Португалскиот фудбалски репрезентативец, Пепе, беше стрелец на гол за својата екипа во победата од 6:1 над Швајцарија во осминафиналето од Светското првенство во Катар.

Пепе со неговиот гол со глава на оваа средба стана највозрасниот стрелец на Португалија, и втор највозрасен стрелец во историјата на светските првенства.

Пепе кој има 39 години и девет месеци го престигна сонародникот Кристијано Роналдо кој има 37 години и на Мундијалот постигна гол против Гана. Рекордер на светските првенства е Камерунецот Роже Мила кој на првенството во 1994 година постигна гол против Русија на 42 години и 39 дена.

Комтитетот за жалби на Фудбалската федерација на Шпанија ја одби
жалбата на Барселона.
Барселона се жалеше на суспензијата од три натпревари за својот
напаѓач Роберт Левандовски поради двата жолти картони. Полјакот
доби еден натпревар суспензија за двата картони и исклучувањето,
плус казна уште два меча поради недоличниот гест кон судиите
додека го напушташе теренот.
Во Барселона не се согласуваа и се жалеа на првиот картон кој го
доби Левандовски, меѓутоа од Фудбалскиот сојуз на Шпанија само ја
потврдија казната.
Следен потег на Барселона би бил ако се одлучи да се жалат пред
Судот за спортска арбитража, но во овој момент како што стојат
работите тој нема да игра против Еспањол, Атлетико и Гетафе.

Бразил лесно ја победи Јужна Кореја и обезбеди четвртфинале
во кое ќе игра против Хрватска. Корејците не беа закана за
„Кариоките“ и натпреарот беше решен после половина час.
При голот после на Ричарлисон кој беше трет за Бразил на
натпреварот историја испиша Тијаго Силва. Силва стана најстариот
асистент на Светските првенства. Силва до асистенцијата стигна на
38 години и 74 дена, па за 32 дена го надмина рекордот на Мила.
До вчерашниот натпревар Камерунецот го држеше рекордот со 38
години и 42 дена кој го оствари на СП во Италија во 1990 година.
Треба да се додаде дека Мила останува на врвот кога во прашање е
најстар стрелец на Мундијалите, тој рекорд го држи со 42 години.

Селекторот на фудбалската репрезентација на Шпанија, Луис Енрике, истакнува дека е разочаран од елиминацијата на Светското првенство во Катар, но дека и понатаму е горд на својата екипа.

Шпанија во осминафиналето на Мундијалот во Катар загуби од Мароко после изведувањето на пенали, откако во регуларниот дел и после продолженијата натпреварот заврши 0:0.

Шпанскиот тим на дуелот со Мароко имаше само еден шут во рамките на голот, а ги промаши и сите три пенали. Шпанија е првата репрезентација која на светските првенства дури четири пати е елиминирана после изведување на пенали.

Селекторот на фудбалската репрезентација на Мароко, Валид Реграгуи, изјави дека неговиот тим со пласманот во четвртфиналето на СП во Катар, испиша историја во оваа земја. 

Тој истакна и дека репрезентацијата има право да сонува и да се надева дека може да стигне до трофејот на Мундијалот во Катар.

Репрезентацијата на Мароко за прв пат во својата историја се пласира во четвртфинале на светско првенство во фудбал, откако после изведување на пенали успеа да ја елиминира Шпанија со 3:0.

Мароко во четвртфиналето на Мундијалот во Катар ќе игра против Португалија.

Селекторот на репрезентацијата на Холандија, Луj ван Гал, има план како да се справи со Лионел Меси, но тој се уште не го открил целосно. Репрезентацијата на Холандија ќе се соочи со Аргентина во четвртфиналето на Светското првенство, во петок 9 декември во 20:00 часот.

Меси, кој најверојатно ќе го игра последното Светско првенство во кариерата, има три гола на четири натпревари досега во Катар и е клучен играч во селекцијата на Аргентина. 

„Меси е најопасниот креативен играч, тој може да создаде многу шанси и да постигнува голови. Но, кога ја губат топката, тој не е многу вклучен во играта, тоа ни дава шанси. Имаме план како да го сопреме Меси и тоа ќе го видите во петок“, одговори Ван Гал на прашањето како Холандија ќе се брани од Меси.