УЕФА ќе разговара за реформите во квалификациската фаза на
Светското првенство во Европа и за појавата на плеј-офот во Лигата
на нации, пренесува „АС“.

Денеска, во Нион ќе се одржи состанок на извршниот комитет на
организацијата. Ќе се разговара за прашањето за нов систем на
квалификации за Светското првенство. Од 2026 година на турнирот ќе учествуваат 48 екипи, од кои 16 европски. Поради ова, УЕФА сака да
направи промени во квалификациската фаза. Во прелиминарните
натпревари може да се создадат 12 групи по четири или пет екипи.

Репрезентациите кои ќе го заземат првото место ќе добијат директен
билет за Светското првенство, а останатите четири места ќе се играат
плеј-оф натпревари. Ова не е единствената опција, туку промените ќе
бидат насочени кон намалување на бројот на натпревари.

Исто така и УЕФА ќе размисли да направи промени во форматот на
Лигата на нации. Претходно, екипите кои го освоија првото место во групите од Лига А влегоа во фајналфор. Сега турнирот може да има
плеј-оф, во кој ќе учествуваат и екипите кои ќе ги заземат вторите
места.

Иако се чинеше дека после освојувањето на Светското првенство во Катар, Лионел Меси со сигурност ќе го продолжи договорот со Париз Сен Жермен, сепак последниве денови се појави информација дека аргентинскиот напаѓач ќе го напушти „Паркот на принцовите“.

Веста за заминувањето на Меси од ПСЖ, прв ја објави легендарниот спортски новинар Жерар Ромеро, а шпанска „Марка“ подоцна ја потврди истата.

Според пишувањето на „Марка“, Меси после освојувањето на светската титула со Аргентина, ги реализирал сите професионални цели, и до крајот на кариерата сакал да игра фудбал „за своја душа“.

Ова најверојатно значи дека легендарниот Аргентинец, посакува да се врати во Барселона каде е миленик на навивачите, и секогаш е добредојден на „Камп Ноу“.

Англиските медиуми пишуваат дека фудбалскиот клуб Манчестер Јунајтед нема да биде продаден за помалку од шест милијарди фунти, што е и порака од сопствениците на овај фудбалски гигант.

Семејството Глејзер кое нема големи симпатии кај навивачите на Јунајтед, јавно бара нови сопственици за клубот од „Олд Трафорд“, меѓутоа во пораките до јавноста се вели дека тоа семејство е подготвено да остане на кормилото на Манчестер Јунајтед, доколку не стигнат понуди кои би ги исполнувале бараните услови. Една од варијантите која се споменува е и таа, сопствениците на клубот да привлечат инвеститори кои би станале дел од сопственичката структура.

До сега во јавноста, свој интерес за купување на Манчестер Јунајтед искажа само британскиот милијардер Сер Џим Ретклиф, кој го поседува хемискиот гигант „Инеос“.

Фудбалскиот клуб Лидс Јунајтед ја испрати првата официјална понуда за играчот на Јувентус, Вестон МекКени, пренесува Скај Спорт Италија.

Според информациите од овај медиум, двете страни имаат сериозни разлики во однос на цената за американскиот интернационалец. Јувентус наводно е подготвен да се раздели со МекКени за сума од 35 милиони евра, додека понудата на Лидс за ангажман на фудбалерот изнсувала 28 милиони евра.

МекКени веќе се согласил за промена на средината и заминување во Премиер лигата, па сега останува двата клуба да ја одредат сумата која би ги задоволила двата клуба.

Френк Лампард нема намера да зема подолга пауза од тренерската работа после отказот кој пред неколку дена го доби во Евертон.

Според пишувањата во англискиот „Сан“, 44-годишниот тренер е отворен за нови понуди од клубови како од Англија така и од други европски земји.

Освен отказот од Евертон, Френк Лампард во 2021 после лошите резултати на екипата беше отпуштен и од Челзи.

