Скандалозната сцена беше видена во Букурешт, каде во решавачкиот меч за прво место меѓу Романија и Косово каде до самиот крај немаше голови, имаше несреќен крај.

На теренот дошло до тепачка меѓу играчите. Откако малку се смири ситуацијата, тогаш тие ги изнервираа навивачите на Романија, кои почнаа да скандираат „Србија, Србија“ и „Косово е Србија“.

Тоа се покажа како идеална можност за играчите на Косова да направат циркус и почнаа да се жалат на судијата, а потоа решија да го напуштат теренот.

Симптоматично е дека на Косово му требаше победа од 3-0 за да ги зачува шансите за првото место. Тогаш тие одеднаш решија да го напуштат теренот и го напуштија стадионот.

Очигледно се надеваат дека на зелената маса би можеле да го добијат мечот со службени 3-0.

Француската полицајци уапси две лица за време и по натпреварот Франција-Израел (0-0) што синоќа се одигра во Париз во рамки на Лигата на нации, изјави денеска началникот на париската полиција Лоран Нуњез.Во Париз беа преземени вонредни безбедносни мерки во пресрет на натпреварот поради војната на Блискиот Исток и минатонеделните инциденти во Амстердам каде имаше тепачка помеѓу навивачите на Ајакс и Макаби Тел Авив.

Нуњез рече дека тепачката која се случила внатре на стадионот „Стад де Франс“ била „веднаш спречена“ од обезбедувањето.

„Тоа беше почеток на тепачката и со наша навремена реакција инцидентот многу брзо беше ставен под контрола. Полицијата веднаш го приведе едното лице, а другото го уапси веднаш по натпреварот, со помош на видео докази“, изјави шефот на париската полиција.

Физичките пресметки се случија десетина минути по почетокот на натпреварот, на делот од трибината зад еден од головите. Некои од инволвираните имаа израелски знамиња на грбот. Не е јасно што ја предизвикало расправијата, а обезбедувањето интервенирало по околу една минута.

Француската полиција ги засили безбедносните мерки за натпреварот во Париз, по насилството во Амстердам пред и по натпреварот од Лигата на Европа меѓу Ајакс и Макаби Тел Авив.

Во Амстердам минатата недела, пропалестински демонстранти ги нападнаа навивачите на Макаби на улиците, при што беа повредени меѓу 20 и 30 луѓе, што наиде на осуда од голем број западни земји.

Хофенхајм и официјално го назначи Кристијан Илцер за нов тренер, соопшти бундеслигашот.

Илцер пристигнува од австриски Штурм Грац. Тој потпиша „долгорочен договор“, додаде Хофенхајм без да соопшти повеќе детали.

Весникот „Билд“ откри дека договорот на специјалистот е до 2027 година, а Хофенхајм платил трансфер од 2,5 милиони евра.

„По турбулентни неколку дена, навистина се радувам на новите предизвици и запознавање со играчите и тимот“, коментира Кристијан Илцер во изјавата.

Илцер го замени Пелегрино Матарацо, кој беше отпуштен во понеделникот по ремито 0:0 со Аугсбург. Одлуката беше реакција на 15-тото место на тимот на табелата во Бундеслигата.

Колумбискиот фудбалски репрезентативец Радамел Фалкао (38) изминатата вечер го постигна 347. гол во кариерата, со што стана најдобриот колумбиски стрелец во историјата.

Својот рекорден гол Фалкао, познат во родната Колумбија под прекарот „Тигар“ го постигна голот на натпревар од колумбискиот шампионат меѓу неговиот тим Милонариос и Бојака Чико.

Со овој гол Фалкао го престигна поранешниот репрезентативец Виктор Иго Аристизабал, кој настапуваше за Атлетико Национал, Валенсија, Сао Паоло и Крузеиро.

Фалкао со 36 голови е најдобриот стрелец во историјата на колумбиската репрезентација, а во клупската кариера дојде до бројката од 311 голови, вклучувајќи 83 во четири сезони во француски Монако помеѓу 2013 и 2019 година, што е негов клупски рекорд. Тој, исто така, постигна 72 голови за Порто и 70 за Атлетико Мадрид.

По долгиот престој во Европа, оваа година му се приклучи на Милонариос, клуб од Богота чиј голем навивач е легендарниот колумбиски напаѓач.

Фудбалерот на Јувентус, Хуан Кабал, ги искина лигаментите на коленото и ќе мора да оди на операција. Тоа значи дека „старата дама“ остана без уште еден значаен дефанзивец до крајот на сезоната.

-Денеска играчот Хуан Кабал беше подложен на дијагностички тестови кои открија кинење на предните вкрстени лигаменти на левото колено“, се вели во соопштението на италијанскиот состав.

23-годишниот фудбалер кој набрзо ќе биде опериран, практично ја заврши сезоната.

Фудбалерите на Иран ја задржаа лидерската позиција во А групата, во квалификациите за пласман на Светското првенство откако ја совладаа Северна Кореја со 3-2 (3-0).

Централна фигура на натпреварот одигран во Лаос беше фудбалерот на Интер, Мехди Тареми, кој имаше хет-трик со асистенции, но за малку ќе се претвори од херој во трагичен.

Иран одигра совршеното прво полувреме и ужасно второ полувреме. Натпреварот долго ќе го памети Тареми.

