Европската фудбалска федерација- УЕФА, му се извини на Ливерпул и на навивачите на клубот за неоснованите обвиненија кои беа упатени до „црвените“ за безредијата пред почетокот на финалето во Лигата на шампиони, против Реал Мадрид, а кое се одигра во Париз.

Стартот на финалниот натпревар во Париз, повеќе од половина час беше одложен поради фактот што голем број на фанови на Ливерпул не успеаја да влезат на стадионот , што доведе до ескалација на проблемите помеѓу организаторот и навивачите.

Претходно, француските власти и Уефа за овај настан ги обвинија фановите на Ливерпул за кои потенцираа сакале да влезат на натпреварот со фалсификувани влезници.

„Од името на УЕФА сакаме да упатиме искрено извинување до сите навивачи на Ливерпул кои доживеаја проблеми пред почетокот и после завршувањето на финалната средба. Обиненијата упатени кон нив беа неосновани и без докази“, порача генералниот секретат на УЕФА.

Извинувањето од УЕФА доаѓа после извештајот од независната комисија која долг период го истражуваше случајот и која не најде никаква кривица кај навивачите на Ливерпул.

Напаѓачот на Милан и репрезентативец на Франција Оливие Жиру, изјави дека нема намера да се откаже од настапите за „триколорите“.

Жиру во септември ќе наполни 37 години, и планира да го носи дресот на репрезентацијата и во квалификациите за Европското првенство 2024.година.

“ Не е готово. Не сум подготвен да го соблечам дресот кој ми е многу блиску до срцето. Имам мотивација да напредувам, а и физички сум спремен. Имам право да бидам избран за репрезентацијата на Франција“, изјави Жиру, кој е најдобар стрелец во историјата на француската репрезентација.

Дефанзивецот на Пари Сен Жермен, Маркињос, го опиша поразот во финалето на Лигата на шампионите во 2020 година против Баерн како најболниот пораз во неговата кариера.

„Лигата на шампионите е натпреварување кое сакаме да го освоиме бидејќи нашиот клуб никогаш досега не постигнал вакво нешто. Исто така, многу од играчите не ја освоија Лигата на шампионите. Но, нема дополнителен притисок врз нас. Мислам дека за десет години ги доживеавме истите радости и таги како нашите навивачи. Како, на пример, поразот од Баерн во финалето во 2020 година 0-1. Или оние убави и важни победи кои ни донесоа толку многу емоции… Фудбалот е задоволство да се чувствува победата. Но, тука е и болката од поразите, како од Барселона или Реал Мадрид…

Ги доживеавме овие спротивни емоции. 2020 година ни ги покажа двете страни на паричката. Бевме многу блиску, но кога не успеваш, тоа е најлошото нешто во животот. За споредба, поразот од Баерн ми е поболен отколку од Реал Мадрид во 2022 година. Бевме многу блиску. Да, ова е најболното. Прашајте кој било играч, нема ништо потешко од тоа да загубите во финалето“, изјави Маркињос.

УЕФА ги објави имињата на судиите кои ќе ја делат правдата на првите два осминафинални натпревари од Лигата на шампионите закажани за утре.

Мечот меѓу ПСЖ и Баерн ќе го суди Мајкл Оливер од Англија, кому ќе му помагаат Стјуарт Берт, Сајмон Бенет и четвртиот судија Енди Медли (сите од Англија). ВАР судија ќе биде Томаш Квјатковски (Полска).

Натпреварот меѓу Милан и Тотенхем ќе го суди швајцарскиот судија Сандро Шерер, а помошници ќе му бидат Стефан Де Алмеида, Беким Зогај и Лукас Фендрих. Во ВАР собата ќе суди Марко Фриц (Германија).

После две години отсуство од националниот тим поради лошите односи со екс-селекторот Луис Енрике, Серхио Рамос повторно би можел да биде дел од „црвената фурија“, најавуваат шпански медиуми.

Луис Де ла Фуенте, доскорешниот селектор на младинската репрезентација го наследи Луис Енрике и наскоро ќе треба да го објави списокот за стартот на евроквалификациите, а според шпанските медиуми, веќе разговарал со Рамос за евентуално враќање на искусниот стопер во националниот тим.

