Алваро Мората е голема желба на Барселона и се шпекулираше дека Шпанецот може да се пресели на „Камп Ноу“ во зимскиот преоден рок.

Меѓутоа, тренерот на Јувентус, Макс Алегри денес потврди дека Мората сигурно останува во Торино до крајот на сезоната.

„Јас и директорот на клубот се сретнавме со Алваро Мората и му ја соопштивме одлуката – тој не е за продажба. Алваро е под договор со нас, ние не планираме да се разделиме и нема сомнеж дека тој ќе остане до крајот на сезонава. Мората останува 100%, крај на приказната“, изјави Алегри.

Еден од најталентираните македонски фудбалери и досегашен член на Работнички, Лука Станковски, направи трансфер во турскиот прволигаш Газијантеп. Тој во наредните четири и пол години ќе го носи дресот на турскиот прволигаш.

„Среќни сме што можеме да го потврдиме трансферот на нашиот досегашен фудбалер, талентираниот Лука Станковски во турскиот прволигаш Газијантеп. Работнички продолжува да реализира големи трансфери на своите фудбалери и во овој тежок период на пандемија на коронавирусот низ целиот свет“, изјави претседателот на ФК Работнички, Драган Поповски.

Тимот на Работнички ќе ги стартува зимските подготовки на 8. јануари, а втората фаза ќе ја одработи во Анталија, од 20 до 31 јануари.

Дарко Мицевски е нов играч на ФК Вардар. Тој денес потпиша четири и пол годишен договор со најтрофејниот македонски фудбалски состав. Повратникот во Вардар е освојувач на шампионската титула во сезоната 2019/20.

“Ми претставува голема чест и задоволство враќањето во Вардар, едноставно повикот од најтрофејниот македонски фудбалски клуб не се одбива. Им благодарам на сопственикот Слободан Крстевски и спортскиот директор Александар Бајевски за повикот и довербата, лесно се договоривме и заеднички ги усогласивме целите на клубот. Верувам во овој проект, искрено се надевам дека ќе биде еднакво успешен како и при мојот претходен престој тука. На сите навивачи и приврзаници на Вардар им ја честитам новата година и божиќните празници, се гледаме на терен, да го вратиме Вардар таму каде што му е местото.”, изјавил Мицевски.

Екипата на Астон Вила започна преговори за ангажирање на играчот од средниот ред на Барселона, Филипе Кутињо.

Клубот предводен од Стивен Џерард, сака да го доведе Кутињо на позајмица во јануари и тој да остане во Астон Вила до завршетокот на сезоната.

Барселона има голема желба да се ослободи од 29-годишниот Бразилец, бидејќи на тој начин ќе ја забрза регистрацијата на новото засилување на екипата, Феран Торес, кој нема право на настап поради правилото за финансиски фер плеј.

Според информациите од Англија, ссвен Астон Вила, во трката за Кутињо би се вклучиле и Њукасл Јунајтед и Арсенал.

Тренерот на Јувентус, Масимилијано Алегри ги демантираше шпекулациите дека Алваро Мората е пред трансфер во Барселона и стави јасно до знаење дека тој останува во Торино.

„Веќе имав разговор со Алваро и му кажав дека тој останува тука и нема да го напушти Јувентус, и таа тема е веќе затворена“, изјави Алегри.

„99 проценти од нашиот сегашен тим ќе биде ист за продолжението на сезоната, додека дозвола за заминување од клубот има само Арон Ремзи“, истакна тренерот на „Старата дама“.

Во текот на својот престој во родната Аргентина за време на кратката пауза Лео Меси доби позитивен тестн а коронавирус.

По позитивниот тест Меси остана во „Росарио“ и не можеше да биде со тимот на ПСЖ во куп натпреварот.

Меѓутоа Аргентинецот вчера доби негативен тест и бил забележан во Росарио како со приватен авион заминува за Париз. Освен Меси позитивни беа Серхио Рико, Нејтан Битумазала и Џанлуиџи Донарума.

Голманот на Ајакс, Андре Онана ставил потпис на договор со Интер и од следната сезона ќе игра за нероазурите. Онана синоќа беше во Милано на медицински тестови кој завршија успешно.

Според Фабрицио Романо, голманот потоа потпишал петгодишен договор според кој ќе заработува годишна плата од 3 милиони евра.

Тој ќе ја доигра сезоната во Ајакс и од следната ќе се пресели во Интер како слободен играч.

Од шпанските медиуми стигна информација дека најверојатно Усман Дембеле ќе ја напушти Барселона. Како фаворит за потписот на францускиот репрезентативец се јавува англискиот гигант Ливерпул.

Интересот од страна на „црвените“ за крилниот напаѓач е доста сериозен, па дури постои и шанса Јирген Клоп да се обиде да го доведе во јануари.

Оваа опција му одговара и на Барселона која на овај начин може да заработи на продажба на Дембеле, во спротивно тој ќе го напушти „Камп Ноу“ како слободен играч.

Усман Дембеле во Барселона пристигна од Борусија Дортмунд во 2017 година за 135 милиони евра.

Миралем Пјаниќ им порача на Алваро Мората и Матијас де Лихт добро да размислат пред да го напуштат Јувентус.

Двајцата фудбалери се поврзуваат со трансфер во Барселона и можат да тргнат по истиот пат како Миралем Пјаниќ. Босанецот беше ѕвезда во Јувентус, направи трансфер на „Камп Ноу“, но работите не тргнаа по добро за него, па сега е на позајмица во Бешикташ.

„Мората има одлична кариера до сега и играше за големи клубовуи како Челзи, Атлетико и Јувентус. Понекогаш фудбалерите имаат потреба од нова мотивација, но треба да два пати да размисли пред да го напушти Јувентус. Не знам детали, но слушам дека Алваро е среќен во Јувентус. Де Лихт има уште три години од договорот со Јувентус. Според мене тој направи добар избор што дојде во Торино. Има можност да игра со големи дефанзивци како Бонучи и Киелини“, додаде Босанецот.

Напаѓачот на Челзи, Ромелу Лукаку, упати официјално извинување поради својата изјава во која кажа дека направил грешка со своето заминување од Интер во Челзи и дека не е среќен во клубот од Лондон.

Центарфорот на екипата своето извинување кон навивачите го испрати преку клупската телевизија.

„Жал ми е за проблемите кои ги направив. Сите знаете дека во овој клуб пристигнав уште како тинејџер и поради тоа целата ситуација е уште потешка. Ќе сторам се како на тренинзите така и на теренот за да покажам колку сум посветен на Челзи“, ијави Лукаку.

„Му должам посебно извинување на тренерот Тухел, управата како и на моите соиграчи. Посакувам се ова што побрзо да се заборави и да се фокусираме на победите“.