Напаѓачот на Интер најпрвион му асистираше на Гаједи во 29.минута, а потоа забележа уште две асистенции во 41. и 45.минута кога стрелец беше Мохеби

Кошмарот за Tареми и Иранците започна во 52. минута кога останаа без Кализаде, кој беше исклучен, а во 56. минута Тареми си постигна автогол и ги врати играчите од Северна Кореа во натпреварот.

Три минути подоцна веќе беше 3-2, стрелец беше Ким и победата на Иранците веќе беше сериозно загрозена.

Во 67. минута, беше досуден пенал за Иран, топката ја зеде Тареми и промаши.Во преостанетите 25 минути одбраната на Иран успеа да издржи, ги одби сите налети на Северна Кореја.

Иран во групата е прв со 13 бода, Узбекистан со натпревар помалку има 10 бода, следуваат со по четири Обединетите Арапски Емирати и Катар.

Капитенот на Манчестер Јунајтед, Бруно Фернандеш изјави дека новиот тренер Рубен Аморим доаѓа во вистонско време за да внесе нова енергија во клубот. .

Аморим официјално го презеде Јунајтед во понеделникот, претходно клубот го напушти Ерик тен Хаг поради лошите резултати.

„Направи нешто посебно во Спортинг. Ги гледав скоро сите натпревари на Спортинг, Аморим е некој кој ја врати возбудата во клубот, им донесе многу добри работи и се надевам дека ќе може да го направи истото и овде. По речиси 20 години ја освоија титулата“, изјави за Фернандеш на клупската телевизија.

Тој рече дека Манчестер има различни играчи и дека поради тоа може да игра на неколку начини.

„Сигурен сум дека идејата што ја има ќе ни донесе успех, без разлика на тоа како ќе играме. За мене е важна врската што ја има со играчите. Видовме како се простија од него, начинот на кој го третираат доволно зборува за тоа колку го почитуваат. Одеше на конференции и ги бранеше по лошите резултати“, изјави Фернандеш.

Португалскиот фудбалер не постигна гол на 13 натпревари оваа сезона во кои Тен Хаг го предводеше Манчестер, а потоа погоди четири пати во пет натпревари додека Руд ван Нистелрој привремено го водеше тимот.

Аморим на 24 ноември ќе дебитира на клупата на Манчестер Јунајтед во 12. коло од Премиер лигата против Ипсвич.

Манчестер се наоѓа на 13. место на табелата во Премиер лигата со 15 бодови, додека во Лига Европа е на 15. позиција со шест бодови.

Крилниот напаѓач на Наполи, Квича Кварацелија, може да го напушти италијанскиот состав иако има договор до 2027 година.

Според медиумите на „Чизмата“, претставниците на Барселона стапиле во контакт со 23-годишниот фудбалер за да ги дознаат условите за евентуален трансфер.

Грузиецот во сезонава има 12 натпревари на кои постигна пет голови и направи две асистенции.

Фудбалската репрезентација на Македонија ја совлада Летонија со 1-0 во петтиот натпревар од Лигата на нации и дефинитивно го обезбеди првото место во Лигата Ц, а направи и уште еден чекор кон дополнителен мундијалски бараж.

Стрелец на единствениот гол за триумф беше Никола Серафимов во 57. минута.

Селекторот Благоја Милевски уште еднаш порача дека за триумфот се заслужни фудбалерите кои уште еднаш го дадоа максимумот во националниот дрес.

„Честитки за фудбалерите, за истрајноста, за решителноста и за трпението, една тешка, но заслужена победа. Дефинитивно ја заслуживме, затоа што момците го вложија својот максимум и тоа на крајот даде резултат. Нова победа, без примен гол, тоа може да нѐ радува, затоа што имаме континуитет и сега веднаш ќе се насочиме кон последниот натпревар против Фарски Острови. Жал ми е што Елиф Елмас не можеше да продолжи, но горд сум што Македонија има таков фудбалер, затоа што презема ризик и стартуваше, самиот инсистираше, иако беше неизвесен“, изјави селекторот Благоја Милевски.

Челниците на Баерн Михен, Макс Еберл и Кристоф Фројнд до крајот на годината ќе ги завршат сите формалности околу новиот договор на Џамал Мусијала. Актуелниот договор на Мусијала со Баерн истекува во јуни 2026 година.

Мусијала е означен како главен играч во новиот проект на клубот, поради тоа ќе добие договор до 2030 година и зголемување на платат за 140 отсто.

Според актуелниот договор, годишната бруто плата на Мусијала изнесува околу 9.000.000 евра, со новиот договор клубот му нуди бруто плата во износ од 22.000.000 евра.

За споредба, повеќе од Мусијала во моментов заработуваат: Хари Кејн (24.000.000), Мануел Ноер, Лерој Сане, Џошуа Кимих (по 20.000.000), Кингсли Коман, Серж Гнабри (по 19.000.000), Леон Горецка (по 17.000.000), Ким, Дајо Упамекано, Жоао Палиња (по 16.000.000), Мајкл Олис (13.000.000) и Алфонсо Дејвис (11.000.000).

Баерн може ова да си го дозволи бидејќи од наваедените играчи, петмина сигурно од наредната сезона нема да бидат во Минхен. Станува збор за Ноер, Сане, Коман, Горецка и Дејвис.

Мусиала со овиот договор ќе стане вториот најплатен играч на Баерн, веднаш зад неприкосновениот Кејн.

Германските медиуми пишуваат дека во новиот договор на Мусијала нема да има откупна клаузула.