Челзи е во потрага по нов менаџер по отказот на англискиот стручњак Греам Потер. Според „Мирор“, Португалецот Марко Силва може да го води клубот, тој се смета за еден од најверојатните кандидати за оваа функција. Силва е на чело на Фулам од 2021 година и го предводеше тимот во Премиер лигата. Челзи исто така беше заинтересиран за Маурисио Покетино, Јулијан Нагелсман и Де Зерби.

Марко Силва претходно беше тренер на Есторил и Спортинг во Португалија, како и на Олимпијакос во Грција и Хал Сити, Вотфорд и Евертон во Англија. Неговиот учинок вклучува освојување на Купот на Португалија со Спортинг во 2015 година, шампионски титули во грчкото првенство со Олимпијакос во сезоната 2014/2015 и освојување на португалската втора лига со Есторил.

Челзи во неделата објави оставка на Греам Потер. 47-годишниот Потер го презеде лондонскиот клуб во септември 2022 година, заменувајќи го Германецот Томас Тухел како главен тренер. Договорот на Англичанецот беше до 30 јуни 2027 година, но беше предвреме прекинат.

Голманот на Атлетико Мадрид, Јан Облак беше во стартниот состав на својата екипа на натпреварот од Ла Лига против Бетис.

Словенечкиот голман го одигра својот 389. натпревар за тимот, земајќи ги предвид сите турнири на кои учествуваше Атлетико со Облак на голот. Така, Јан Облак го израмни клупскиот рекорд по бројот на настапи на странски играчи за клубот, кој претходно го држеше дефанзивецот Диего Годин.

Во следното коло од Ла Лига, Атлетико Мадрид ќе игра против Рајо Ваљекано и секако Облак ќе има можност да се искачи на врвот на оваа ранглиста пред Годин. Екипата на Атлетико Мадрид го зазема третото место на табелата во шампионатот на Шпанија.

Напаѓачот на Манчестер Сити и норвешки репрезентативец, Ерлинг Халанд, на крајот од март месец потпиша спонзорски договор кој би можел да биде најголем во историјата на фудбалот.

Според информациите од некои познати спортски медиуми, Халанд потпишал десетгодишен договор со компанијата Најк според кој ќе заработува повеќе од 22,7 милиони евра.

Веќе подолг период конкурентските компаниии на американската фирма, Адидас и Пума се обидуваа да направат соработка со Норвежанецот, меѓутоа Најк на крајот ја доби битката и го обезбеди потписот со фудбалерот.

Освен со Халанд, во „екипата“ на Најк се Килијан Мбапе, Маркус Рашфорд, Хари Кејн, Кевин Де Брујне, Кристијано Роналдо.

Британските медиуми пренесуваат дека фудбалерот на Ливерпул, Наби Кеита на крајот од сезоната ќе си замине од Енфилд поради фактот што англискиот клуб нема намера да го продолжи договорот со репрезентативецот на Гвинеја.

28-годишниот Кеита пристигна во Ливерпул во 2018.година како големо засилување, кое клубот го чинеше 60 милиони евра, а на 30.јуни ќе си замине како слободен играч без обештетување.

Тој за пет години престој во тимот на Енфилд одигра 129 натпревари и постигна 11 гола.

Жоао Феликс се пресели во Челзи, каде ќе игра на позајмица со крајот на сезоната.

Феликс сакаше да ја промени средината, па Атлетико се согласи да го пушти на позајмица, но без дефинирана опција за откуп на крајот на сезоната. Атлетико за неговата слобода бара 100 милиони евра, со оглед на фактот дека самиот фудбалер не сака да се врати во Мадрид.

Челзи сака да го откупи, но сега во трката за неговиот потпис се вклучи и Манчестер Јунајтед, кој сака да го „украде“ пред носот на „сините“.

Челзи ќе има предност во преговорите, но наводно не може да понуди повеќе од 80 милиони, додека Јунајтед е спремен да ја плати сумата од 100 милиони евра која ја бараат „јорганџиите“.

Милан е силно заинтересиран за плејмејкерот на Реал Мадрид, Дани Себаљос, пренесуваат шпанските медиуми.

