Шкупи денес го претстави Бесник Ферати како ново засилување.

За 21-годишниот фудбалер за врска ова е враќање во Чаир после неколку години. Ферати со Шкупи потпиша договор на една ипол година.

„Среќен сум што се враќам во тимот на Шкупи. Доаѓањето во овој клуб за мене носи посебна емоција и се надевам дека ќе имам успеси. Убеден сум дека ќе продолжиме со добрата работа. Ќе се обидам да дадам максимум за дресот кој за мене е посебен“, изјави Ферати.

Ферати доаѓа од редовите на Академија Пандев, инаку е член и на репрезентацијата до 21 година.

Реал Мадрид се пласираше во финалето на шпанскиот Суперкуп, откако ја совлада Барселона со 3-2 по продолженија во Саудиска Арабија.

Тренерот Карло Анчелоти е задоволен поради победата на неговите избраници, па по дуелот даде кратка изјава.

„Мислам дека Барселона не играше добро. Тие напаѓаа преку контра-напади, додека ние седевме длабоко за да може да искористиме некоја контра, што се покажа како продуктивно. Како што кажав претходно, пресингот е тежок за нас поради фудбалерите за врска. Создадовме доволно шанси и постигнавме три квалитетни голови“, кажа Анчелоти.

Италијанецот доби прашање од шпанските новинари и за конфликтот кој го имаше со Жерар Пике, кога Барселона не ја исфрли топката, иако Винисиус Жуниор беше повреден.

„Му бев лут на Пике и му кажав зошто. Требаше да ја исфрли топката како што ние направивме во првото полувреме. Тој ми кажа дека никогаш не ја исфрлале топката надвор од игра во таква ситуација и се извини“, открива Италијанецот.

Ѕвездата на Манчестер Јунајтед излезе со изјава дека е неприфатливо за клуб со такво реноме да се стреми кон помал пласман од Топ 3 во Премиер лигата и истакна дека тој не е во тимот за да биде на седмото место.

Клубот од „Олд Трафорд“ има доста разочарувачка сезона со лоши резултати кои беа причина и за смена на тренерот Солскјер кој во декември беше заменет од германецот Рангник.

 „Не прифаќам дека нашиот менталитет е таков да целиме на нешто помалку од првите три позиции во Премиер лигата. Се надевам дека Јунајтед може да го подигне нивото и да биде она што го сакаат навивачите“, изјави Роналдо.

Новиот тренер Ралф Рангник победи на четири од седум натпревари и прими само три гола, но екипата и натаму е седма во Премиер лигата, со 22 бода зад лидерот Манчестер Сити.

Медиумите во Италија излегоја со информација дека поранешниот тренер на Рома, е можен кандидат да го замени Шевченко на клупата на Џенова.

Актуелниот тренер на екипата, Андриј Шевченко, кој пристигна во Џенова пред само два месеци е блиску до отказ по серијата лоши резултати. Тој откако ја презеде клупата на тимот има скор од 6 порази, 3 нерешени средби и само една победа.

Потенцијално новиот тренер Гарсија, после тренерската работа во Рома, замина во Франција каде ја водеше екипата на Лион.

Црвена Звезда се засили со италијанскиот десен бек на Валенсија, Кристијан Пичини.

Според информациите со кои располагаат српските медиуми се е решено, останува само да се средат документите и да се официјализира трансферот .

Пичини со Звезда ќе потпише договор до 2024 година и е второто големо засилување за овој тим, по ангажирањето на Охио Омоижианфа кој дојде од Молде и игра како напаѓач.

Пред Валенсија ги носеше дресовите на Фиорентина, Специја, Ливорно, Бетис, Спортинг и Аталанта, а во Белград ќе заработува 600.000 евра по сезона.

Ревизорската куќа – „ПМГ“, објави дека Манчестер Сити за прв пат во историјата остварил поголеми приходи од градскиот ривал, Манчестер Јунајтед.

Тоа се однесува на сезоната 2020/21 кога „граѓаните“ инкасирале дури 73 милиони фунти повеќе во однос на претходната.

Тимот од „Етихад“ доби 108 милиони фунти за пласманот во финалето на Лигата на шампионите додека приходите од телевизиските права му се зголемени за 55%.  Приходите од реклами достигнале 255 милиони.

Според познатиот фудбалски новинар, Фабрицио Романо, екипата на Рајо Ваљекано добила висока понуда за трансфер на нашиот Столе Димитриевски.

За голманот на Рајо и македонската фудбалска репрезентација, сериозен интерес пројавил тимот на Ал Наср од Саудијска Арабија кој понудил 3,5 милиони фунти за ангажирање на Димитриевски.

Новинарот пренесува дека мали се шансите шпанскиот клуб да го продаде Столе Димитриевски и ќе инсистира на негово останување во екипата.

Досегашниот член на ракометниот клуб Металург, Милан Лазаревски, потпиша договор со Тимо Требње од Словенија.

24-годишниот Лазаревски ја прифати понудата од Словенија, и за прв пат ќе настапува за клуб надвор од Македонија. Тој во Тримо Требње се очекува да биде замена за повредениот Лан Грбиќ на позицијата пикер.

Екипата на Требње е водена од легендата на словенечкиот ракомет, Урош Зорман и се наоѓаат на втората позиција од табелата, зад тимот на Цеље.

Бројни судиски грешки го одбележаа вечерва дуелот од воведното коло во групата Ф во рамки на африканскиот Куп на нации меѓу Мали и Тунис (1-0), а пропустите кулминираа во финишот кога арбитерот во два наврати предвреме отсвири крајот на натпреварот.

Мали ја обезбеди победата преку пенал што во 48. минута го реализираше Ибрахим Коне, а Тунис на ист начин можеше да возврати во 77. минута, но Вахби Казри биеше непрецизно од белата точка.

Во крупен план на овој натпревар, сепак, беше главниот судија Џани Сиказве, кој со многу грешки го водеше дуелот, а најголемиот пропуст го направи во 85. минута, кога означи крај на натпреварот. Кратко потоа, на сугестија на својот помошник, одлучи да го продолжи натпреварот, означувајќи дефинитивно крај во 90. минута, иако во вториот дел беа досудени два пенали, беа извршени девет измени, а неколку пати се вклучуваше и ВАР системот.

Јувентус ги продолжува преговорите за обновување на договорот со Пауло Дибала, но се уште нема конечен договор меѓу двете страни. Извршниот директор на клубот Маурицио Аривабене најави дека во февруари ќе има нова средба со фудбалерот и неговите претставници.

„Во февруари ќе разговараме со играчите на кои им истекуваат договорите за да одлучиме за нивната иднина. Секој мора да го освои своето место во тимот и да докаже дека го заслужува тоа“, изјави Аривабене.

„Ова важи за сите – играчи, тренери и менаџери. Во наредните денови ќе видиме дали тоа ќе се случи. Да се ​​обидеме да ги постигнеме целите што ги поставивме“, додаде тој.

Пауло Дибала моментално е слободен да преговара со други тимови. Според италијанскиот весник „Газета дело Спорт“, Јувентус нема намера да му понуди на Аргентинецот повеќе од неговата сегашна плата – 7,3 милиони евра годишно, што ја доведува во прашање неговата иднина во клубот.