Сопствениците на Рома наводно не се задоволни со играта и
резултатит под водство на Жозе Мурињо и му спремаат отказ на
португалскиот стратег.
„Спортмедиасет“ пренесува дека веќе во клубот имаат идеја кој
би можел да го наследи, Даниеле Де Роси. Ваквата информација
се појави по двата порази на Рома од градскиот ривал Лацио (1-0)
и Милан (3-1).
Она што посебно треба да ги загрижува во Рома се резултатите
против екипите кои се борат за излез во Европа. Од 24 можни
бодови во тие натпревари, Рома освои само шест.
Де Роси за Рома играше од 2001 до 2019 година, а вкупно настапи
на 616 натпревари и постигна 63 голови, асистираше за 60. Исто
така беше дел од италијанската репрезентација која го освои
Светското првенство во 2006 година.

Турска Анталијаспор го суспендираше Израелецот Сагив Јехезкел
поради тоа што на вчерашниот натпревар од турската Суперлига
против Трабзонспор (1-1), го прослави својот гол покажувајќи завој
со датумот на нападот на Хамас врз Израел – 7 октомври.
Во официјалното соопштение, Анталијаспор ги нарече постапките
на Јехезкел „спротивни на вредностите на земјата“ и ја објави
одлуката на управата да го суспендира напаѓачот. Претседателот
на клубот Синан Бозтепе изјави дека најверојатно ќе биде
раскинат договорот со израелскиот фудбалер.

Наполи ќе биде без двајца значајни фудбалери во наредниот
период. Тоа се Пјотр Зиелински и Јенс Кајусте.
Полјакот поради проблем со мускулот во последен миг отпадна за
вчерашниот меч со Салернитана . Тој во наредните денови ќе оди
на дополнителните тестови. Кајусте беше во составот но, мораше
да го напушти теренот во 77. минута поради повреда на ногата.
Во болницата на Наполи од претходно се и Нејтан, Алекс Мерет и
Матиас Оливеира додека Виктор Осимен и Андре Франк Замбо-
Ангиса се со нивните репрезентации на Африканскиот Куп на
нации.

Олимпик Марсеј го потврди заминувањето на Ренан Лоди во
Саудиска Арабија.
Тренерот на Марсеј, Џенаро Гатузо, по ремито со Стразбур (1:1)
во натпреварот од 18. коло од францускиот шампионат, ја
коментираше информацијата за можното заминување на
дефанзивецот Ренан Лоди.
„Лоди остана на клупата цел натпревар затоа што ќе си замине.
Ова е прашање кое треба да се упати до раководството на клубот
каде што се водат преговори. Не можам да го убедам играчот да
остане, но оваа вечер не сакавме да ризикуваме повреда или
недостаток на став“, изјави Гатузо.
Марсеј со 28 бода и се искачи на 5. место во поредокот, на Лига 1.
Стразбур е на 9. место со 24 бодови.

Англиските медиуми пренесуваат дека најголема желба на
Њукасл во јануарскиот преоден рок е ѕвездата на Рома, Пауло
Дибала.
Дибала има договор со Рома до 2025 година, но и клаузула од 13
милиони евра која ќе биде активна од 1 јануари.
Клаузулата важи само за клубовите надвор од Серија А, а Њукасл
е спремен да ја плати.

„Чавките“ на Дибала му нудат двојно повисока плата, па ако
Аргентинецот реши да замине, Рома нема да може да го задржи.

Eкипата на Барселона поради финансискиот фер-плеј нема да
може да купува играчи во јануарскиот преоден рок.
Спорткиот директор на каталонците, Деко потврди дека во
јануари нема да има нови имиња.
„Финансискиот фер-плеј погоди многу клубови, па и нас. Во овој
момент не можеме да купуваме нови играчи, тоа е реалноста“,
истана Деко.
Се шпекулираше и дека Чави повеќе не е сигурен на клупата
поради лошите резултати во последно време, но шпанскиот
стратег ја има поддршката.
„Позицијата на Чави не е загрозена. Има целосна доверба од сите
во Барселона. Разочарани сме, но нашиот план не може да се
промени поради еден пораз“, изјави Деко.

Неколку европски гиганти покажуваат сериозен интерес за ѕвездата на Болоња, Џошуа Зиркзе, пренесиваат медиумите на Апенините.

22-годишиот Зиркзе поникна во академијата на Баерн Минхен, но бидејќи не можеше да се избори за место во тимот беше испраќан на позајмици.

Болоња минатото лето го откупи неговиот договор за 8 милиони евра, а Зиркзе блеска оваа сезона и беше избран за отритие на сезоната.

Зиркзе оваа сезона до сега постигна 8 гола и 8 асистенции, па го привлече вниманието на многу европски гиганти.

Барселона го одреди плејмејкерот на Њукасл, Бруно Гимараеш како примарна трансфер цел за следното лето.

Каталонците се во потрага по квалитетен играч за врска, а Чави смета дека Бразилецот би бил идеално засилување. 25-годишниот Бразилец е еден од најдобрите играчи за врска во Премиер лигата и Њукасл сигурно нема лесно да се раздели со него.

Поради лошата финансиска ситиуација, Барселона не може да си дозволи да ја плати високата цена на Бразилецот, па сака како дел од трансферот да вклучи некој фудбалер.

„Чавките“ се заинтересирани за Феран Торес, па Каталонците се спремни да го понудат напаѓачот плус 50 милиони евра.

Моментално најдобриот српски напаѓач и ѕвездата на Ал Хилал, Александар Митровиќ, би можел да се врати во Премиер лигата по шестмесечна пауза. Според новинарот на Sky Sport, Кит Дауни, Митровиќ би можел да се врати во Њукасл.

„Страчките“ наводно планираат да ја засилат офанзивната линија во која ги имаат Александер Исак и Калум Вилсон кои често имаат проблеми со повредите, а Србинот дополнително би можел да создаде конкуренција во нападот.

Како што пишуваат Англичаните, планот е Митровиќ да дојде на позајмица во соработка со саудискиот државен фонд кој стои зад тамошната инвестиција во фудбалот, како и Њукасл.

Останува прашањето каква реакција ќе предизвика тоа кај челниците на клубот од Ријад, со оглед на тоа што српскиот репрезентативец на 26 натпревари постигна 25 гола.

Тој дефинитивно е една од најголемите ѕвезди во Саудиска Арабија, но Њукасл може да биде примамлива дестинација.

Ливерпул неочекувано би можел да се засили во јануарскиот преоден рок по повредата на Жоел Матип, а тренерот Јирген Клоп е заинтересиран за голема желба на неговиот колега од Манчестер јунајтед, Ерик Тен Хаг.

Клоп сака да го купи Жан-Клер Тодибо од Ница до крајот на јануарскиот преоден рок. Овој фудбалер се поврзуваше и со Тотенхем, а беше желба и на „црвените ѓаволи“. Тодибо има одлични односи со Конате, кој наводно учествува во преговорите и сака да го убеди да потпише за „црвените“ од „Енфилд“.

Ливерпул најверојатно ќе плати околу 50 милиони евра за неговиот трансфер, а дел од сумата ќе добие и Барселона.