Дефанзивецот на Интер, Стефан де Врај е мета на интерес на Тотенхем. Менаџерот на лондончани, Антонио Конте е лично заинтересиран за услугите на холандскиот дефанзивец, кој беше негов тренер во италијанскиот клуб.

29-годишниот Де Врај игра за актуелниот италијански шампионат од 2018 година, кога „нероаѕурите“ го доведоа како слободен играч. Според информациите од Италија, Интер за неговата слобода ќе бара над 50 милиони евра.

Според угледниот „Скај Спортс“, екипата на Њукасл планира во јануари да го доведе искусниот напаѓач, Одион Игало.

Според изворот, враќањето на Игало во Премиер лигата ќе му помогне на тимот да ја подобри ефикасноста во нападот и на тој начин да се обезбеди опстанокот во најдобрата англиска лига. 

Нигерискиот напаѓач пред една година, како позајмен играч настапуваше за Манчестер Јунајтед, а сега е член на Ал Шабаб од Саудиска Арабија.

Игало,својата популарност во Англија ја стекна како член на екипата на Ватфорд од 2014 до 2017 година.

Играчот од средниот ред на Наполи, Лоренцо Инсиње, следната сезона може да се пресели во МЛС лигата. Како што објавија некои италијански медиуми, агентот на Инсиње добил примамлива понуда од канадскиот тим Торонто.

Договорот на играчот со наполитанскиот клуб е со важност до крајот на оваа сезона, па затоа Торонто би сакал да год оведе како слободен играч. Канаѓаните му понудиле на Инсиње 3-годишен договор со плата од 8 милиони евра годишно, што реално, е одлична понуда и за која италијанскиот репрезентативец треба сериозно да размисли.

Спортскиот весник „Мундо Депортиво“ ја пренесе веста дека Фудбалскиот клуб Барселона, официјална вест за трансферот на Феран Торес од редовите на Манчестер Сити, ќе ја објави на 27. декември.

Веќе за наредниот ден е планирана и презентација на Торес како играч на клубот од „Камп Ноу“. Според информациите, подготовките за настанот веќе се започнати.

Барселона за трансферот на 21-годишниот шпански репрезентативец ќе плати 55 милиони евра плус дополнителни 10 милиони во бонуси.

Ливерпул е силно заинтересиран за младата ѕвезда на Реал Мадрид, Едуардо Камавинга, пренесуваат медиумите на Островот.

19-годишниот Французин ова лето пристигна на „Сантиаго Бернабеу“ и веднаш го покажа својот квалитет, но има мала минутажа поради големата конкуренција во средниот ред на „кралевите“. Ливерпул сака да ја искористи таквата ситуација и спрема напад на Камавинга во зимскиот преоден рок.

„Камавинга и Валверде мора да напредуваат и да разберат дека тие ќе ја преземат лидерската улога во иднина. Камавинга има огромен квалитет и талент, но мора да учи и да добива искуство“, изјави Анчелоти.

„Црвените“ спремаат богата понуда, но тешко дека Реал ќе дозволи да го загуби еден од најголемите таленти во тимот.

Извршниот директор на Баерн Минхен, Оливер Кан, во интервју за германските медиуми изјави дека клубот не е заинтересиран за доведување на ѕвездата на Борусија Дортмунд, Ерлинг Халанд.

„Што ќе ни е Халанд, кога ние го имаме Левандовски“, изјавил Кан.

Роберт Левандовски иако има 33 години, продолжува да ги тресе мрежите во Бундеслигата. Неговиот договор со Баерн Минхен има важност до 2023 година.

Тихомир Костадинов ја продолжува кариерата во Пјас Гливици од Полска, тим со кој потпиша договор до 2025 година.

Костадинов се одлучи да го напушти Ружемборк каде што настапуваше во претходните четири сезони и сега 25-годишниот фудбалер од средниот добива нов предизвик.

„За мене ова беше лесна одлука. Сигурен сум дека правам чекор напред во кариерата. Пјаст е голем клуб и игра во силна лига, мило ми е што добивам ваква прилика. Се надевам ќе помогнам за подобри резултати на тимот“, изјави Костадинов.

Тренерот на Манчестер Сити, Пеп Гвардиола, на новинарско прашање во врска со потенцијални засилувања во нападот на тимот, одговори дека не планира доведување на нов голгетер во јануарскиот трансфер период.

„Нема да доведуваме ниту еден напаѓач оваа зима“, истакна шпанскиот тренер на прес конференцијата, каде меѓу другото го потврди и заминувањето на Феран Торес во Барселона.

После ова е јасно дека Манчестер Сити, остатокот на сезоната ќе го одигра со еден класичен центарфор – Габриел Жесус. Но Гвардиола повеќе пати во улога на напаѓачи ги користи и Фил Фоден како и Рахим Стерлинг.

Нема сомнеж дека популарните „Граѓани“, планираат засилување за следното лето и ќе припремат примамлива финансиска понуда за тоа. Останува да се види дали повторно ќе тргнат по Хари Кејн или во план се и Душан Влаховиќ, односно Ерлинг Халанд.

Германскиот канцелар, Олаф Шолц, соопшти дека сите спортски натпреварувања во Германија, започнувајќи од 28.декември ќе се играат без публика.

Оваа одлука е донесена поради ширењето на омикрон сојот на коронавирус.

„Големите меѓурегионални настани повеќе нема да можат да се одржуваат со присуство на публика. Тоа особено се однесува на фудбалските натпревари“, истакнува Шолц.

Германската фудбалска лига со натпревари продолжува на 7.јануари.

Легендарниот голман на италијанската репрезентација и на екипата на Јувентус, изјави дека пристигнувањето на Кристијано Роналдо во Јуве во 2018 година доведе до губење на тимската ДНК.

„Јувентус имаше шанса да ја освои Лигата на шампионите во првата година кога дојде Роналдо, тоа беше годината кога бев во Пари Сен Жермен и не можев да сфатам што се случи. Кога се вратив, работев со Роналдо две години и добро се снајдовме заедно, но мислам дека Јувентус ја загуби својата ДНК како тим. Стигнавме до финалето на Лигата на шампионите во 2017 година бидејќи бевме тим полн со искуство, но пред се генерално бевме едно, имаше голема конкуренција во составот. Со доаѓањето на Кристијано го загубивме тоа“, изјави Буфон.

Роналдо во дресот на „бјанконерите“ постигна 101 гол на 135 натпревари и два пати беше освојувач на Серија А. Но клубот со Роналдо во своите редови, три години не успеа да го мине четвртфиналето во Лигата на шампионите.