Реал Мадрид се уште не знае со сигурност дали Карим Бенземан ќе биде на располагање за натпреварот против Атлетико Мадрид овој викенд.

Бензема заработи повреда на мускулот за време на победата над Реал Сосиедад минатиот викенд и не играше на дуелот со Интер. Во моментов Бензема тренира во теретана и според „Мундо Депортиво“ тестовите ќе бидат направени во петок.

Доколку Бензема не е целосно фит, Лука Јовиќ ќе продолжи да го заменува по неколкуте импресивни настапи кои ги имаше неодамна.

Членот на германската Бундеслига РБ Лајпциг, преку официјално соопштение информира дека за нов тренер на екипата е назначен Доменико Тедеско.

36-годишниот Тедеско е поранешен тренер на Шалке 04 и московски Спартак. Тој ќе ја води екипата на Лајпциг до јуни 2023 година, потврдуваат од клубот.

Доменико Тедеско доаѓа на местото на Американецот Џеси Марш, кој доби отказ по серијата од слаби резултати. Лајпциг е 11-ти на табелата во првенството на Германија со 18 бодови, 16 помалку од лидерот Баерн Минхен. Во Лигата на шампиони го освоија 3. место во групната фаза со што продолжуваат со настапи во Лига Европа.

Жоржињо Вајналдум во повеќе наврати изјави дека направи грешка со неговото заминување во екипата на Париз Сен Жермен и сега би можел повторно да се врати во англиската Премиер лига.

Медиумите во Англија пренесуваат дека е можно ПСЖ да му дозволи на Вајналдум да замине на позајмица, а најголем интерес за негово доведување покажала екипата на Арсенал.

Холанѓанецот би бил огромно засилување за тренерот Артета и неговото искуство би било од голема корист за останатите играчи. Во средниот ред тој би заиграл покрај Парти, а Гранит Џака би останал на клупата.

Вајналдум во тимот од Париз се соочува со огромна конкуренција, затоа што за неговата позиција голем број на играчи, како Верати, Гана, Паредес, Ерера или Данило.

Останува да се види дали тој ќе се избори за место во ПСЖ или заминување на позајмица е пореален избор.

Дивок Ориги најверојатно ќе го напушти клубот во зимскиот преоден рок, пренесуваат англиските медиуми. 26-годишниот напаѓач не добива голема минутажа кај Јирген Клоп, па тоа е причината поради која сака да ја промени средината.

Ориги и во летниот преоден рок беше на излезна врата од „Енфилд“, но никој клуб не сакаше да плати 10 милиони фунти, колку што Ливерпул бараше за неговата слобода. На синоќешниот дуел против Милан во ЛШ, Ориги одигра одлично, а неговиот настап го следеле скаути на Интер и Јувентус.

Италијанските гиганти ќе се обидат да го донесат Белгиецот во зимскиот преоден рок.

Поради проблеми со корона вирусот, екипата на Лестер Сити ќе биде ослабена за 7 поединци кои имале позитивни тестови пред нивниот натпревар со Наполи. 

Натпреварот се игра во рамките на последното коло од групната фаза во Лига Европа. Наполи на Елиф Елмас ако сака да го продолжи натпреварувањето во следната фаза мора да слави победа над гостите од Англија.

Оваа ситуација со сигурност ја отежнува ситуацијата во тимот на Лестер но може да биде предност за домаќините од Неапол кои се наоѓаат на третото место од групата Ц со еден бод помалку од лидерот Лестер.

Екипата на Барселона со убедлив резултат од 3:0 загуби од Баерн Минхен, во последниот натпревар од групната фаза во Лигата на шампионите.

Тренерот на каталонците, Чави Ернандез, после поразот призна дека во моментот освоеното трето место во групата и пласманот во Лига Европа е вистинскиот домет на екипата.

„Ова е нашата реалност во моментот. Баерн беше подобар и одигра супериорно. Ние дадовме се од себе, пробавме со висок пресинг да им ја одземеме топката, но набрзо бевме совладани. Ќе ја подобриме нашата игра во иднина и се надеваме дека можеме да ја освоиме Лига Европа“, истакна Чави.

Екипата на Барселона се елиминирани во групната фаза од ЛШ за прв пат после 2000-та година, а вкупно четврти пат во историјата.

Жоржињо Вајналдум ова лето како слободен играч го напушти Ливерпул и потпиша за ПСЖ. Холанѓанецот после неколку добри сезони се одлучи да го напушти Ливерпул затоа што сакаше нов предизвик во својата кариера, иако „црвените“ му нудеа нов договор тој ги одби.

Вајналдум имаше неколку понуди и во игра беше и Барселона, но на крајот се одличи за ПСЖ.

Холанѓанецот не добива голема минутажа во Париз, самиот призна дека не е среќен и веќе размислува да ја промени средината.

Англиските медиуми пренесуваат дека во јануари би можел да се врати во Премиер лигата и да потпише за Њукасл.

Aнтонио Конте потврди дека поради коронавирусот ситуацијата во соблекувалната на Тотенхем не е добра.

Од претходно е познато дека повеќе играчи на стручниот штаб се заразени, тоа денес го потврди и Конте.

„Имаме 11 достапни играчи за натпреварот и тоа до крајот на денешиот тренинг, еден играч кој требаше да биде стартер утре исто така доби позитивен тест. Многу е лошо, сите бевме во контакт. Дури 13 лица заедно со стручниот штаб се позитивни на вирусот, ситуацијата е вознемирувачка“, изјави Конте.

Според правилникот на УЕФА ако Конте има 13 достапни играчи натпреварот ќе се игра.

Eдно од најпријатните изнанадувања на Англија на последното Европско првенство Калвин Филипс ризикува да ги пропушти следните два месеци.

Играчот од средниот ред на Лидс Јунајтед има истегнување на мускулот на последниот натпревар против Брентфорд (2-2). Статистиката покажува дека Филипс е од големо значење за тимот, бидејќи без него тимот на Лидс освои само 7 од 36 можни бодови по враќањето во Премиер лигата. Сепак, ова не е единствениот проблем за Лидс по овој натпревар, бидејќи тогаш се повреди ѕвездата во нападот Патрик Бамфорд.

За него ова беше прв настап по речиси три месеци отсуство и токму тој постигна гол за конечни 2-2. Сепак, се покажа дека во радоста на голот, напаѓачот се повреди, поради што сега е под знак прашање за саботното гостување кај Челзи. Без Бамфорд, тимот на Марсело Биелса постигна само осум гола во 11 натпревари.

Селекторот на хрватската фудбалска репрезентација Златко Далиќ го продолжи договорот со националниот тим до 2024 година, соопшти прес-службата на Хрватскиот фудбалски сојуз.

Далиќ е на чело на хрватската репрезентација од октомври 2017 година, под негово водство репрезентацијата освои сребрени медали на Светското првенство во Русија 2018 година. Исто така, селекцијата на Хрватска обезбеди учество на Светското првенство – 2022 година во Катар. Во решавачкиот натпревар за првото место во квалификациската група, избраниците на Далиќ ја совладаа репрезентацијата на Русија.

Претходно беше објавено дека поранешниот напаѓач на хрватската репрезентација Марио Манџукиќ ја започнал својата тренерска кариера и дека 35-годишниот поранешен фудбалер е назначен за помошник на селекторот Златко Далиќ.