Според пишувањата во турските медиуми, Манчестер Јунајтед покажува сериозен интерес за дефанзивецот на Галатасарај, Маркао. 

Во информациите се вели дека „црвените ѓаволи“ подготвуваат понуда вредна 25 милиони евра за бразилскиот играч од одбраната и дека 25-годишниот фудбалер е еден од приоритетните играчи кои се споменуваат како засилувања на клубот од „Олд Трафорд“.

Бразилецот оваа сезона одигра само 10 натпревари за екипата на Галатасарај во турската Суперлига, поради инцидент за време на натпревар кога нападна свој соиграч за што заработи суспензија од 8 натпревари. Маркао во исто време покажа солидни партии за својот тим во натпреварите од групната фаза од Лига Европа.

Анхел Кореа го продолжи договорот со Атлетико Мадрид до 2026 година.

Кореа е дел од Атлетико од 2015 година кога пристигна од Сан Лоренцо, а сега добри настпаи му обезбедија нов побогат договор. На последниот натпревар против Рајо Ваљекано, Кореа беше двоен стрелец.

Фудбалскиот клуб Барселона на „Камп Ноу“ го претстави своето ново засилување, Феран Торес. Притоа, поранешниот напаѓач на Манчестер Сити изјави дека е подготвен да игра по повредата која ја заработи во октомври.

„Ќе бидам подготвен за помалку од две недели“, изјави 21-годишниот Шпанец, кој заработи мала скршеница на десната нога за време на минатогодишниот натпревар во Лигата на нации.

„Денес е навистина одличен ден за мене. Имам настапувано за двајца тренери кои играле за Барселона и се многу поврзани со клубот, како Луис Енрике и Пеп Гвардиола, што ми помогна да откријам која е суштината на Барса. Со нетрпение очекувам да ги следам инструкциите на Чави Ернандез“, додаде Торес.

Напаѓачот потпиша договор до јуни 2027 година со откупна клаузула од 1 милијарда евра.

Финансиските детали од трансферот не беа јавно откриени, но англиските и шпанските медиуми објавија дека Барселона се договорила за исплата на околу 55 милиони евра, со уште 10 милиони евра бонуси.

Леонардо Бонучи е под знак прашалник за претстојниот натпревар на Јувентус против Наполи кој се игра во четврток

Ова ќе претставува проблем за тренерот на „бјанконерите“, Масимилијано Алегри, кој ќе мора да ја промени одбранбената линија во екипата, бидејќи за настап не е достапен и Џорџо Кјелини кој има позитивен ковид тест и е во изолација. 

Според информациите од Јувентус, Бонучи неодамна пријавил замор и болки во мускулот од ногата, но после прегледите од лекарскиот тим не била откриена значајна повреда. Неговата состојба ќе се следи секој ден, но големи се шансите тој да не го започне натпреварот против тимот од Неапол за да се  избегне евентуално влошување на проблемот.

Според пишувањата во повеќе фудбалски портали, на повидок е трампа на играчи помеѓу Манчестер Јунајтед  и Барселона.

Имено, од фудбалскиот клуб Барселона се спремни да го понудат Усман Дембеле во замена за напаѓачот на Манчестер Јунајтед, Антони Марсијал.

Двајцата репрезентативци на Франција би ги смениле клубовите овој јануари. Марсијал претходно најави дека не е задоволен од својата минутажа во екипата која ја води Германецот Ралф Рангник. За него имаше шпекулација дека најзаинтересирана е Севиља.

Усман Дембеле веќе подолг период е во преговори со Барселона за продолжување на договорот, меѓутоа раководните лица на тимот од „Камп Ноу“ не се подготвени да ја платат високата плата која ја побарал менаџерот на играчот.

Тренерот Рангник е голем фан на Дембеле уште од периодот кога тој настапуваше во Бундеслигата за Борусија Дортмунд.

Наредниве денови се очекува дали оваа трампа навистина ќе се реализира.

