Новиот тренер на италијанскиот тим Џенова, Андриј Шевченко нема да може да смета на двајца главни играчи во дебито на чело на тимот во Серија А против Рома в недела на 21 ноември.

Натпреварот за Џенова поради повреди ќе го пропуштат дефанзивецот Доменико Кришито и напаѓачот Фелипе Каиседо. Двајцата не се во комбинација на неодредено време. Шевченко, кој до неодамна ја водеше репрезентацијата на Украина, го замени Давиде Балардини и има тешка задача да го спаси тимот од испаѓање.

Џенова во моментов по одиграни 12 кола е на 17. место на табелата. Самиот Шевченко најави дека Горан Пандев ќе биде во стартниот состав на Џенова на средбата со Рома.

Тренерот на Манчестер Јунајтед, Оле Гунар Солскјер одржал средба со неколку главни играчи од екипата во обид да ја спаси сезоната на „црвените ѓаволи“, а со тоа и неговата тренерска позиција. 

Според весникот Дејли Мејл, на состанокот биле присутни капитенот Хари Мегваер,Кристијано Роналдо, Бруно Фернандеш, , Лук Шо,Немања Матиќ и Линделоф.

Солскјер сакал да го слушне мислењето на играчите за тоа како екипата може да ја подобри својата игра. Имало и разговори за тактичките замисли на Норвежанецот кој во последен период игра во формација со тројца одбранбени фудбалери.

Неделата што следи е многу важна за тренерот и тимот. Манчестер Јунајтед го чекаат натпревари со Ватфорд, Виљареал и Челзи на кои е можно да се одреди и иднината на Солскјер во клубот.

Тренерот на Лестер Сити, Брендон Роџерс, објави дека дден од главните играчи на екипата,Јури Тилеманс, поради повреда на коленото ќе биде надвор од терените неколку недели. 

24-годишниот Тилеманс повредата ја заработи на првенствениот натпреваро со екипата на Лидс пред репрезентативната пауза. Тој не заигра и за селекцијата на Белгија во дуелите со Естонија и Велс во рамките на квалификацииите за СП.

Според зборовите на Тренерот Роџерс, Тилеманс нема да тренира со екипата неколку недели и се очекува да биде подготвен за настапи некаде околу Божиќ.

Екипата на Лестер ја очекуваат тешки натпревари во неделата што следи, а прв на распоред е дуелот со Челзи во Лондон.

Алексис Санчез има повреда и ќе отсуствува од терените најмалку 15 дена.

Така тренерот на Интер, Симоне Инзаги нема да може да се потпре на играчот за важниот меч со лидерот на табелата во Серија А, Наполи кој се игра в недела. Санчез во првото полувреме беше заменет при поразот на Чиле од Еквадор со 0:2 во светските квалификации, а медицинските тестови покажаа дека се работи за повреда на бутот.

32-годишниот Алексис Санчез има 10 натпревари и 1 гол во сите натпреварувања од почетокот на сезоната. Тој се уште нема голови во Серија А оваа сезона, откако одигра вкупно само 211 минути во сите натпревари.

Диего Годин, кој моментално игра за Каљари, сака да се врати во Атлетико Мадрид. 35-годишниот Уругваец дефинитивно ќе го напушти италијанскиот клуб во зима.

Годин играше за Атлетико од 2010 до 2019 година. Вкупно одигра над 250 натпревари за тимот во Примера. Потоа играше за Интер и Каљари.

Шпанското издание пренесува дека Годин е подготвен да се пресели во Атлетико под секакви финансиски услови – финансиското прашање не е главно за него. Во исто време и Атлетико е заинтересиран за враќање на играчот со оглед на нестабилната игра на тимот во одбраната. Атлетико е на четвртото место на табелата со 23 бода, а во 12 кола примија 13 гола. Само Реал Мадрид прими исто толку голови во најдобрите четири екипи во Ла Лига.

Македонската фудбалска репрезентација со победите над Ерменија и Исланд обезбеди место во бараж натпреварите за пласман на Светското првенство, каде еден од можните противници ќе биде и селекцијата на Португалија.