Каи Хаверц би можел да го напушти Челзи ова лето.
Според „Скај Германија“, клубот веќе ја одредил цената за играчот за
која се наведува дека е 60 милиони евра.
Челзи бара да собере средства преку трансфери за да ги балансира
своите резерви по неодамнешното трошење пари со купување на
скапи засилувања.
Германецот се мачеше да напредува на „Стемфорд Бриџ“ откако се
пресели од Баер Леверкузен. Во трката за 23-годишниот фудбалер
треба да влезат ПСЖ и Јувентус, но Баерн е и натаму прв фаворит.

Англискиот премиерлигаш Брајтон, размислува за доведување на фудбалерот од Ливерпул, Алекс Окслејд-Чембрлејн.

Брајтон посакува ангажман на фудбалерот во јануарскиот трансфер период, но тоа ќе зависи од подготвеноста на Ливерпул да му дозволи напуштање на клубот без обештетување.

Окслејд-Чембрлејн на крајот од сезоната со сигурност го напушта „Енфилд“ бидејќи истекува неговиот договор, но ќе биде интересно дали Ливерпул е подготвен да му даде дозвола да си замине веднаш. Брајтон ја засили желбата за ангажман на Чембрлејн откако пред неколку дена го продаде Леандро Тросар во Арсенал.

Алекс Окслејд-Чембрлејн е член на Ливерпул од 2017 година, кога за 38 милиони евра пристигна од Арсенал.

Килијан Мбапе сака раководството на тимот да се обиде да го
ангажира играчот од средниот ред на Манчестер Сити, Бернардо
Силва, пренесува печатот на Островот.
Португалскиот интернационалец минатото лето беше блиску до
заминување од „граѓаните“ во правец на Барселона, но договор
никогаш не беше постигнат. Сепак, тој неодамна потврди дека ќе ја
преиспита својата иднина по завршувањето на сезоната и може да
замине во друга екипа.
Токму овие изјави го наведоа Мбапе да се обиде да ги убеди Кристоф
Галтие и Луис Кампос да направат се што е во нивна моќ за да го
донесат играчот во француската престолнина. Бернардо Силва е под
договор со Манчестер Сити до летото 2025 година, но Пеп Гвардиола
изјави дека нема намера да го задржи на сила доколку не сака да
остане на „Етихад“.

Ал Наср го обезбеди потписот на Кристиано Роналдо, но клубот од Саудиска Арабија сака да привлече уште неколку големи ѕвезди, а најголема желба е Лука Модриќ.

Лука Модриќ има 37 години, но се уште игра на врвно ниво во Реал Мадрид. Како што објави весникот „Оказ“, клубот од Саудиска Арабија на Модриќ му нуди 2,5-годишен договор тежок 100 милиони евра. Годишната плата на фудбалерот ќе биде околу 40 милиони евра.

Ал Наср сакал веднаш да го реализира трансферот во јануари, но Модриќ го одбил тоа и сака да остане во Реал.

Хрватот преферира да остане уште една година на „Сантиаго Бернабеу“, а доколку Реал не му понуди нов договор тогаш ќе ја прифати понудата од Ал Наср.

Капитенот на Тотенхем, Хари Кејн, очекува наскоро да започне разговори со челниците на клубот околу продолжување на неговиот договор.

Кејн на последниот натпревар на Тотенхем, го постигна својот 266.гол во дресот на лондончани, и го израмни клупскиот рекорд на Џими Гривс. Актуелниот договор на Кејн со Тотенхем истекува за 18 месеци, и се побројни се шпекулациите дека тој на лето би можел да го напушти Лондон.

Манчестер Јунајтед и Баерн Минхен се клубовите кои најчесто се поврзуваат со трансфер на англискиот голгетер, но Кејн напоменува дека негова цел е оваа сезона да освои трофеј со Тотенхем.

„Сигурен сум дека ќе има разговори во следните месеци. Јас сум фокусиран на оваа сезона и како да го дадам најдоброто за овај тим. Има уште многу да се игра до крајот на сезоната, и ние ќе пробаме да обезбедиме место во Лигата на шампиони, ни остануваат натпревари во ФА купот и дуели во Европа. Знам дека ќе има многу шпекулации и гласини околу мојата иднина, но мене ме интересира што можам да постигнам во моментот. Моја цел уште откако заиграв за првиот тим на Тотенхем е освојување на трофеи со овај тим“, изјави Кејн.