Медиумите од Англија пишуваат дека раководството на Барселона го обнови интересот за фудбалерот на Манчестер Сити, Рахим Стерлинг.

Се очекува во летниот период да се случат сериозни играчки промени во тимот на „граѓаните“ кои најмногу ќе се однесуваат на дел од офанзивните играчи на англискиот шампион.

Барселона имаше интерес за Стерлинг уште во 2015 година, кога тој беше дел од Ливерпул, меѓутоа тогаш напаѓачот реши да се пресели во Сити.

Идниот нов тренер на Манчестер Јунајтед, Ерик тен Хаг размислува да го доведе играчот на Тотенхем, Стивен Бергвијн кога и официјално ќе ја преземе функцијата на Олд Трафорд во текот на летото, пишува „Дејли мејл“. Играчот беше блиску до трансфер во Ајакс во јануари, каде Тен Хаг е тренер во моментов.

 24-годишниот Холанѓанец добива се помали шанси за настап во Тотенхем, посебно после доаѓањето на Дејан Кулушевски во тимот кој е прв избор на тренерот Конте.

Големи се шансите Бергвијн да го напушти клубот ова лето а цената за негов трансфер ќе изнесува околу 20 милиони фунти

Србинот Немања Матиќ има уште една година од актуелниот договор, но неколку островски извори ја лансираа веста дека поранешниот српски репрезентативец нема да остане на „Олд Трафорд“ по најавената реконструкција на тимот.

Раководството на англискиот великан му даде одврзани раце на веќе договорениот тренер на „црвените ѓаволи“, Ерик тен Хаг, да одбере тим според негов вкус од следната сезона, а во тие планови, се чини, нема место за дефанзивниот играч за врска.

Матиќ пристигна во Јунајтед во 2017 година од Челси, на барање на тогашниот стратег Жозе Мурињо, во трансфер вреден околу 45.000.000 евра, но по заминувањето на Португалецот, 33-годишниот играч го загуби стартерскиот статус со Оле Гунар Солскјер.

Манчестер Сити ќе биде без Кевин Де Брујне за новата пресметка со Ливерпул, овојпат во полуфиналето на ФА Купот во сабота, пишуваат медиумите во Англија.

Белгиецот, кој настапува во одлична форма, доби удар во десната нога на натпреварот против Атлетико Мадрид во ЛШ, и мораше да го напушти теренот во вториот дел од средбата.

Според информациите од клубот, неговата повреда не е сериозна, но ќе мора да се опоравува околу десет дена, па нема да биде вклучен во тимот за дуелот со Ливерпул.

Де Брујне не се очекува да игра ниту против Брајтон следната среда, а се очекува да се врати за мечот против Ватфорд на крајот од идната недела.

Раководството на Манчестер Јунајтед ги направи првите чекори за реконструкција на „Олд Трафорд“ се со цел за зголемување на капацитетот. 

Сопствениците на 20-кратниот шампион на Англија ја ангажираа архитектонската фирма „Populous“ и консултантската фирма „Legends International“ кои работеа заедно на дизајнирање на новиот стадион на Тотенхем кој беше отворен во 2019 година. Моменталниот капацитет на „Олд Трафорд“ е 74.000 гледачи.

-Веднаш започнуваме со работа на развивање опции за Олд Трафорд и истражување на нивната изводливост со цел значително да го подобриме местото на навивачите“- се вели во официјалното соопштение на „црвените.ѓаволи“.

Стадионот БЦ Плејс во Ванкувер ќе биде меѓу кандидатите за домаќин мечевите на Светското првенство во 2026 година кое заеднички ќе го организираат Канада, САД и Мексико.

Покрај во Ванкувер, мечеви ќе бидат одиграни и во Едмонтон, Алберта и Торонто. Во Соединетите Американски Држави, Лос Анџелес аплицира со два објекта – ултрамодерен стадион во Инглвуд кој чинеше 5 милијарди долари и класичниот Роуз Бол во Пасадена на кој се играше финалето на Светското првенство во 1994 година.

Во Мексико домаќини на Мундијалот во 2006 година ќе бидат: Гвадалахара, Мексико Сити и Монтереј. Светското првенство ќе биде првото на кое ќе учествуваат 48 селекции и првото што ќе се одржи во три земји.

Јувентус преку својот официјален сајт објави дека го продолжи договорот со Колумбиецот Хуан Квадрадо.

33-годишниот фудбалер потпиша договор до јуни 2023 година.

Квадрадо настапува за Јувентус од 2015 година. Тој досега има 24 гола и 53 асистенции во 262 натпревари за клубот од Торино.

Тренерот на Арсенал, Микел Артета, објави дека играчот од средниот ред на Арсенал, Томас Парти, најверојатно нема да игра до крајот на сезоната. 

28-годишниот репрезентативец на Гана кој беше еден од клучните играчи на Арсенал оваа сезона, се повреди во поразот од Кристал Палас  минатата недела.

“Веста е дека тој нема многу шанси повторно да заигра до крајот на сезоната“, изјави шпанскиот тренер пред новинарите.

Матија Перин го продолжи договорот со „старата дама“ до 2025 година, потврди гигантот од Торино.

Перин поретко добиваше шанса на голот оваа сезона затоа што Алегри довербата му ја даде на Војчех Шчесни, а италијанскиот голман важи за еден од омилените ликови во клубот, па и за очекување беше да продолжи соработката.

Член на Јувентус Перин е од 2018 година, но минатата сезона ја помина на позајмица во Џенова.