Позната телевизиска станица од Шпанија која е специјализирана за фудбалски вести излезе со тврдење дека напаѓачот на Парис Сен Жермен, Килијан Мбапе ќе потпише договор со Реал Мадрид по одигрувањето на натпреварите меѓу двата тима од осминафиналето од Лигата на шампионите напролет.

Како што е познато, Мбапе има договор со клубот од Париз до летото 2022 година и слободно може да преговара со други клубови, а во Мадрид се убедени дека повеќе ништо не може да го спречи доведувањето на еден од најдобрите играчи на светот.

Мбапе и Реал Мадрид веќе ги договориле сите детали за трансферот, и сега се чека само официјално потпишување на договорот.

Првиот човек на Барселона, Жоан Лапорта е оптимист за иднината на клубот и верува дека Каталонците наскоро ќе се вратат на старите патеки.

Новинарите го запрашаа Лапорта дали Барселона има можност да го ангажира Ерлинг Халанд. Од Лапорта немаше конкретен одговор, но најави подобри времиња за Барселона.

„Работиме напорно за да создадеме силен тим. Многу работи се можни ако работиме како што треба, сигурен сум дека ќе успееме. Целиот свет нека се подготви, Барселона се враќа на трансфер пазарот како голем играчз“, изјави Лапорта.

Инаку, Барселона денес го претстави засилувањето од Манчестер Сити, Феран Торес кој пристигна во клубот за 55 милиони евра.

Наспроти бројните критики кои пристигнуваат од сите страни, Меѓународната фудбалска федерација (ФИФА) не се откажува од идејата за воведување Светско првенство на две години.

Првиот човек на ФИФА, Џани Инфантино, посочи дека тоа не е негова желба, туку заложба на огромно мнозинство од земјите членки.

„Светско првенство на две години не беше мое барање, туку Конгресот (на ФИФА) побара да се подготви студија на изводливост. Направивме многу сериозна студија, која покажува дека од спортска гледна точка сè би функционирало, би имало помалку репрезентативни натпревари, но повеќе значајни“ изјави Инфантино за италијанските медиуми.

Тој истакна дека Светско првенство на четири години, како што е тоа сега случај, е застарен модел.

„Многу земји во светот немаат среќа да настапуваат на Мундијалите, само 32 од 211 држави. Кога било одлучено Светското првенство да се одржува на четири години, фудбалот се играл во 40 држави во светот, а денес ги има повеќе од 200 и тоа мора да се земе предвид“, изјави претседателот на ФИФА, Инфантино.

Катар ќе биде домаќин на следното Светско првенство, а потоа следи заедничката кандидатура на САД, Канада и Мексико. 

Мауро Икарди продолжува да биде дел од интересите на Јувентус. Италијанскиот клуб во јануари бара засилување за напаѓачката линија, но аргентинскиот фудбалер очекува подобра понуда од Јувентус за ПСЖ. Ова го пренесува Фудбал Италија.

Францускиот клуб не го смета Икарди за недопирлив играч, но треба да се убеди со соодветна понуда. Евентуалната преселба на Алваро Мората во Барселона нема да му даде доволно средства на Јувентус за да го позајми Икарди.

Италијанскиот клуб ќе заштеди пет милиони евра за шест месеци закуп на Мората од Атлетико Мадрид и околу 2,5 милиони евра за платата на шпанскиот фудбалер. Претходно беше објавено дека Јувентус сака да го позјми Икарди со опција за откуп од 35 милиони евра.

На голгетерот на Торино, Андреа Белоти, следното лето му истекува договорот со екипата и би можел како слободен играч да пристигне во Милан.

Во последниве денови се интензивираа шпекулациите за ваквиот трансфер, па дури и се споменува дека 28-годишниот голгетер набрзо ќе потпише преддоговор со „Росонерите“.

Од Милан очекуваат дека висината на платата за Белоти не би требала да биде проблем и дека тој ќе биде одлична конкуренција за Ибрахимовиќ и Жиру во нападот на тимот.