Ова и самиот Де ла Фуенте го признал меѓу редови, посочувајќи дека ќе го избира најдоброто и секој што е во најдобра форма за да помогне, без притоа да ги дели фудбалерите, на стари или млади.

Францускиот весник „Паризијен“ пренесува дека челниците на Париз Сен Жермен донеле одлука на крајот од сезоната да го продадат Бразилецот Нејмар.

Оваа одлука била донесена поради бројните проблеми кои Нејмар ги правел со соиграчите, но и со спортскиот директор Луис Кампос.

Имено, бразилскиот напаѓач после поразот на ПСЖ од Монако направил хаос во соблекувалната, бидејќи прво имал расправија со соиграчите, а потоа вербално го нападнал и директорот Кампос.

Француските медиуми потсетуваат дека ова не е прв инцидент на Нејмар, но овај пат расправиите нема да му се простат.

Нејмар во ПСЖ е веќе шест години, каде пристигна од Барселона за рекордни 222 милиони евра. За популарните „светци“ има постигнато 117 голови на 171 натпревар.

Фудбалерот на Аталанта, Ханс Хатебур, поради повреда на коленото ја заврши сезоната. Хатебур се повреди во сабоата, во победата на Аталаната над Лацио во Рим од 2-0.

Аталанта објави дека Хатебур ги скинал предните вкрстени лигаменти во десното колено. Фудбалерот ќе биде опериран денеск во Рима.

„Кога предниот вкрстен лигамент ќе ја уништи одличната вечер во Рим“, напиша 29-годишниот холандски фудбалер на Инстаграм.

Хатебур постигна два гола и забележа една асистенција на 19 настапи во сите натпреварувања оваа сезона.

Артур Вармерен е некој од кого во иднина се очекуваат големи работи, а играчот за врска на Антверпен е на мета и на големите клубови во Европа.

Засега Манчестер Јунајтед е тимот кој најмногу покажа интерес за него и кој наводно на лето е спремен да плати околу 20 милиони евра. Белгиецот докажа дека се работи за голем потенцијал кој одлично игра како последен играч за врска. Во Антверпен го тренериа легендарниот играч за врска Марк Ван Бомел.

Вармерен кај Ван Бомел е стартер на секој натпревар од завршувањето на Мундијалот и јасна е е намерата на клубот дополнително да му ја подигне цената.

Треба да се напомене дека Антверпен има одлична соработка со Манчестер Јунајтед кога го водеше Сер Алекс Фергусон, неколку фудбалери беа на позајмица во тој клуб, меѓу кои се Џон Ошеј и и Џони Еванс.

На проблемите во Ливерпул им нема крај, бидејќи тимот најверојатно ќе остане и без Тиаго Алкантара неколку недели. Шпанецот се повреди на тренинг и според „Телеграф“ нема да игра околу еден месец. Играчот од средниот ред ќе го пропушти дербито против Евертон денеск и неколку натпревари потоа.

Тиаго се мачеше со повреди во текот на целата сезона, пропуштајќи 6 натпревари на почетокот. „Црвените“, пак, генерално имаат потешкотии на средината на теренот, а сега губат важна фигура токму на овој простор.

Шпанецот им се придружи на Вирџил ван Дијк, Луис Дијаз, Диого Жота, Ибрахима Конате и Роберто Фирмино кои веќе некое време се опоравуваат од повреди.

Големиот талент Фета Фетаи потпиша професионален договор со македонскиот прволигаш Работнички.

Тинејџерот е во првата екипа од почетокот на сезоната, веќе дебитираше за „романтичарите“ кои во него гледаат светла иднина, па поради тоа беше официјализиран договор за наредните четири сезони.

Фетаи кој е играч од средината на теренот е уште еден од плејадата талентирани фудбалери кои потекнуваат од школата на клубот и добиваат свое место во сениорскиот тим.

Работнички вториот дел од шампионатот во Првата лига ќе го започне на 19 февруари со гостување во Прилеп кај Победа.