Адем Љајиќ ќе го напушти Бешикташ во јануари и е во потрага по нов клуб, пренесуваат италијанските медиуми.

Поранешниот српски репрезентативец е надвор од плановите во Бешикташ. Не се вклопи во идеите на Јалчин, а истото го очекува и кај привремениот менаџер Ундер Каравели кој ќе го води тимот до крајот на сезоната. Поради тоа Љајиќ е во потрага по излезе од црно-белиот табор и веќе им порачал на своите претставници да му пронајдат нова средина.

Наводно контакти имало со Болоња и Џенова, но засега немало одговор. Михајловиќ и Љајиќ се во добар однос со Михајловиќ, двајцата имаа одлична соработка во Торино во периодот кога Љајиќ играше одличен фудбал.

Инаку, сезонава Љајиќ не настапи на ниту еден натпревар во дресот на Бешикташ.

Според информациите на „Газета дело Спорт“, поради рестриктивните мерки од корона кризата, капацитетите на стадионите во Италија повторно ќе се намалат на 50 проценти.

Новите мерки ќе се однесуваат на сите спортски настани и објекти во земјата.

Досега, на стадионите беше дозволено исполнетост од 75 %.

Новите мерките ќе стапат на сила од 6 јануари.

Тренерот на Челзи, Томас Тухел не ја криеше разочараноста од пропуштеното водство за победа над Брајтон во натпреварот кој заврши 1:1.

Челзи во дополнителното време од натпреварот, прими гол за израмнување и не успеа бодовно да се доближи до лидерот на табелата, Манчестер Сити.

„Беше доста разочарувачки, но дадовме се од себе“. Знаевме дека ќе биде тежок натпревар против незгоден противник ноуспеавме да направиме големи шанси. Ги надминавме тешките моменти од натпреварот и имавме можност за победа,но на крајот мораше да се задоволиме со бод. Имаме играчи кои не можат да издржат повеќе од 60 минути. Се уште не ги знаеме деталите за Рис Џејмс и Кристијан Пулишиќ. Мора да најдеме подготвени играчи за натпреварот со Ливерпул. Повредена ни е целата бековска линија, играчите се враќаат по опоравувањето од коронавирусот, а ние играме и играме“, потенцираТухел.

Милан не се откажува од намерата да го доведе Хаким Зијех и повторно ќе се обиде во јануари.

Зијех беше прва желба на „росонерите“ во текот на летниот преоден рок, но Челзи не сакаше да го пушти на позајмица со право на откуп. Меѓутоа, Тухел не смета на него и Зијех не добива голема минутажа, па и самиот сака да ја промени средината во јануари.

„Росонерите“ веќе имаат договор со плејмејкерот околу личните услови и ќе се обидат да го донесат во зимскиот преоден рок на позајмица со право на откуп.

За неколку дена Интер ќе стане сопственост на Саудискиот државен инвестициски фонд (PIF), кој веќе е сопственик на Њукасл. Ова го наведува популарниот американски сајт International Business Times. Арапите ќе му платат околу една милијарда долари (884 милиони евра) на Сунинг, кој моментално има најголем удел во италијанскиот шампион.

Во наредните денови се очекува во канцелариите на „нероаѕурите“ да пристигнат документите за промена на сопственоста. Зад фондот стои престолонаследникот на Саудиска Арабија, Мохамед бин Салман.

Англиските медиуми пренесуваат дека Ливерпул и Манчестер Јунајтед е силно заинтересиран за играчот за врска на Наполи, Фабиан Руиз.

25-годишниот Шпанец пристигна во Наполи од Бетис и веднаш се промовираше во клучен играч во тимот, па сега е стандарден и во шпанската репрезентација.

Англиските гиганти подолго време го следат Фабиан Руиз и сега се спремни да преземат конкретни чекори за негов ангажман.

Јунајтед бара наследник на Погба, кој најверојатно ќе замине од „Олд Трафорд“ на крајот на сезоната и верува дека Шпанецот би бил идеално решение.

Бразилскиот фудбалски репрезентативец, Габриел Барбоса, може да добие понуда да заигра за екипата на Њукасл.

Англискиот тим кој неодамна доби нови богати сопственици, ќе се обиде во јануари да го освежи драстично ростерот и да остане конкурентен во битката за опстанок.

Барбоса кој во минатото настапуваше за Интер и Бенфика, во моментов ги брани боите на Фламенго. Њукасл има намера да го ангажира на позајмица до крајот на сезоната.

Легендата на бразилскиот фудбал, Роберто Карлос, е тренерска опција за турскиот гигант Фенербахче.

Турските медиуми пишуваат дека пропаднале преговорите со Германецот Јоаким Лев кој ја одбил понудата за тренерското место во клубот. Поради оваа причина раководството на Фенербахче размислува за ангажирање на 48-годишниот Бразилец.

Роберто Карлос има искуство како тренер во турското првенство каде претходно ги водеше Сиваспор и Ахисарспор. 

Познато е дека беше и дел од играчкиот кадар на Фенербахче од 2007 до 2009 година.

Менаџерот на Ливерпул, Јирген Клоп, изрази разочарување од играта на неговите фудбалери во поразот од Лестер Сити со 0:1 и призна дека „лисиците“ ја заслужиле победата.

Ливерпул пропушти неколку шанси за постигнување гол на натпреварот, вклучувајчи го и промашениот пенал на Мохамед Салах.

Откако не ги искористија своите шанси, „црвените“ беа казнети примајќи гол од извонредниот Адемола Лукман и натпреварот заврши со победа на Лестер.

Со поразот екипата на Ливерпул се најде во лоша положба и сега заостанува шест бода зад лидерот Манчестер Сити.

„Немавме планови да дозволиме Манчестер Сити да се одлепи. Но, ако играме како вечерва, не треба да размислуваме дека ќе го стигнеме Сити. Ако повторно започнеме да ја играме нашата игра тогаш можеме да се надеваме на победи со што би останале конкурентни“ искоментира Клоп по поразот.

„Немам објаснување за нашиот настап денес, но ќе морам да го најдам, ова е мојата главна грижа во моментов, а не бодовната разлика со Сити. Дури и да победевме со 2:1, сепак немаше да бидам среќен со нашите перформанси. Многу работи не ми се допаднаа во нашата игра. Денес едноставно не бевме ние“, заврши германскиот тренер.

Ковид кризата која овој месец ги зафати клубовите од Премиер лигата, почнудва да зема свој замав и во Шпанија.

Голем број клубови од Ла Лига започнаа да пријавуваат се повеќе случаи на позитивни фудбалери. Натпреварите во шпанската лига продолжуваат идната недела после кратаката пауза за божиќните и новогодишните празници.

Барселона е една од екипите која е во незавидна положба. Тренерот Чави беше информиран дека во моментот има вкупно 7 заразени фудбалери во првиот тим.

Проблемите се уште поголеми ако на ова се додадат и повредените играчи како Педри, Фати, Депај, Брајтвајт, Серхио Роберто, Дест и Феран Торес кој штотуку пристигна како ново засилување во тимот.

Во овој момент Барса има на располагање само 10 фудбалери од кои двајца се голмани. Останува да се види каков тим ќе состави Чави  на натпреварот со Мајорка кој е закажан за 2.јануари.