Поранешниот португалски репрезентативец Фабио Коентрао својата фудбалска одисеја ја започна во Рио Аве, а потоа се пресели во Бенфика во 2007 година, па по неколку позајмици доби шанса во првиот тим. Со одличните игри го привлече вниманието на Реал Мадрид кој во 2011 година му плати 30 милиони евра, а останатото е историја.

По завршувањето на кариерата, левиот бек не се одлучи за тренерска работа или трошење милиони заработени за патувања и забава, туку фудбалското игралиште го замени со море. Решил да го исполни својот втор сон, па се посветил на риболовот.

„Луѓето кои го сакаат морето и кои сакаат да почувствуваат нови искуства треба да ги следат своите соништа. Ова е работа за новите генерации. Животот на море не е срам, како што мислат многу луѓе. Тоа е работа како и секоја друга. Не само тоа, морето е прекрасно и ни треба. Некои луѓе мора да работат. Тие луѓе заслужуваат почит како и луѓето од другите професии“, рече тој.

Својот прв брод го купил додека играл за Реал Мадрид. Сега е сериозно посветен на риболовот и вработува 45 луѓе.

Њукасл испрати официјална понуда за дефанзивецот на Атлетико Мадрид, Киран Трипие.

Тренерот на екипата, Еди Хау, одлучи Трипие да биде првото засилување откако клубот е со нови сопственици. Хау му беше тренер на Трипие кога двајцата беа членови на Барнли.

Има големи очекувања кај фановите на Њукасл за тоа клубот да направи сериозни зимски трансфери со цел опстанок на екипата во Премиер лигата.

Во моментот популарните „чавки“ се претпоследни на премиерлигашката табела и ги очекува сериозна битка за опстанок во продолжението на првенството

Трипиер пристигна во Атлетико Мадрид во 2019 година после четири години поминати во Тотенхем. Тој минатата сезона стана шампион на Шпанија и се најде во тимот на годината во Ла Лига.

Дивок Ориги најверојатно ќе го напушти клубот во зимскиот преоден рок, пренесуваат англиските медиуми. 26-годишниот напаѓач не добива голема минутажа кај Јирген Клоп, па тоа е причината поради која сака да ја промени средината.

Ориги и во летниот преоден рок беше на излезна врата од „Енфилд“, но никој клуб не сакаше да плати 10 милиони фунти, колку што Ливерпул бараше за неговата слобода.

Италијанскиот гигант Јувентус покажува најсилен интерес за Белгиецот и сака да го донесе во зимскиот преоден рок.

„Бјанконерите“ се во потрага по класичен напаѓач и веќе стапиле во контакт со агентот на Ориги и спремаат понуда.

Милан и Интер се борат за скудетото, но водат и голема битка за потписот на Глеисон Бремер од Торино. 24-годишниот Бразилец игра одлична сезона и се етаблираше во еден од најдобрите дефанзивци во Серија А.

Торино не сака да го продава на средина од сезоната, но јасно е дека нема да може да го задржи на лето.

„Биковите“ за слободата на Бремер бараат 30 милиони евра, но миланските клубови ќе се обидат да ја намалат таа сума преку преговори.

Монако веројатно брзо пронајде замена за Нико Ковач кој доби отказ од тренерската позиција во клубот. 

Се работи за актуелниот тренер на белгискиот Бриж, Филип Клемент, кој ја прифатил понудата да го преземе францускиот тим и веќе го известил својот сегашен клуб за неговата намера.

Под раководство на Клемент, екипата на Бриж освои три последователни титули во првенството на Белгија. Тренерот е убеден дека со евентуалниот трансфер во Монако ќе направи голем исчекор во неговата кариера.

Од Евертон пристигна официјална информација дека клубот во своите редови го доведе украинскиот репрезентативец Виталиј Миколенко, кој игра на позицијата лев бек.

Официјалната сума за 22-годишниот поранешен играч на Динамо Киев не е соопштена, но се претпоставува дека се работи за 21 милион евра. Миколенко според договорот ќе остане во Евертон до 2026 година.

„Мојата преселба во Евертон е голем и важен чекор во мојот живот. Отсекогаш сонував да играм во Премиер лигата. Имам 22 години, но имам доволно искуство и се надевам дека ќе продолжам да напредувам како фудбалер“. изјави Миколенко

Италијанскиот клуб Наполи постигна договор со Манчестер Јунајтед за трансфер на дефанзивецот Аксел Туанзебе.

24-годишниот Туанзебе ќе пристигне во Неапол како позајмен играч од „црвените ѓаволи“ до крајот на јуни 2022 година за сума од 500.000 евра, меѓутоа договорот не вклучува опција за купување по завршувањето на сезоната.

Туанзебе е роден во ДР Конго, Африка, но како тинејџер се вклучи во екипата на Манчестер Јунајтед. Тој во моментот е на позајмица во тимот на Астон Вила.

Џанлуиџи Буфон кој долго време играше за Јувентус, зборуваше за влијанието на напаѓачот, Кристијано Роналдо, врз тимот од Торино.

Претходно, легендарниот голман изјави, дека со доаѓањето на Португалецот, Јуве изгубил дел од ДНК. Роналдо за Јувентус играше три години и за тоа време постигна 101 гол. Сепак, со него тимот никогаш не ја освои Лигата на шампионите како што многумина сонуваа во Торино.

„Реков дека со Роналдо, Јувентус изгуби дел од својата ДНК, затоа што навистина мислам така. Кога потпишувате со фудбалер од таков калибар, знаете во што се впуштате. Во такви ситуации, играчите треба да бидат подготвени за транзиција на таков играч“, изјавил Буфон.

Во претходниот период се појавија шпекулации дека Мајкл Куизенс е незадоволен од својот статус во Баерн, а се стана јасно кога во куп натпреварот против Волфсбург со опремата фрли кон својот тренер Јулијан Нагелсман.

Сега заврши незадоволството на фудбалерот од средниот ред така што го напушти клубот. Кариерата Куизенс ја продолжува во италијанска Венеција каде што прави перманенетен трансфер.
Французинот веќе е во Италија каде што го минува лекарските прегледи после што ќе потпише договор со Венеција. Во игра за неговиот потпис беше и ЦСКА Москва, но сепак фудбалерот се одлучил да продолжи во Италија.

Дани Алвес се врати во тешките денови да и помогне на Барселона со своето искуство.

Алвес со Барселона има договор до крајот на сезоната и има опција да го продолжи доколку покаже дека се уште може да игра фудбал на највисоко ниво. Во разговор со шпанските медиуми Алвес отворено порача дека немало да се врати ако Бартомеу останел во клубот.

„Немаше да се вратам ако Бартомеу беше во клубот. Заминав кога тој беше претседател затоа што не сакав да соработувам со таков човек. Сигурно немаше да бидам јас тука, ако тој беше во клубот. Со Лапорта брзо се договоривме и целта на сите е да го вратиме клубот на врвот затоа што Барселона и таму припаѓа“, изјави Алвес.