано Роналдо доби специјална награда на манифестацијата The BEST која е организирана од ФИФА, за неговиот рекорд во постигнати голови за репрезентацијата на Португалија.

36-годишниот напаѓач на Манчестер јунајтед досега за својата репрезентација има постигнато 111 гола со што го собори досегашниот рекорд на Али Даеи кој за селекцијата на Иран во својата кариера има дадено 109 голови.

„Ви благодарам за наградата, и сакам да им се заблагодарам на сите мои соиграчи во текот на  овие 20 години. Никогаш не мислев дека ќе го подобрам овој рекорд. Специјалната награда на ФИФА е голема чест. Да се ​​биде голгетер број еден во историјата на репрезентативниот фудбал е нешто неверојатно“, изјави Роналдо.

Поранешниот италијански фудбалер а сега професионален тренер, Џенаро Гатузо се најде на списокот на Евертон како нов тренер на екипата. 

По отказот на Рафаел Бенитез, веднаш се започна со лицитација на можни кандидати за негова замена а меѓу нив се најде и доскорешниот тренер на Наполи, 44-годишниот Гатузо.

Освен Гатузо, како останати кандидати за преземање на клупата на „карамелите“ се споменуваат и Роберто Мартинез, Вејн Руни и Пауло Фонсека.

Италијанските медиуми тврдат дека Евертон веќе стапил во контакт со менаџерот на Гатузо, Хорхе Мендез.

Според пишувањата во шпанските медиуми, претседателот на гигантот Реал Мадрид, Флорентино Перез донел одлука клубот и дефинитивно да се откаже од битката за потпис на голгетерот Ерлинг Халанд ова лето и сите сили ќе ги насочи кон доведување на ѕвездата на Париз Сен Жермен, Килијан Мбапе.

Како една од причините за откажувањето на Реал за доведување на Норвежанецот Халанд бил и менаџерот на играчот, Мино Рајола.

Рајола бил во лоши односи со претседателот на „Кралскиот клуб“ Перез, и тоа со сигурност би ги отежнале преговорите за евентуален трансфер на Халанд од Борусија Дортмунд.