Давид Нерес си заминува од Шахтјор Доњеск. Украинската лига е завршена и нема да продолжи, а сите странски играчи добија „зелено светло“ да преговараат со други клубови. Давид Нерес се договорил со Бенфика и со португалскиот клуб ќе потпише договор до 2027 година. Бенфика на Шахтјор за неговите услуги ќе плати 10 милиони евра.

Нерес не стигна ниту да дебитира за Шахтјор кој го доведе во јанаури од Ајакс за 12 милиони евра. Пред продолжувањето на украинското првенство започна инвазијата на Русија и не беше можно да се игра фудбал во таква состојба.

Милан е во битка за скудетото оваа сезона, но набрзо ќе добие нови соптсвеници и сака значително да го засили тимот.

„Газета дело Спорт“ пренесува дека новите сопственици ќе му дадат голем буџет на Малдини за да донесе неколку големи засилувања.

Приоритет ќе биде засилување за десната крилна позиција, а најголема желба е ѕвездата на Манчестер Сити, Ријад Марез.

Марез на лето ќе влезе во последната година од договорот и „граѓаните“ се спремни да го продадат за 40 милиони евра.

Таа сума нема да биде проблем за „росонерите“, но ќе треба да ја победат конкуренцијата бидејќи за Марез силен интерес покажуваат уште ПСЖ и Барселона.

Напаѓачот на Реал Мадрид, Герет Бејл објасни зошто не присуствувал на натпреварот со Еспањол, на кој неговиот тим ја обезбеди шампионската титула на четири кола пред крајот на првенството.

Кралскиот клуб ги совлада гостите од Барселона со 4:0 на „Сантијаго Бернабеу“, а по прославата на стадионот следеше традиционално возење со отворен автобус низ улиците на шпанската престолнина.

Забележливо беше отсуството на велшкиот репрезентативец, кого медиумите со години го бркаат од клубот, но тој никако да добие отказ.

„Разочаран сум што не можам да учествувам во прославата вечерва поради силен грч во грбот, но исклучително сум горд на тимот што ја освои титулата! Уживајте вечерва момци“, напиша Бејл на Твитер.

Фудбалерот од средниот ред на Лидс, Калвин Филипс ќе ја одбие понудата за трансфер во Манчестер Јунајтед, објави Дејли Мејл.

Ова ќе се случи и покрај шпекулациите дека новиот менаџер на „црвените ѓаволи“ Ерик Тен Хаг го посакува 26-годишниот играч од средниот ред како дел од формирањето на новиот тим за следната сезона.

Астон Вила и Њукасл исто така се заинтересирани за англискиот репрезентативец и понуда од 60 милиони фунти би можела да биде доволна доколку тој повторно не потпише со сегашниот тим.

Лоши вести пристигнуваат за Жозе Мурињо после првиот полуфинален натпревар помеѓу Рома и Лестер.

Хенрик Микхтаријан се повредил и нема да игра во реваншот помеѓу овие две екипи, а освен тоа ќе пропушти и уште некој натпревар. Микхтаријан во натпреварот против Лестер беше заменет во 57. минута. Според информациите станува збор за истегнување на бутниот мускул и ќе биде во аут околу 15-20 дена.

Примарна цел на Јувентус во летниот преоден рок ќе биде доведување на дефанзивец, пренесуваат италијанските медиуми.

„Газета дело Спорт“ пренесува дека прва желба е дефанзивецот на Фиорентина, Никола Миленковиќ, кој на лето сигурно ќе ја промени средината.

Миленковиќ има договор до 2023 година со „виолетовите“ и Јувентус веќе започнал преговори со неговиот агент.

Србинот има понуди од неколку англиски клубови, но тој сака да остане во Италија и да се пресели во Јувентус.

Фиорентина за неговата слобода бара 15 милиони евра, што нема да биде проблем за „бјанконерите“.

Според инфромациите од Португалија, екипата на Манчестер Јунајтед понуди 80 милиони евра за ѕвездата на Бенфика, Дарвин Нуњез. 

„Црвените ѓаволи“во последните недели силно се поврзуваат со Нуњез откако Уругваецот се искачи на големата сцена оваа сезона. 22-годишниот голгетер досега има 33 гола на 39 натпревари во тековната сезона. 

Не е јасно дали Бенфика ќе ја прифати понудата, но се чини дека Јунајтед веќе се подготвува за големи промени во својот тим во текот на летото, по назначувањето на Ерик тен Хаг за нов тренер на тимот.

Според весникот „Билд“, Баерн Минхен му понуди нов договор на крилниот напаѓач Серж Гнабри. Предлогот на Баварците е плата од 17-19 милиони евра по сезона. Клубот нема намера за нов предлог доколку Гнабри одбие да го прифати предложеното.

Актуелниот договор на 26-годишниот Германец истекува следното лето и тој ќе може да замине како слободен играч.

Интерес за Гнабри покажуваат неколку клубови од Премиер лигата, но и гигантот Реал Мадрид.

На крајот од својата кариера во Реал Мадрид, Марсело стана играчот со најмногу трофеи во историјата на клубот. По освојувањето на шампионската титула, ветеранот веќе има 24 пехари со „Кралскиот клуб“.

Во витрината на Бразилецот се 6 трофеи од Ла Лига, 4 од Лигата на шампионите, 3 Суперкупа на УЕФА, 5 Купа на Шпанија, 2 Суперкупа на Шпанија и 4 трофеи од Светското клупско првенство. Марсело ова го постигна со поминати  15 сезони во тимот на Реал Мадрид.

Барселона е подготвена да потпише нов договор со играчот од средниот ред Нико Гонзалез.

Договорот на 20-годишниот фудбалер  истекува во 2024 година, но Барселона сака да му понуди нов до 2028 година.Нико потекнува од школата во Барселона.

Тој во сезонава постигна два гола и направи две асистенции на 39 натпревари во сите натпреварувања. Пазарната вредност на Нико е проценета на 25 милиони евра.