Младиот фудбалер на Аталанта, Расмус Хојлунд, влегува во плановите на Баерн Минхен објавија денеска медиумите во Италија и Германија.  

20-годишниот Данец има одлична сезона во Серија А со што го привлече вниманието на фудбалските гиганти. Според наведеното, за неговите услуги се заинтересирани и Манчестер Јунајтед, Јувентус, Арсенал и Реал Мадрид.

Напаѓачот има одиграно 34 мечеви за екипата од Бергамо. Тој 14-ет пати се запиша во листата на стрелците.

Дефанзивецот на фудбалскиот состав Ливерпул, Енди Робертсон, проценува дека лошите партии на гостински терен се главната причина за малиот број на освоени бодови и загубената трка за титулата.

Неговиот тим има одличен eфект на домашен терен додека на гостувањата главно остана со празни раце.

„Го знаеме проблемот и треба да го кореиграме. Мора да се поправиме до крајот на сезоната. Ако сакаме да се бориме за висок пласман мора мора да освоиме бодови и надвор од дома“ – потенцираше левиот бек на „црвените“.

Напаѓачот на Наполи, Виктор Осимен, кој ја загуби маската за лицето што ја носеше од безбедносни причини по тешката повреда на мечот со Милан, сега ќе добие нова.

Имено, Руџеро, која ја направи изгубената маска, на Инстаграм се пофали дека сега подготвил нова  која набрзо ќе ја испорача до ѕвездата на Наполи. На маската се испишани иницијалите на напаѓачот и неговиот број 09.

Претходно навивачите на лидерот почнаа да веруваат дека маската му носи среќа на голгетерот и почнале нашироко да ја практикуваат.

ПСЖ и Манчестер Јунајтед покажуваат сериозен инетерес за шпанскиот репрезентативец и дефанзивец на Виљареал, Пау Торес.

ПСЖ сака да ја засили одбраната, а Торес е прв на листата желба бидејќи клубот во него гледа идеален наследник на Серхио Рамос. 25-годишниот Шпанец се етаблираше во еден од најдобрите дефанзивци во Примера и го привлече вниманието на многу европски гиганти.

Манчестер Јунајтед пак бара замена за Мегваер и веќе подолго време ги следи настапите на Пау Торес, па сака да го доведе на „Олд Трафорд“.

Виљареал за неговата слобода бара 50 милиони евра, сума која споменатите клубови нема да имаат проблем да ја платат.

Шпанската Севиља ја разгледува можноста да го придобие аргентинскиот напаѓач од италијанскиот Наполи, Џовани Симеоне. 

Според изворот, спортскиот директор на Севиља, Мончи, бара опции за засилување на тимот во претстојниот летен преоден рок поради незадоволителните резултати на клубот оваа сезона. Посебно внимание е посветено на Симеоне, кој е син на тренерот на Атлетико Мадрид, Диего Симеоне.

Џовани Симеоне (27) оваа сезона има 26 настапи за Наполи, играјќи само 669 минути на теренот. Аргентинскиот напаѓач постигна осум гола. Договорот на Симеоне со Верона од коде е позајмен во Наполи е до 2026 година.

Ливерпул и Челзи го одиграа четвртиот натпревар во низа без голови (два од тие четири претходно беа одлучени на пенали).

Во стартниот состав на Ливерпул не беа Салах, Робертсон, Гакпо и Арнолд, а германскиот стратег по натпреварот појасни дека на одредени фудбалери потребен им е одмор. Клоп од доаѓањето во Ливерпул констатно напредуваше и се бореше за титли. Сезонава првпат не може да се бори за трофеј, а веројатно нема да игра ниту во Европа следната сезона.

Германецот призна дека од кога е тренер на Ливерпул немал ваква сезона.

„Не, му благодарам на Бог. Не би бил тренер на Ливерпул ако имав неколку вакви сезони. Но, мораме да се подигнеме. Таков е животот, морате да се борите да ја промените својата среќа.

Секако дека не очекував тим со шест промени да одигра најдобар натпревар во сезоната. Всушнсот видов два тима без самодоверба. Но, имаше и добри работи. Се боревме и мораме така да продолжиме. Понекогаш и малите чекори се важни“, изјави Клоп.

Јувентус најверојатно ќе се раздели со голманот Војчех Шчешни на лето.

Јувентус има финансиски проблеми и сака да ги намали расходите за плати, а Шчешни е еден од најдоброплатените во тимот. Најголема желба е секако Донарума, но „бјанконерите“ не можат да си ја дозволат неговата висока плата.

Во моментов се разгледуваат две варијатни, првата е Марко Карнезеки од Аталанта, кој игра одлична сезона во Кремонезе. Вториот избор Гилермо Викарио од Емполи, кој исто така игра одлично сезонава.

Матија Перин сигурно ќе остане во Јувентус, но и понатаму ќе ја има улогата на втор голман.

Раководството на Нотингем Форест наводно размислува да го отпушти Стив Купер и да го замени со Патрик Виеира како главен тренер на клубот.

Според информациите, раководството на премиерлигашот размислува да го отпушти 43-годишниот Велшанец и да го замени со поранешниот тренер на Кристал Палас.

Нотингем Форест синоќа претрпе пораз од Лидс со 2-1, а клубот моментално е на 17. место во Премиер лигата.

Ајакс загуби во големото дерби со Феенорд и практично остана без шанси за титулата во домашното првнество, но последниот кикс против Го Ахед Иглс дополнително ги разгоре критиките во Амстердам, а тука особено до израз доаѓа Весли Снајдер.

Легендарниот играч за врска речиси цела сезона го критикува Душан Тадиќ, но сега посебно жестоко го нападна капитенот, со напомена дека веќе не може да го гледа како игра на теренот.

Ајакс едноставно не е ист тим по заминувањето на Ерик Тен Хаг, неговиот наследниот Шрудер брзо доби отказ, но тимот не бележи прогрес и под водство на Џони Хејтинга.

„Многу го сакам Џон Хејтинга, но за жал повторно гледам моменти како ова да е истиот тим кој го водеше Шрудер. Повторно се прават истите промени, повторно играта се врти околу Душан Тадиќ. Верувајте ми, немам ништо против Србите, имам многу пријатели од оваа земја, но мислам дека е доста. Не можам да го гледам, ако се бараат виновници зошто Ајакс не победува, тој е на врвот. Веднаш би се ослободил од него“, вели Снајдер.

По последниот кикс, Ајакс има осум бода помалку од лидерот Феенорд и јасно е дека одбраната на титулата се претвора во невозможна мисија.

Крис Смолинг би можел да го напушти клубот на крајот на сезоната.

Договорот на Смолинг истекува на крајот на сезоната, а двете страни не можат да најдат заеднички јазик за продолжување на соработката. Интерес за него покажуваат неколку клубови од Премиер лигата, како и Интер, па се уште не донел конечна одлука каде ќе ја продолжи кариерата.

Во слична ситуација е и Пауло Дибала, кој сигурно ќе ја напушти Рома доколку тимот не обезбеди пласман во Лигата на шампиони.

Агентот на Дибала веќе стапил во контакт со неколку европски клубови, а доколку Рома не заврши во Топ 4 тогаш Аргентинецот може да си замине за симболична сума.