Капитенот на нашата репрезентација, Стефан Ристовски, реши да го „испровоцира“ португалскиот репрезентативец Бруно Фернандеш, кој е негов поранешен соиграч и пријател од екипата на Спортинг Лисабон.

Стефан Ристовски објави Инстаграм пост со фотографија преку која му порача на Фернандеш дека го чека во Баражот.

Јусуф Поулсен ќе биде надвор од терените до нова година. Данскиот репрезентативец заработи повреда на потколеницата на средбата со репрезентацијата и ќе се опоравува пет недели, најави тренерот на Лајпциг Џеси Марш.

„Лоши вести за нас. Јуси го скина мускулното влакно на потколеницата. Беше во најдобра форма и неговото отсуство воопшто не е добро за нас”, изјави Марш.

Добра вест за германскиот вицешампион е враќањето на дефанзивците Вили Орбан и Лукас Клостерман, кои најверојатно ќе бидат во стартниот состав за првенствениот натпревар против Хофенхајм в сабота.

Манчестер Јунајтед е во потрага по долгорочна замена за Пол Погба кој би можел да го напушти клубот во текот на летото по истекот на неговиот актуелен договор.

Доколку Французинот го напушти „Олд Трафорд“, како негов наследник се споменува играчот од средината на теренот во Борусија Дортмунд, Џуд Белингам.

18-годишниот Белингам е репрезентативец на Англија и е еден од најголемите фудбалски таленти во светот. 

Според германскиот весник „Билд“, Борусија Дортмунд за евентуална продажба на својот играч ќе бара огромни 100 милиони фунти.

Бразилецот Дани Алвес кој пред неколку денови се врати во својот поранешен клуб Барселона, изјави дека популарната Барса ќе ја врати славата која ја заслужува, без оглед на тешката финансиска ситуација во која се наоѓа.

38-годишниот Алвес вели дека му е жал што легендата на „каталонците“ Лионел Меси летово го напушти клубот и се пресели во Париз Сен Жермен.

„Мислам дека Меси е најдобриот играч во светот, и за мене тој е соиграч од соништата. Дајте ми два часа и ќе го вратам Меси во Барселона“, изјави во свој стил ветеранот Алвес.

Дани Алвес во дресот на Барселона има освоено 23 трофеи,одиграл 391 натпревари со постигнати 21 гол и 101 асистенција.

Репрезентативецот на македонската фудбалска репрезентација, Аријан Адеми, кој настапува за хрватскиот шампион Динамо Загреб, во изјава за тамошните медиуми даде кратко интервју со свое мислење за нашата репрезентација и претстојните бараж средби.

„Навивав од дома, бев пресреќен кога заврши мечот со Исланд. Не само што бев среќен, туку бев и горд. Голема работа е да се пласирате на бараж за СП, тоа е голема работа за цела Македонија. Не знам да објаснам како дојде до ваков раст во репрезентацијата. Но, ако го погледнете тимот, ќе видите дека во екипата има многу квалитетни играчи кои играат во најсилните клубови од Европа. И порано имаше добри играчи, но сега се случи некој „клик“, и се си дојде на свое место.  После пласманот на Европското првенство се промени целата атмосфера.

„На првиот натпревар во баражот нема да може да сметаме на Елмас и Костадинов, играчи кои многу ни значат. Ќе биде навистина тешко, но јас сум оптимист. После Европското првенство, можеме и во Катар. Не очекуваат два тешки натпревари, но треба да се пројдат. Не сме фаворити, ние сме во втората група на неносители, во полуфиналето ќе играме на гостински терен против посилен притивник. Ќе биде тешко, но не и невозможно. Се надевам дека ќе бидам здрав и дека ќе бидам подготвен за тие два натпревари во март.

Адеми поради повреда не настапи на натпреварите против Ерменија и Исланд во кои Македонија славеше победа и успеа да избори бараж за пласман во Катар 2022.