Фудбалерите на Манчестер Јунајтед сакаат Руд ван Нистелрој да остане во стручниот штаб кога новиот менаџер Рубен Аморим ќе го преземе тимот.

Играчите сакаат Холанѓанецот да стане дел од стручниот штаб за да биде нивен посредник во комуникацијата со новиот менаџер, бидејќи сега одлично се сложуваат, пренесе „Скај спорт“.

Руд Ван Нистелрој моментално ја извршува функцијата менаџер на Јунајтед на привремена основа, а на таа позиција дојде по отказот на Ерик Тен Хаг.

Под водство на Холанѓанецот, Јунајтед најпрвин го совлада Лестер со 5:2 во Купот, а потоа ремизираше со Челси 1:1 во Премиер лигата.

Тој ги воодушеви навивачите со страста што ја покажа по головите на неговиот тим, што не треба да чуди бидејќи слично однесување покажа и кога беше напаѓач во дресот на „црвените ѓаволи“.

Рубен Аморин ќе го предводи тимот на Спортинг Лисабон до 11 ноември, кога почнува двонеделната репрезентативна пауза, по што ќе седне на клупата на Манчестер Јунајтед.

Френки де Јонг го извести клубот за неговата желба да остане на Камп Ноу. Холанѓанецот нема намера да разгледува други понуди по крајот на сезоната, пишуваат медиумите во Шпанија.

Двете страни се во активни преговори за обновување на договорот со Де Јонг. Актуелниот договор на играчот од средниот ред е до летото 2026 година.

Пред почетокот на сезоната Барселона сакаше да продаде еден од своите главни играчи. Ова го разочара Де Јонг и тој самиот беше подготвен да си замине, но сега ситуацијата е поинаква.

Играчот од средниот ред пристигна во Барселона во 2019 година и досега има 218 настапи во сите натпреварувања.

Скопски Вардар вчера реши да се раздели со Срѓан Захариевски.

Последниот неуспех на гостувањето во Битола резултираше со спогодбена разделба меѓу двете страни, а Вардар рано утрово ги извеси своите фанови дека нов тренер ќе биде поранешниот македонски репрезентативец, Гоце Седлоски.

Седловски го водеше Вардар од 2015-та до 2017-та година и освои две шампионски титули, па сега после седум години се враќа на местото на кое ги оствари најдобрите резултати во тренерската кариера.

Гоце во меѓувреме ги водеше и Работнички и Шкупи во Првата македонска фудаблска лига, а сега токму против чаирчани ќе го има второто деби на клупата на Вардар.

Артуро Видал и неговите соиграчи од Коло Коло се осомничени за сексуален напад врз жена на забава, објави канцеларијата на државниот обвинител во Сантијаго де Чиле.

Во кусото соопштение, обвинителството наведува дека „има извештај за сексуален напад“ насочен кон „играчите на Коло Коло“, вклучително и Видал, но „не се уапсени“. Имињата на другите инволвирани играчи не се објавени.

Според извештаите на локалните медиуми, сексуалниот напад се случил во раните утрински часови во понеделникот во ноќен клуб во Сантијаго, каде група играчи на Коло Кола правеле забава.

Како што јави Radio ADN, неименуваната 22-годишна девојка тврди дека била дрогирана во барот во квартото Витакура во чилеанската престолнина.

Полицискиот полковник Херардо Аравена изјави за новинарите дека Видал бил доведен во полициска станица за проверка на идентитетот. Додаде дека станува збор за стандардна полициска процедура кога едно лице е осомничено дека извршило или се обидело да изврши кривично дело.

Лионел Меси би можел да се врати во Барселона пред Светското првенство во 2026 година.

Договорот на напаѓачот со клубот од МЛС истекува на 31 декември 2025 година, тогаш тој ќе има 39 години. По ова, Меси може да го напушти Мајами и да замине во Барселона како слободен играч за подобро да се подготви за последното Светско првенство во кариерата.

Наводно оваа опција е поздравена лично од претседателот на каталонскиот клуб, Жоан Лапорта.

Меси играше за нив од 2004 до 2021 година. За клубот настапи на 778 натпревари, постигна 672 гола и 303 асистенции. Со каталонскиот клуб, Аргентинецот стана 10-кратен шампион на Шпанија и 4-кратен освојувач на Лигата на шампионите.

Алфонсо Дејвис, левиот бек на Баерн, по завршувањето на сезоната како слободен играч ќе го напушти клубот. Долго време траеја преговорите меѓу двете страни, а откако Канаѓанецот ги одби сите понуди, Баерн се помири со неговото заминување.

Дејвис, од моментот кога стана јасно дека ќе го напушти Баерн, медиумите го поврзуваат со Реал Мадрид. Тој јавно никогаш не е се изјаснил по ова прашање, но јасно беше дека преферира трансфер на „Сантијаго Бернабеу“.

Во понеделникот, шпанските медиуми пишуваат дека Дејвис се премислил и дека сега сака да се пресели во Барселона. Дејвис во минатото имаше можност да работи со актуелниот тренер на Барселона, Ханси Флик.

Дејвис е во Баерн од 2019 година и има одиграно 208 натпревари за германскиот тим.

Минхенски Баерн во четвртото коло од Лигата на шампионите во Германија ќе го пречека Шахтјор и наместо да има голема поддршка од своите навивачи, како што стојат работите, тие ќе отсуствуваат

Баварците ќе му гостуваат на Шахтјор на стадионот на Шалке каде што се домаќини.

Навивачите на Баерн решија да го бојкотираат овој натпревар, но не поради политички или други причини, туку поради цената на билетите.

Цената на билетите за натпреварот во Гелзенкирхен започнува од 52 евра па нагоре, додека во Минхен најниската цена е само 19 евра.

Медиумите во Италија денеска се обидуваат да го пронајдат заменикот на Иван Јуриќ доколку челниците на фудбалскиот состав Рома се определат да му врачат отказ по серијата на лоши резултати.

Прв на списокот е поранешниот менаџер на Челзи и на Евертон, Френк Лампард. Тука се споменува и португалскиот тренер, Пауло Соуса , кој работеше во Серија А на чело на Фиорентина и Салернитана а сега го води тимот на Шабаб Ал Ахли од ОАЕ.

Меѓу имињата за можен тренер на „волчицата“ се издвојуваат и Роберто Манчини, Един Терзиќ, Масимилијано Алегри и Маурицио Сари.

Срѓан Захариевски, денеска си замина од клупата на фудбалскиот состав Вардар. 51-годишниот стратег на девет натпревари забележа само една победа.

„Захариевски не е повеќе тренер на Вардар. По вчерашниот пораз од Пелистер, двете страни спогодбено ја прекинаа соработката. За личности како Захариевски вратите во Вардар секогаш ќе бидат отворени“ – стои во објавата на „црвено-црните“.

Захариевски беше третиот тренер кој во сезонава ја водеше екипата по Горазд Михаилов и Горан Петрески. Вардарци кои се последни на табелата, в сабота ги очекува меч со Шкупи.

Иако дојде пред само неколку кола, Берат Имери не издржа многу на клупата на македонскиот прволигаш. По денешниот пораз од Струга Трим Љум, тој си поднесе оставка од тренерската позиција.

„Берат Имери поднесе оставка од тренерската функција. Имери изјави дека ја презема одговорноста за негативните резултати на тимот со поднесување на тренерска оставка и воедно му посакува успех на клубот во иднина“, објави Беса.

Имери е вториот тренер оваа сезона кој заминува од Беса. Сезоната ја почна Александар Таневски, кој со тимот обезбеди историски пласман во елитата.