Себаљос влезе во последната година од договорот со Реал Мадрид и на лето ќе си замине од клубот како слободен агент. Милан бара засилување за средниот ред, а Пиоли верува дека Шпанцеот иделано ќе се вклопи во неговиот стил на игра.

„Росонерите“ наскоро ќе стапат во контакт со агентот на Себаљос и ќе започнат преговори, но ќе треба да ја победат конкуренцијата.

Имено, силен интерес за Себаљос покажува и Јувентус, па на лето ќе гледаме италијанско дерби за потписот на Шпанецот.

Претседателот на УЕФА, Александар Чеферин, не сака да го коментира за скандалот со ФК Барселона.

„Не можам  да коментирам од две причини. Прво, затоа што имаме независна дисциплинска комисија. И второ, затоа што не ја знам темата“, вели Чеферин.

Поранешните претседатели Хосеп Марија Бартомеу и Сандро Росел се обвинети дека на Хозе Негреира, поранешен потпретседател на шпанската судиска комисија и на неговата компанија им исплатиле вкупно 8,4 милиони евра.

Екипите од Серија А платиле вкупно 205,7 милиони евра провизии на фудбалски агенти за цела 2022 година, според извештајот објавен од Италијанската фудбалска федерација.

Сумата е рекордна во овој поглед, бидејќи претходното врвно достигнување за италијанската елита беше во 2019 година – 187 милиони евра. Во 2020 година, како резултат на пандемијата на коронавирус, провизиите паднаа на 138 милиони евра, а една година подоцна износот изнесуваше 173 милиони евра. За минатата година убедлив лидер по исплатените пари на фудбалски агенти меѓу калчо тимовите беше Јувентус со 51,3 милиони евра. Најверојатно главен придонес за ова имаат трансферите на Пол Погба и Анхел Ди Марија како слободни играчи. На второ место е Рома со 21,1 милиони евра, а минатото лето тие потпишаа со слободни агенти како Паоло Дибала, Немања Матиќ и Андреа Белоти.

Топ 3 ја комплетира Интер од каде платиле 20,6 милиони евра. Само овие три клуба поделија 93 милиони евра платени провизии или 45% од вкупната сума од 205,7 милиони евра. Четврта на ова рангирање е Фиорентина со 13,6 милиони евра. Лидерот во Серија А, Наполи е петти со 12,5 милиони евра, додека актуелниот шампион Милан е шести со 12 милиони евра. На дното на рангирањето се два дебитанти – Кремонезе со 2,8 милиони евра и Лече со 2,4 милиони евра, како и Торино чија уплатена сума од 2 милиони евра е најмала во Калчо лигата.

Хозе Рохо „Пачета“ од денеска повеќе не е тренер на шпански Ваљадолид. По катастрофалниот пораз од Реал Мадрид со 6-0 на „Сантијаго Бернабеу“, клубот денеска реши да се раздели со стратегот кој го врати Ваљадолид во елитата.

„Ваљадолид го цени периодот кој тренерот го помина на кормилото и го врати клубот во Ла Лига. Ова е тешка одлука поради сето она што значи Пачета за нашиот клуб. Во неговите 75 официјални натпревари тој изгради спортски и приврзан однос со Ваљадолид кој ќе остане засекогаш како дел од историјата“, се вели во клупското соопштение. Засега нема официјално назначено негов заменик.

Маурицио Почетино, Зинедин Зидан, Марко Силва и Јулијан Нагелсман се имињата кои најчесто се споменуваат како можни кандидати за преземање на клупата на Челзи. Пред лондонските гиганти да го решат тоа прашање, мораат да се справат со заминувањето на Потер, со кого потпишаа скапо петгодишно партнерство.

Челзи постигнал договор со Потер и нема да мора да плати отпремнина што би претставувало невидено скапа разделба меѓу менаџерот и клубот. Се проценуваше дека Челзи ќе треба да плати околу 50 милиони фунти за да се ослободи од Потер, кој добиваше 12 милиони фунти годишно.

Сепак, тоа нема да се случи, затоа што било договорено Потер са добие 21,5 милиони фунти на име обештетување, но и таа бројка е светски рекорд за тренери кои останале без работа.