Иван Перишиќ вели дека нема намера да се врати во германскиот шампион Баерн. Хрватското крило има поголема минутажа во Интер и засега не размислува за заминување.

Перишиќ не е заинтересиран за враќање во Баерн и засега ќе чека од Интер да му понудат нов договор.

Неговиот договор со Интер истекува на крајот од оваа сезона и не се знае дали Интер ќе му понуди нов.

Сосема е сигурно дека екипата на Барселона во своите редови ќе го доведе играчот на Ривер Плата, Хулијан Алварез.

Претставници на каталонскиот клуб веќе се во Аргентина на преговори со челниците на Ривер Плата со цел доведување на популарниот „пајак“ на „Камп Ноу“ во зимскиот трансфер период.

Алварез е во последната година од договорот со шампионот на Аргентина и неговата откупна клаузула изнесува 25 милиони евра. Но од Барселона се надеваат дека за негово доведување ќе бидат доволни 15 милиони евра.

Хулијан Алварез е еден од најдобрите аргентински напаѓачи во моментов. Тој во шампионската сезона на Ривер Плата одигра 44 натпревари и забележа 21 гол и 7 асистенции.

Капитенот на Реал Мадрид, Карим Бензема се врати на тренизните и ќе биде спремен за настап на  градското дерби со Атлетико Мадрид.

Францускиот напаѓач го пропушти натпреварот со Интер во Лигата на шампионите  поради повреда на бутниот мускул, но според информациите од „кралскиот клуб“ тој веќе се опоравил и се очекува да игра против тимот на Диего Симеоне.

Реал Мадрид се наоѓа на чело од првенствената табела со освоени 39 бодови, додека Атлетико Мадрид е четврт со 29 бода.

Жорди Алба се повреди во натпреварот помеѓу Баерн и Барселона (3-0) во средата во натпреварот од Лигата на шампионите.

Поради таа повреда Алба нема да биде во конкуренција за настап до крајот на годината. 32-годишникот заработи истегнување на мускулот и ќе паузира околу еден месец. Алба така ќе ги пропушти натпреварите во Ла Лига против Осасуона, Елче и Севиља. Нема да биде во комбинација и за настап на пријателскиот натпревар против Бока Јуниорс на 14. декември на „Диего Марадона“.

Очекувањата се Алба да се врати на почетокот на 2022 година. Сезонава одигра 16 натпревари запиша пет асистенции, но се уште е без постигнат гол. Неговата повреда ќе биде само уште еден проблем за тимот на Чави кој испадна од Лигата на шампионите не е баш најдобро пласиран во домашното првенство.

Манчестер Јунајтед е еден од четирите клубови од Премиер лигата кои покажуваат интерес за услугите на Португалецот, Жоао Феликс.

Тренерот Ралф Рангник е голем фан на 22-годишниот фудбалер кој одлично би се вклопил во системот на игра кој го практикува Германецот.

Освен тимот од „Олд Трафорд“ за младиот Португалец се интересираат и Ливерпул, Арсенал и Њукасл. 

Од Атлетико Мадрид веќе соопштија дека нема да го стопираат заминувањето на Феликс од клубот, но само ако за него пристигне сериозна финансиска понуда.

Напаѓачот на Милан, Златан Ибрахимовиќ е многу блиску да стане само третиот играч кој постигнал најмалку 300 гола настапувајќи за тимови од 5-те најдобри фудбалски лиги во Европа.

Вакво достигнување засега имаат остварено само Кристијано Роналдо и Лионел Меси.

Роналдо има постигнато 482 гола, 311 за Реал Мадрид, 81 за Јувентус и 90 за Манчестер Јунајтед. Меси скоро сите свои голови ги постигнал во дресот на Барселона 474 и еден за Париз Сен Жермен.

Ибрахимовиќ во моментот има 299 голови и ќе има можност да им се приклучи на Роналдо и Меси веќе на натпреварот кој Милан го игра со Удинезе.

Златан има постигнато 23 гола играјќи за Јувентус, 57 за Интер, 16 за Барселона, 113 за ПСЖ, 17 за Манчестер Јунајтед и 73 за Милан.

Англискиот премиерлигаш Евертон започнал разговори со Јувентус околу можен трансфер за Арон Ремзи.

Италијанските медиуми пренесуваат дека менаџерот на велшкиот репрезентативец последниве недели водел интензивни преговори со претставниците на Евертон истакнувајќи дека Рамзи сака да се врати во Англија.

Тренерот на Евертон, Бенитез, сака да го доведе Арон Ремзи во јануари за да помогне на екипата да не дојде во позиција да се бори за опстанок во Премиер лигата.

Екипата на Барселона планира да продаде неколку играчи за да добие финансиски средства доколку сака да донесе засилувања во јануари.

Каталонците имаат намера да ги продадат Самуел Умтити, Сержио Дест, Кутињо и Оскар Мингеса. Изгледно е дека клубот ќе се ослободи и од Лук Де Јонг кој игра како позајмен играч од Севиља.

Со продажбата на овие играчи, Барселона би имала доволно пари за купување на Феран Торес од Манчестер Сити, како и некои други играчи кои би ја засилиле екипата во продолжението на сезоната.

Ралф Рангник откри дека Пол Погба ќе се врати во Велика Британија во текот на викендот, но, ќе може да продолжи со тренинзите за околу две недели.

„Тој досега беше во Дубаи. Треба да полета денес. Очекувам да го видам в недела. Разговаравме на телефон. Тој е подобар иако ќе му требаат уште две недели пред да може да тренира и уште толку за да биде подготвен за игра“,  изјави Рангник за состојбата на Французинот.

„Црвените ѓаволи“ утре ќе гостуваат кај Норвич со надеж дека ќе ја забележат трета последователна победа во Премиер –лигата.

Интер започна преговори за двајца играчи на Сасуоло – напаѓачот, Џанлука Скамака и Давиде Фратези кој дејствува во средината на теренот.

Според наведеното, двајцата во јануарскиот преоден рок се главните трансфер цели на италијанскиот шампион. „Нероаѕурите“ поради финансиски потешкотии сакаат првo да ги ангажираат на позајмица а потоа да им ги откупат правата.

Скамака за италијанската репрезентација има 16 натпревари и 5 голови. Неговата цена е 40 милиони евра. Фратези нема одредена цена. Тој во сезонава во сите конкуренции одигра 17 натпревари и постигна 3 гола.