Адама Траоре, кој потекнува од школата на Барселона, може да се врати кај Каталонците.

Играчот на Вулверхемптон кој претходно настапуваше за неколку англиски екипи, има трансферна вредност од 30-35 милиони евра. Траоре за „волците“ има одиграно 152 меча и постигнато десет гола.

Претставници на Шпанскиот гигант деновиве се сретнале со агентот на играчот, Жорж Мендеш.

Милан и Севиља ќе се обидат за време на зимскиот преоден рок да ги осигураат услугите на шпанскиот интернационалец од Лацио, Луис Алберто.

Искусниот играч за врска не е задоволен од минутажата која ја има во актуелната сезона и од соработката со новиот шеф на стручниот штаб, Маурицио Сари.

Наводно Луис Алберто влегол во вербална расправија со Сари и му соопштил на раководството дека сака уште во јануари да ја промени средината. Милан уште во летниот преоден рок беше заинтересиран за Шпанецот, но тогаш Лацио за неговиот потпис бараше 50 милиони евра.

Жил Кунде ја профатил изненадувачката понуда од Ливерпул. Французинот е главна трансфер цел на Челзи веќе подолго време, но тој преферира трансфер на „Енфилд“ и веќе ја прифатил понудата на „црвените“.

Ливерпул е спремен да ја плати неговата откупна клаузула од 75 милиони фунти.

Изненадувањето доаѓа од фактот што Клоп во моментов има доволно централни дефанзивци, а клубот пред неколку месеци плати 36 милиони фунти за Ибрахима Конате.

„Национал“ тврди дека уште овој месец Кунде може да се пресели на „Енфилд“, а во тој случај „црвените“ ќе го продадат Матип или Џо Гомез.

Поради проблемите со повредени играчи од одбраната, особено онаа на бекот Бен Чилвел, екипата на Челзи сака да го врати својот дефанзивец Емерсон Палмиери кој е на позајмица во Лион.

За таа цел „сините“ од Лондон се подготвени да издвојат 4 милиони евра кои ќе ги исплатат на Лион како отштета за предвремено раскинување на договорот за позајмување.

27-годишниот Италијанец кој е роден во Бразил оваа сезона за Лион одигра 15 натпревари и постигна еден гол.

Тренерот на Реал Мадрид, Карло Анчелоти одржа прес-конференција во Ријад, Саудијска Арабија, каде ќе се одржи натпреварот со Барселона во полуфиналето на шпанскиот Суперкуп. 

Италијанскиот стручњак даде свое мислење за моменталниот состав на Барселона и очекувањата пред натпреварот. 

„Би бил загрижен доколку моите играчи мислат дека сме фаворити против Барселона, но тие не мислат така. Тие знаат дека ќе треба да направиме се што можеме за да победиме. Овие натпревари се секогаш многу рамноправни, без оглед на моменталната разлика на табелата во Ла Лига“, изјави Анчелоти.

„Ми се допаѓа овој тим на Барселона бидејќи има идентитет и веќе изгради свој стил на игра. Имаат и многу млади играчи, како Гави и Нико, пред кои претстои блискава иднина“, заврши тренерот на Реал.

Карло Анчелоти го коментираше евентуалниот потпис на нов договор со играчот за врска Лука Модриќ.

„Модриќ уште не го потпишал новиот договор. Но, можеме да кажеме дека има доживотен договор со Реал Мадрид“ изјави Анчелоти за „Мундо Депортиво“.

Претходно се дозна дека 36-годишниот хрватски играч за врска Лука Модриќ се договорил за условите од договорот со Реал Мадрид. Новиот договор на Хрватот со Реал Мадрид ќе важи до летото 2023 година. Според него, платата на Модриќ ќе биде намалена за 10%.

Модриќ се приклучи на шпанскиот тим во 2012 година, откако дојде од Тотенхем. Оваа сезона хрватскиот играч за врска има пет асистенции во 20 натпревари од Лигата на шампионите и шпанскиот шампионат. Неговата цена во моментов се проценува на 10 милиони евра.

Претставници на Тотенхем започнаа преговори со менаџерите на Џеси Лингард за негов евентуален трансфер во текот на летото.

29-годишниот репрезентативец на Англија има право на разговори со други клубови, бидејќи неговиот договор со тимот од „Олд Трафорд“ истекува на крајот од оваа сезона.

По се изгледа Манчестер Јунајтед нема да го продаде Лингард во јануари, иако тој може да го напушти клубот како слободен играч. 

Интерес за Џеси Лингард освен Тотенхем, покажуваат и екипите на Вест Хем, Њукасл и Милан.

Милан може да испрати понуда за фудбалерот на Манчестер Јунајтед, Ерик Баили, откако остана без услугите на централниот дефанзивец, Симон Кјаер.

27-годишниот играч на Брег Слонова Коска моментално настапува на Африканскиот куп на нации. Тој иако неодамна го обнови договорот со  „црвените ѓаволи“, ретко се појавува во игра.

Во исто време, Милан има и други опции за зајакнување на одбраната. Се наведува дека клубот е заинтересиран и за Нејтан Аке од Манчестер Сити и Свен Ботман од Лил.

Арсенал испрати понуда од 20 милиони евра плус 5 во вид на бонуси за играчот за врска на Палмеирас, Данило.

Младиот бразилски фудбалер откако ја помина школата на Палмеирас, дебитираше за првиот тим во 2020 година.

Тој во последниве две сезони има одлични настапи. Данило одигра 83 меча и постигна пет голови на сите турнири.

Напаѓачот на Пари Сен Жермен и на Франција, Килијан Мбапе, го сподели мислењето за ѕвездата на Реал Мадрид, Карим Бензема.

„Тој заслужува се што доживува сега. Карим е одличен фудбалер, остави белег во историјата на Реал и исто така се врати во француската репрезентација со големи чекори. Сите сме среќни што го гледаме назад“, вели Мбапе за неговиот соиграч од репрезентацијата на „триколорите“.

Бензема кој беше суспендиран од француската селекција на ЕП 2016, чекаше цели четири години за повторно да го облече дресот на „Галските петли“.